موضوعی بیت بازی

اے جھلستے ہوئے جسموں کے خدا
جلتی دوپہر پہ بادل کر دے
یا مجھے وصل عطا کر مالک
یا میرا ہجر مکمل کر دے​

 

ایسا کیا پکڑ لیا ہاتھوں میں ؟؟ :twisted:

اگلا شعر حاضر ہے۔۔

یہ ابتلائے حیات، تفکر و پریشانی
نجانےاے خدا ! تیری رحمت کہاں گئی​

 

صدائیں درودوں کی آتی رہیں گی۔ جنہیں‌سن کے دل شاد ہوتا رہےگا
خدا رکھے آباد اہلِ محبت کو ، محمد :saw: کا میلا د ہوتا رہے گا​

 

خدا کے خوف سے جو نحیف و لرزاں ہیں
نہیں ڈرتے رضا وہ زمانے کے خداؤں سے​

 

اےخدا میرے دل کی کہانی کو بے نقاب نہ کرنا
بخش دینا میرے مولا گناہوں کا حساب نہ کرنا​

 

حقیقت میں میرے دل کی رضا تو کیا جانے
میرے دل میں تو ہے تیرے دل کی خدا جانے

 

خدا نصیب کرے ہند کے اماموں کو ۔۔۔۔
وہ سجدہ جس میں ہے ملت کی زندگی کا پیام

(علامہ محمد اقبال )​

 

خدا ہم کو ایسی خدائی نہ دے
کہ اپنے سوا کچھ دکھائی نہ دے
خدا ایسے عرفان کا نام ہے
رہے سامنے اور دکھائی نہ دے​

 

دو منفیوں کے ضرب کا مثبت جواب ہے
ظالم خدا کے واسطے کہدے نہیں ‌نہیں

(بشکریہ دستخط عاطف بھائی)​

 

اے خدا ہر فیصلہ تیرا مجھے منظور ہے
سامنے تیرے تیرا بندہ بہت مجبور ہے​

 

فرازِ کوہِ شبِ غم سے دیکھنا ہے اسے
مرے خدا مرے حصےّ کو رتجگے رکھنا

(ایوب خاور)​

 

زمانے بھر کی نگاہوں میں جو خدا سا لگے
وہ اجنبی ہے مگر مجھ کو آشنا سا لگے
عجیب چیز ہے یارو یہ منزلوں کی ہوس
کہ راہزن بھی مسافر کو راہنما سا لگے​

 

صنم کدہ ہے یا ہے محفلِ خداونداں
بہت خفا ہوا وہ بت جسے خدا نہ کہا

(اختر انصاری)​

 

پاس رہ کر خدا سی لگتی ہے
زندگی بے وفا سی لگتی ہے
میں تمھارے بغیر بھی جی لوں
یہ دعا ، بد دعا سی لگتی ہے

بشیر بدر​

 

نالہء‌شب ہے نا رسا، آہِ سحر ہے بے اثر
میرا خدا کہاں گیا، میرے خدا کو کیا ہوا

(سالک)​

 

او میرے مصروف خدا
اپنی دنیا دیکھ ذرا

ناصر کاظمی​

 

وفا کا عہد تھا دل کو سنبھالنے کے لیے
وہ ہنس پڑے مجھے مشکل میں ڈالنے کیلئے
خدا نہ کرے زمیں پاؤں سے اگر کھسکی
بڑھیں گے تُند بگولے سنبھالنے کے لیے

(احسان دانش)​

 

میرے خدا میرے لفظ و بیاں میں ظاہر ہو
اسی شکستہ و بستہ زباں میں ظاہر ہو
میں سرخرو نظر آؤں ، کلام ہو کہ سکوت
تیری عطا میرے نام و نشاں میں ظاہر ہو

افتخار عارف​

 

یہ بات کون خدایانِ سیم و زر کو کہے
شعور بھیک نہیں‌ ، آگہی خراج نہیں

(عابد حشری)‌​

 

خدا کرے کہ میری ارض پاک پر اترے
وہ فصل گل جسے اندیشہ زوال نہ ہو
یہاں جو پھول کھلے وہ کھلا رہے برسوں
یہاں خزاں کو گزرنے کی بھی مجال نہ ہو
خدا کرے کہ وقار اس کا غیر فانی ہو
اور اس کے حسن کو تشویش مہ و سال نہ ہو
خدا کرے کہ میری ارض پاک پر اترے
وہ فصل گل جسے اندیشہ زوال نہ ہو!!!


آحمد ندیم قاسمی​

 

پروانہء ناداں کو شمع سے جدا کر دے تو مانوں
اے خدا ! حسن کوعشق سے جدا کردے تو مانوں

(رضا)​

 

خدا سے حسن نے اک روز یہ سوال کیا
جہاں میں کیوں نہ مجھے تو نے لازوال کیا

ملا جواب کہ تصویر خانہ ہے دنیا
شبِ دراز عدم کا فسانہ ہے دنیا

(اقبال )​

 

خدا کا نام کوئی لے تو بول اٹھتے ہیں
ملے ہیں ہمکووہ رہبرخدا کے رستے میں

(حبیب جالب)​

 

ہے لب پہ اس طرح ذکر خدا کئی دن سے
کہ سامنے ہے در مصطفےٰ :saw: کئی دن سے​

شاہد واسطی​