موضوعی بیت بازی

دیکھنے والے تو دیکھ لیتے ہیں یہاں بھی
پھر میرے خدا ! یہ وعدہء حشر کیسا ؟

(رضا)​

 

دیکھ پاؤں جو خدایا تو میں کیا کیا دیکھوں
تجھ کو دیکھوں کہ تیرے نور کا سایہ دیکھوں​

 

جو میری ریاضتِ نیم شب کو سلیمِ صبح نہ مل سکی
تو پھر اسکے معنی تو یہ ہوئے کہ یہاں خدا کوئی اور ہے

(سلیم کوثر)​

 

خود سے اعجاز میں آشنا ہوں خادم سید الانبیا ہوں
بعد حمد خدا میرے لب پر مدحت خاتم المرسلیں ہے​

 

وہ ساتھ تھا تو خدا بھی تھا ساتھ ساتھ
بچھڑا تو دشمن جہاں بھی ہوگیا اپنا

(نعیم رضا)​

 

واصف بھائی ۔ ماشاءاللہ اتنی لمبے عرصے بعد آپکو دیکھ کر بہت خوشی ہوئی۔ امید ہے آپ کی زیارت ہوتی رہے گی ان شاءاللہ۔

ہاں کیفِ بیخودی میں وہ ساعت بھی یاد ہے
محسوس ہورہا تھا، خدا ہوگیا ہوں میں

(حفیظ جالندھری)​

 

جنگل کا وہ سفر بھی مبارک ہوا مجھے
جب چل رہا تھا میرا خدا، میرے سامنے​

 

کبھی اف کبھی ہائے کبھی فریاد کرتے ہیں
خدایا وہ کیوں‌نہیں ملتے جنکویاد کرتےہیں​

 

رنگ اور نسل کے توڑ کر بت یہ بتایا ہمیں مصطفےٰ نے
جس کا کردار ہے خوبصورت وہ خدا کی نظر میں حسیں ہے​

 

اے خدا اے خدا
جس نے کی ہے جستجو
مل گیا اس کو تو
سب کا تو راہ نما​

 

جان کر تیری رضا خدا پرستی
نام تبدیل کر لیا اس نے ​

 

میرے مولا تو مالک ہے میرا، سچا خالق ہے رازق ہے میرا
اس لیے میں تجھے مانتا ہوں‌ ، تو میرے مصطفےٰ کا خدا ہے

(سید ناصر چشتی )​

 

خدا کی یاد دلاتے تھے نزع میں احباب
ہزار شکر کہ اس دم وہ بد گماں نہ ہوا

مومن خان مومن​

 

ہم بھی شہرِ حضور دیکھیں‌گے
آبگینہء نور دیکھیں‌گے
جن کے دم سے ہے یہ دمِ ہستی
ان کے جلوے ضرور دیکھیں گے​

 

نعیم بھائی یہ موضوعی بیت بازی ہے نئی بیت بازی نہیں

 

موت اپنی، نہ عمل اپنا، نہ جینا اپنا
کھو گیا شورشِ گیتی میں قرینہ اپنا

ناخدا دور، ہوا تیز، قریں کامِ نہنگ
وقت ہے پھینک دے لہروں میں سفینہ اپنا



(فیض احمد فیض)​

 

باجی جی ۔ غلطی پر معذرت ۔ آپکی اصلاح کا شکریہ ۔

خدا کے واسطے یوں‌بے رخی سے کام نہ لے
تڑپ کے پھر کوئی دامن کو تیرے تھام نہ لے​

 

خدائے پاک کا قوسین کب ٹھکانہ تھا
فقط مقامِ نبی (ص) خلق کو دِکھانا تھا

:saw:​

 

سونپ کر منصب آدمیت مجھے
تو نے بخشی ہے اپنی خلافت مجھے
شوق سجدہ بھی کر اب عنائت مجھے
خم رہے میرا سر
تیری دہلیز پر
ہے یہی التجا
اے خدا اے خدا​

مظفر وارثی​

 

خدا کے واسطے پردہ نہ کعبے کا اٹھا ظالم
کہیں ایسا نہ ہو یاں بھی وہی کافر صنم نکلے

 

یوں دلا رہا ہے واعظ مجھے خدا کا خوف
گویا کہ مجھ غریب کا کوئی خدا نہیں​

 

میرے دل میں غالب شوق وصل و شکوہ ہجراں ہے
خدا وہ دن کرے جواسے میں یہ بھی کہوں وہ بھی​

 

صادق ہوں اپنے قول میں غالب خدا گواہ
کہتا ہوں سچ کہ جھوٹ کی عادت نہیں مجھے​

 

رقیبوں نے رپٹ لکھوائی یہ جا جا کے تھانے میں
کہ اکبر نام لیتا ہے خدا کا اس زمانے میں

(اکبر الہ آبادی)​

 

جب کہ تجھ بن نھیں کوئی موجود
پھر یہ ہنگامہ اے خدا کیا ہے؟

 

خدا نہیں ہوں مگر زندہ ہوں میں اُسی کیطرح
میں اک اکائی کی مانندکائناتِ عدد میں ہوں​