لفظِ “یوں“ پر شعر کہیں

جواب: لفظِ “یوں“ پر شعر کہیں

میری طلب تھا ایک شخص وہ جو نہیں ملا تو پھر
ہاتھ دعا سے یوں گرا، بھول گیا سوال بھی

 

جواب: لفظِ “یوں“ پر شعر کہیں

ناکامِ تمنا دل، اس سوچ میں رہتا ہے
یوں ہوتا تو کیا ہوتا، یوں ہوتا تو کیا ہوتا​

 

جواب: لفظِ “یوں“ پر شعر کہیں

عمر رو رو کے یوں کاٹی ہم نے
جس طرح ہجر کی شب کاٹتے ہیں
--- امین عاصم---

 

جواب: لفظِ “یوں“ پر شعر کہیں

نہیں امین عاصم بھائی ۔ یہ لڑی صرف "یوں" والے لفظ کے اشعار کی ہے۔ یہاں صرف وہی اشعار شامل کریں جن میں‌لفظ "یوں" آتا ہو۔ شکریہ

 

جواب: لفظِ “یوں“ پر شعر کہیں

یوں اکیلے میں اسے عہدِوفا یاد آئے
جیسے بندے کو مصیبت میں خدا یاد آئے

 

جواب: لفظِ “یوں“ پر شعر کہیں

کیا کہوں ان کے لطف سے یوں ہے دل آشنا کہ یوں
ان کی عطا سے پوچھیے بولے گی خود عطا کہ یوں
حافظ مظہر الدین مظہر

 

جواب: لفظِ “یوں“ پر شعر کہیں

پوچھا جو اُن چاند نکلتا ہے کس طرح‌
زلفوں کو رُخ پہ ڈال کے جھٹکا دیا کہ یوں
نامعلوم

 

جواب: لفظِ “یوں“ پر شعر کہیں

آج دل کھول کے روئے ہیں‌ تو یُوں‌ خُوش ہیں‌ فرازؔ
چند لمحوں کی یہ راحت بھی بڑی ہو جیسے

احمد فرازؔ​

 

جواب: لفظِ “یوں“ پر شعر کہیں

تیری نظر کا معجزہ، کرب کو یوں بدل گیا
قطرۂ اشک آنکھ سے بن کے گُہر اُچھل گیا​

 

جواب: لفظِ “یوں“ پر شعر کہیں

پہلے تو اس کے ہاتھ کی مشعل بجھی وصی
پھر یوں ھوا کہیں مری تقدیر کھو گئی​

 

جواب: لفظِ “یوں“ پر شعر کہیں

اُس سے بچھڑ کے آئینہ دیکھا تو یوں لگا
ہاتھوں میں اپنے عمرِ رواں بھی نہیں رہی​

 

جواب: لفظِ “یوں“ پر شعر کہیں

یوں تو لگتا ہے کہ قسمت کا سکندر ہے فراز
مگر انداز ہیں سب خانہ خرابوں والے​