لفظِ “یوں“ پر شعر کہیں

کبھی یوں بھی ہو تیرے روبرو نظر ملا کے یہ کہ سکوں
میری حسرتوں کو شمار کر میری خواہشوں کا حساب کر

 

پھر يوں ہوا کے ساون آنکھوں ميں آ بسے تھے
پھر يوں ہوا کہ جيسے دل بھی تھا آبلہ سا

 

+++

 

یوں تو کہنے کو بہت لوگ شناسا میرے
کہاں لے جاؤں تجھے اے دلِ تنہا میرے

 

خدا کسی کو یوں‌بھی کمال دیتا ہے
جوآئینےکوبھی حیرت میں ڈال دیتا ہے
برائے نام بھی جس کو وفا نہیں‌ آتی
وہ دوسروں کی وفا کی مثال دیتا ہے۔

 

غم ہے کہ مسلسل اسی شدّت سے ہے جاری
یوں کہنے کو اس عمر کا ہر لمحہ نیا ہے

 

عشق یوں وادیء ہجراں میں ہوا محوِ خرام
خارزاروں میں کوئی آبلہ پا ہو جیسے
(ظہورکاشمیری)

 

اشک سے دل کی آبیاری کی ہم نے
شبِ غم کچھ یوں بھی گذار دی ہم نے

 

یوں‌ نہ اے فصلِ گل گزر جانا
ہم پہ الزام کوئی دھر جانا

 

اپنی ظلمتوں میں گم دیکھتے ہیں یوں جیسے
راستہ بدل دے گی جوئے کہکشاں اپنا

 

دیکھیں محشر میں ان سے کیا ٹھہرے
تھے وہی بت جو اب خدا ٹھہرے
ٹھہرے اس در پہ یوں تو کیا ٹھہرے
بن کے زنجیرِ بے صدا ٹھہرے

 

میں اُس کے پیار میں ڈوبا تو یوں ہوا محسوس
گہر گہر تھی سمندر سے بڑھ کے ذات اس کی

 

دوستوں سے کہہ کے غم ہلکا کرو
بوجھ اپنے دل پہ مت رکھا کرو
عشق کا اپنے نہ یوں چرچا کرو
اپنی خاطر مت اُسے رُسوا کرو

 

کس کو معلوم تھا یوں بدل جائیں گے آرزو کے فسانے بھی عُنوان بھی
درد کے ہوں گے پیدا نئے سلسلے، غم کے ہو جائیں گے تازہ سامان بھی

 

کبھی یوں بھی ہو کسی شب تو مجھ سے آ ملے
گئے رتجگوں کا حساب ہو نئے سال میں

 

وہ بیکراں تھا مگر یوں سما گیا مجھ میں
کہ جیسے دل ہی تو میرا تھا کائنات اس کی

 

کبھی یوں بھی آپ میرے خواب میں کہ میری نظر کو خبر نہ ہو
مجھے ایک رات نواز دے۔ چاہے اسکے بعد سحر نہ ہو

 

یوں نکھر کے ابھرا ہے رنگِ داستاں اپنا
حرف حرف اِس کا ہے نقشِ جاوداں اپنا

 

یوں‌تو ہر شخص نے دنیا میں محبت کی ہے
ہم نے اے جانِ وفا ! تیری عبادت کی ہے

 

دل کی دنیا میں کبھی ایسا بھی سناٹا نہ تھا
ہم ہی ہو گۓ تھے ساکت وقت تو ٹھہرا نہ تھا
یہ بجا ! کہ وسوسے بھی دل میں اٹھتے تھے مگر
یوں بھی ھوجاۓ گا ایسا تو کبھی سوچا نہ تھا

 

سرخ پھولوں سے مہک اٹھتی ہیں راہیں دل کی
دن ڈھلے یوں تیری آواز بلاتی ہے ہمیں

 

کون ھے جس نے یوں ہماری طرح
وقت کے جال میں تمہیں چاہا

 

یوں حسرتوں کے داغ محبت میں دھولیے
خود دل سے دل کی بات کہی اور رو لیے