لفظِ “بات“ پر شعر کہیں

اک دن جو سر راہ ملے حضرت زاہد
پھر چھڑ گئی باتوں میں وہی بات پرانی

علامہ اقبال​

 

اس شہرِ خرابی میں ، غمِ عشق کے مارے
زندہ ہیں، یہ بات بڑی بات ہے پیارے​

 

جوروستم کی بات بھلا اُن سے کیا کریں
جو ایک لفظ کی بھی سماعت نہ کرسکیں​

 

ہوا نے کانوں‌میں کچھ سرسراہٹ کی
مجھے تو تیری ہی کوئی بات یاد آئی

(رضا)​

 

تم سے دوری، یہ مجبوری،، زخم کاری ، بے داری
تنہا راتیں، سپنے کاتیں، خود سے بات یں،میری خو​

 

بہت خوب صارم مغل بھائی !

اب ایسا کیا کہ ہم جان ہار بیٹھے ہیں
ذرا سی بات پہ دل کو نڈھال کیاکرنا​

 

پسندیدگی کا شکریہ
-----------------------------------------
بات کرنی ہمیں مشکل کبھی ایسی تو نہ تھی
جیسی اب ہے تری محفل کبھی ایسی تو نہ تھی

 

جس دھج سے کوئی مقتل میں گیا، وہ شان سلامت رہتی ہے
یہ جان توآنی جانی ہے ، اس جاں کی تو کوئی بات نہیں​

 

تم جو ہر بات پہ کہتے ہو کہ تو کیا ہے
تم ہی بتلاؤ یہ اندازِ گفتگو کیا ہے ؟؟​

 

مصلحت کیش نہیں ہم مگر اے جان جہاں
تم سے اک بات چھپائی ہے بتانے کے لیئے

ایوب خاور​

 

نہ ہی دادِ بزم سرور، نہ ستائشِ زمانہ ۔۔۔۔
ترے کام خوب آئیں، تری شاعری کی باتیں​

 

وہ بات سارے فسانے میں جس کا ذکر نہ تھا
وہ بات اُن کو بہت ناگوار گزری ہے

 

تیرے نام سے ہے آقا مجھے جانتا زمانہ ۔۔۔۔۔۔۔
تیرے نام سے جہاں‌ میں میری بات بن گئی ہے​

 

سوچ کے دیں گے اس کا جواب
سن بیٹھے ہیں آپ کی بات

عدم​

 

ہم انتظارِ یار میں کچھ محو تھے اس طرح
چونکے جبھی کے رات نے چھیڑی سحر کی بات​

 

ضعف میں طعنۂ اغیار کا شکوہ کیا ہے
بات کچھ سَر تو نہیں ہے کہ اٹھا بھی نہ سکوں

 

ممکنہ فیصلوں میں اک ہجر کا فیصلہ بھی تھا
ہم نے تو ایک بات کی، اُس نے کمال کر دیا

پروین شاکر​

 

بات تو کچھ بھی نہ تھی مگرا س کا
ہونٹوں پہ انگلی رکھ کر چپ کرانا اچھا لگا​

 

کلیوں کی طرح ہم بھی بکھر جائیں گے اک دن
یہ بات ہے سچی کہ یہ قسمت کا لکھا ہے

 

ناز ہے طاقتِ گفتار پہ انسانوں کو
بات کرنےکا سلیقہ نہیں نادانوں‌کو​

 

یہ اور بات ہمیں دوستی نہ راس آئی
ہواتھی ساتھ توخوشبومقام رکھتے تھے

 

وہ ہوس ہو يا وفا ہو بات محرومي کي ہے
لوگ پھل پھول ديکھيں گے شجر ديکھے گا کون​

 

تم جو ہر بات پہ کہتے ہو کہ تُو کیا ہے
تم ہی بتلاؤ تو یہ اندازِ گفتگو کیا ہے ؟

 

بات پیڑوں کی نہیں غم ہے پرندوں کا ندیم
گھونسلے جن کے کوئی توڑ دیا کرتا تھا

واہ واہ کیا بات ہے۔ مجھے بہت اچھا لگا یہ شعر!

 

مُسکراتا ہی رہا حرفِ تمنّا سُن کر
ٹال دی اُس نے مِری بات کِس آسانی سے