لفظِ “بات“ پر شعر کہیں

یہاں ایک نیا سلسلہ شروع کیا جا رہا ہے۔ یہاں آپ ایسے اشعار دیں گے جس میں لفظِ بات استعمال ہو۔

(لفظِ بات پر پہلے “گپ شپ“ میں ایک سلسلہ چل رہا ہے، لیکن یہاں اس کی زیادہ ضرورت ہے۔ )

پہلا شعر حاضر ہے۔

کل اُن کو بات بات پر سو سو دئیے جواب
مجھے آپ اپنی ذات سے ایسا گماں نہ تھا​

 

ہر ایک بات پہ کہتے ہو تم کے تو کیا ہے
تمہی کہو کہ یہ اندازِ گفتگو کیا ہے

 

مِری وہ باتیں تُو جن پہ بے اختیار ہنستا تھا کِھلکھلا کے
بچھڑنے والے، مِری وہ باتیں، کبھی رُلائیں تو لوٹ آنا​

 

وہ بات سارے فسانے میں‌جس کا ذکر نہ تھا
وہ بات ان کو بہت ناگوار گزری ہے

 

آپ کی بات کا تو کیا کہنا
ہاں! مِری بات کوئی بات نہیں

یاد کرتے تو ایک بات بھی تھی
بھول جانا تو کوئی بات نہیں

خامشی میں ہزار باتیں ہیں
بات ہے اور کوئی بات نہیں

دل ملائے تو کوئی بات بنے
آنکھ مِلنا تو کوئی بات نہیں

بن گئی میری جان پر لیکن
آپ کہتے ہیں، کوئی بات نہیں​

 

کوئی ایسی بات اگر ہوئی جو تمہارے جی کو بُری لگی
تو بیاں سے پہلے ہی بھولنا ، تمہیں یاد ہو کہ نہ یاد ہو​

 

وہ آنکھوں آنکھوں میں‌کرتے ہیں‌اس طرح باتیں
کہ کانوں کان کسی کو خبر نہیں‌ہوتی

 

ملے گا آپ کی ہر بات کا جواب یہیں
مگر اُٹھائیے پہلے قسم نہ جانے کی​

 

وہ دل کا حال سُنتے رہے پہلے اور پھر
ہنس کر کہا یہ گُزرے زمانے کی بات ہے​

 

تیری باتیں ہی سُنانے آئے
دوست بھی دل ہی دُکھانے آئے
پھول کِھلتے ہیں‌تو ہم سوچتے ہیں
تیرے آنے کے زمانے آئے​

 

غم نہ کر میری خستہ حالی کا
عشق ہے، اور کوئی بات نہیں

بن گئی میری جان پر لیکن
آپ کہتے ہیں‌کوئی بات نہیں​

 

ناکامئِ وفا پہ اُڑاتے تو تم ہنسی
اے دوستو! یہ رونے رُلانے کی بات ہے​

 

چند کلیاں نشاط کی چن کر
مدتوں محو یاس رہتا ہوں
تیرا ملنا خوشی کی بات سہی
تجھ سے مل کر اداس رہتا ہوں​

 

ملے گا آپ کی ہر بات کا جواب یہیں
مگر اُٹھائے پہلے قسم نہ جانے کی​

 

تیری باتوں کے تھے ہزار جواب
احتراماً ہی چُپ رہا کوئی​

 

وہ ہر اک بات پر گردن ہلانا
وہ کہتا کیا، پتا چلتا نہیں تھا​

 

یاد تم کو مری کوئی بات ہو کہ نہ ہو
ہم مگر تیری کوئی بات نہیں بھولے ہیں​