قطعات

میری خاک خاک سی ذات پڑھ، مری شکل کے خدوخال دیکھ
کبھی اِس وجود میں ڈوب کر کوئی ایک گوہر اُچھال دیکھ

کہوں کیسے قطرۂ آب ہوں، کہوں کیسے ایک حباب ہوں
کہ ازل، ابد پہ محیط ہوں، مرے شرق، غرب، شمال دیکھ

 

آخر وہی ہوا ہے کہ جس کا ڈر تھا مجھے
کرنا پڑا ہے اپنے ہی اندر سفر مجھے
دشمن کا گھر اجاڑ کے آیا ہوں آج میں
ایسا نہ ہو پناہ نہ دے میرا گھر مجھے

 

زبردست

 

نشہ ناز نے بے حال کیا ہے تم کو
اپنے ہے زور میں کم زور ہوئی جاتی ہو
میں کوئی آگ نہیں، آنچ نہیں، دھوپ نہیں
کیوں پسینہ میں شرابور ہوئی جاتی ہو

 

اپنی انگڑائیوں پہ جبر نہ کر
مجھ پہ یہ قہر ٹوٹ جانے دے
ہوش میری خوشی کا دشمن ہے
تو مجھے ہوش میں نہ آنے دے

 

عرش والوں کی محبتوں کا امین رہتا ہے
فرش والوں کی چاہتوں کا مکین رہتا ہے
دونوں جہاں رہتے ہیں اس ایک جہاں میں
پھر بھی جانے کیوں دل غمگین رہتا ہے

 

قوم فرقوں میں بٹ گئی کیونکر
ایک رستے سے ہٹ گئی کیونکر
اپنےمقصد کو ڈال کر پیچھے
اپنے مرکز سے کٹ گئی کیونکر

عاکف غنی

 

خوشبو کی طرع دل کے گلابوں میں رہے گا
وہ چاند ھمیشہ میرے خوابوں میں رہے گا
بھیگی ہوئی آنکھوں سے گلے مل کے بچھڑنا
وہ شخص سدا دل کی کتابوں میں رہے گا

 

حدودِ طائرِ سدرہ حضور ﷺ جانتے ہیں
کہاں ہے عرشِ معلٰی حضور ﷺ جانتے ہیں
پہنچ کے سدرہ پہ روح الامین کہنے لگے
یہاں سے آگے کا رستہ حضور ﷺ جانتے ہیں

 

چاہت بھری کتاب سے آگے نکل گیا
وہ شخص اِنتساب سے آگے نکل گیا
اِتنا سکوت، دھڑکنیں تھم تو نہیں گئیں؟
دل آج اِضطراب سے آگے نکل گیا​

 

یہ روح کھنچتی چلی جا رہی ہے کس کی طرف
یہ پاؤں کیوں نہیں تھکتے ہمارے چلتے ہوئے
اُسی کے نام کی خوشبو سے سانس چلتی رہے
اُسی کا نام زباں پر ہو دم نکلتے ہوئے

 

واہ ...بھت خوب

 

شکریہ جی

مُجھ میں اُترو میرے لہُو کی طرح
میری رُوح کے رقیب ہو جاؤ !!!!
تُم جو چُھو لو تو دَرد گھٹ جاۓ !!!
آؤ !! میرے طبیب ہو جاؤ !!!

 

واللہ کمال شاعری

 

کہاں ہے اَرض و سَما کا خالق کہ چاہتوں کی رگیں کُریدے!

ہَوس کی سُرخی رُخِ بَشر کا حَسین غازہ بنی ہُوئی ہے

کوئی مَسیحا اِدھر بھی دیکھے، کوئی تو چارہ گری کو اُترے

اُفق کا چہرہ لہُو میں تَر ہے، زمیں جنازہ بنی ہُوئی ہے

 

چل نکلتی ہے غم یار سے باتیں کیا کیا
ہم نے بھی کیں در و دیوار سے باتیں کیا کیا
بات بن آئی ہے پھر سے کہ میرے بارے میں
اس نے پوچھیں میرے غم خوار سے باتیں کیا کیا

 

واہ بھت خوب

 

زِندگانی کی کی کچ اَدائی پر

تبصرے سب فضول ہوتے ہیں

اپنی اپنی بساط ہے سب کی

اپنے اپنے اصُول ہوتے ہیں

 

واہ بھت خوب

 

پتھر دل بے حس لوگوں کو یہ نکتہ کیسے سمجھائیں

عشق میں کیا بے انت نشہ ہے یہ کیسی سرشاری ہے

تم نے کب دیکھی ہے تنہائی اور سناٹے کی آ گ

ان شعلوں میں اس دوزخ میں ہم نے عمر گذاری ہے

 

اَب کے ہَر سُو وہ اُداسی ہے کہ دل کہتا ہے

کوئی بھٹکا ہُوا رَہرَو ہی سفر میں اُترے

کوئی رُوٹھا ہوا جُگنو ہی بُلائے مُجھ کو!

کوئی ٹُوٹا ہُوا تارہ میرے گھر میں اُترے

 

ملک بلال اور پاکستانی 55 اگر آپ بھی کمنٹ کرتے تو ھمیں بھت خوشی ھوتی

 

کون کہتا ہے محبت کی زباں ہوتی ہے
یہ حقیقت تو نگاہوں سے بیاں ہوتی ہے

وہ نہ آئے تو ستاتی ہے خلش سی دل کو
وہ جو آئے تو خلش اور جواں ہوتی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

ٹوٹنے اور بکھرنے کا چلن مانگ لیا
ہم نے حالات سے شیشے کا بدن مانگ لیا
ہم بھی کھڑے تھے تقدیر کے دروازے پر
لوگ دولت پہ گرے ہم نے وطن مانگ لیا

 

شکریہ جی

 

ﺍﺱ ﺗﻐﺎﻓﻞ ﻣﯿﮟ ﺑﮭﯽ ﺳﺮﮔﺮﻡِ ﺳﺘﻢ ﻭﮦ ﺁﻧﮑﮭﯿﮟ
ﺁﭖ ﺗﻮ ﺳﻮﺗﮯ ﮨﯿﮟ، ﻓﺘﻨﻮﮞ ﮐﻮ ﺟﮕﺎ ﺭﮐﮭﺎ ﮨﮯ
ﺁﺩﻣﯽ ﺯﺍﺩ ﮨﯿﮟ ﺩﻧﯿﺎ ﮐﮯ ﺣﺴﯿﮟ ،ﻟﯿﮑﻦ ﺍﻣﯿﺮ
ﯾﺎﺭ ﻟﻮﮔﻮﮞ ﻧﮯ ﭘﺮﯼ ﺯﺍﺩ ﺑﻨﺎ ﺭﮐﮭﺎ ﮨﮯ
ﺍﻣﯿﺮ ﻣﯿﻨﺎﺋﯽ​

 

خیالوں کے جہانوں سے نکل جائیں تو اچھا ہے
زمین و آسمانوں سے نکل جائیں تو اچھا ہے
میں ماضی کے رقیبوں سے الجھ جاتا ہوں اکثر ہی
ہماری داستانوں سے نکل جائیں تو اچھا ہے

 

آج پھر گردش تقدیر پہ رونا آیا
دل کی بگڑی ہوئی تصویر پہ رونا آیا
کیا حسین خواب محبت نے دکھایا تھا ہمیں
کھل گئی آنکھ تو تعبیر پہ رونا آیا

 

کیا ضروری ہے کہ ہاتھوں میں تر اہاتھ بھی ہو
چند یادوں کی رفاقت ہی بہت کافی ہے
لوٹ چلتے ہیں اسی پل سے گھروں کی جانب
یہ تھکن اتنی مسافت ہی بہت کافی ہے
اعتبار ساجد
​

 

شاعر: "صہبا لکھنوی"

فریب ِ آرزو کی حشر سامانی ارے توبہ
ہر اک ہچکی پہ میں سمجھا ، کوئی پیغام آتا ہے
جہاں نیندوں کی بستی ہے جہاں رفعت نہ پستی ہے
وہیں لے چل مجھے اے دل ، وہیں آرام آتا ہے