قطعات

ﺍﺷﻌﺎﺭ ﻣﺮﮮ ﯾﻮﮞ ﺗﻮ ﺯﻣﺎﻧﮯ ﮐﮯ ﻟﯿﺌﮯ ﮨﯿﮟ
ﮐﭽﮫ ﺷﻌﺮ ﻓﻘﻂ ﺍﻥ ﮐﻮ ﺳﻨﺎﻧﮯ ﮐﮯ ﻟﯿﺌﮯ ﮨﯿﮟ
ﺍﺏ ﯾﮧ ﺑﮭﯽ ﻧﮩﯿﮟ ﭨﮭﯿﮏ ﮐﮧ ﮨﺮ ﺩﺭﺩ ﻣﭩﺎ ﺩﯾﮟ
ﮐﭽﮫ ﺩﺭﺩ ﮐﻠﯿﺠﮯ ﺳﮯ ﻟﮕﺎﻧﮯ ﮐﮯ ﻟﯿﺌﮯ ﮨﯿﮟ

جان نثار اختر

 

دشت تنہائی میں ، اے جان جہاں ، لرزاں ہیں
تیری آواز کے سائے ، تیرے ہونٹوں کے سراب
دشت تنہائی میں ، دوری کے خس و خاک تلے
کھل رہے ہیں ، تیرے پہلو کے سمن و گلاب

 

اٹھا لائینگے نیا سورج مشرق کے دفینے سے
شب ہجراں سے نا گھبرا اجالا ہم بھی دیکھیں گے
ابھی کھیل باقی ہے ابھی انجام ہونا ہے
تماشا تم نے دیکھا ہے تماشا ہم بھی دیکھیں گے

 

پتھر بنا دیا مجھے رونے نہیں دیا
دامن بھی تیرے غم نے بھگونے نہیں دیا
تنہائیاں تمھارا پتہ پوچھتی رہیں
شب بھر تمھاری یاد نے سونے نہیں دیا

 

رات پھیلی ہے تیرے سرمئی آنچل کی طرح
چاند نکلا ہے تجھے ڈھونڈنے پاگل کی طرح
پھر خیالوں میں تیرے قرب کی خوشبو جاگی
پھر برسنے لگی آنکھیں میری بادل کی طرح

 

یہ آج کون سے طوفان میں ہے سفینہ دل
کہ دور دور کنارے نظرنہیں آتے
ہجوم یاس ہے اور منزلوں اندھیرا ہے
وہ رات ہے کہ ستارے نظر نہیں آتے

 

دردِ غمِ فراق ۔۔۔ کے یہ سخت ۔۔۔ مرحلے
حیراں ہوں میں کہ پھربھی تم اتنےحسیں رہے
جا ۔۔۔ اور کوئی ضبط کی ۔۔۔ دنیا تلاش کر
ائے عشق ہم تو اب ترے قابل نہیں رہے

 

میں عمر کے رستے میں چپ چاپ بکھر جاتا
ایک دن بھی اگر اپنی تنہائی سے ڈر جاتا
میں ترک تعلق پر زندہ ہوں سو مجرم ہوں
کاش اس کے لئے جیتا ، اپنے لئے مر جاتا

 

وفا کا ذکر چلا تو مجھے یاد آیا
وہ نقش میری وفا کا مٹا چکا ہو گا
جو میری آنکھوں کو آئینہ کہا کرتا تھا
وہ میرا چہرہ بھی کب کا بھلا چکا ہو گا

 

اپنے دل میں اسے میں نے بسایا ہے
بن کے دھڑکن وہ مرے دل میں سمایا ہے

تیرگی ہوتی نہیں ہے زندگی میں میری
اس کی یاد کا ہر پل دیا جلایا ہے

 

ٹوٹتے ہیں خون کے رشتےبھی
غلطیاں دو چار کر کے دیکھنا
کئی جنم بیت جایئں گے دوست
کبھی محبت شمار کر کے دیکھنا

 

کبھی درد ہے تو دوا نہیں
جو دوا ملی تو شفا نہیں
وہ ظلم کرتے ہیں اس طرح
جیسے میرا کوئی خدا نہیں

 

قریب آ کہ محبت کا اہتمام کریں
زمانہ بیت گیا دل پہ چوٹ کھائے ہوئے
مجھے بھی ایک نئے زخم کی ضرورت ہے
تجھے بھی ہوگئی مدت مجھے ستائے ہوئے

 

‏نہ منہ کو چھپا کے جئے ، نہ سر جھکا کے جئے
ستمگروں کی نظر سے نظر ملا کے جئے
اب ایک رات اگر کم جئے، تو کم ہی سہی
یہی بہت ہے کہ ہم مشعلیں‌ جلا کے جئے

 

انصاف زمانے میں اگر دیکھ رہے ہیں
ہم اپنی دعاؤں میں اثر دیکھ رہے ہیں
بدلی ہے زمانے کی ہوا ، سب کو مبارک
اخبار کا پرچہ ہے خبر دیکھ رہے ہیں

 

کوئی بھی رات ہو کھنچتی نہیں قیامت تک
سحر قریب ہے سورج نکلنے والا ہے
چمک سے کفر کی اندھا نہ ہو کوئی
کہ حق رہیگا یہ باطل تو مٹنے والا ہے

 

گماں ہے شاخ کو اس کے ہی دم سے ہے یہ شجر
خبر نہیں ہے وہ جڑ کے بغیر کچھ بھی نہیں ہے
نکل کے مرکز جاں سے پنپ سکا نہ کوئی
جو گھر سے نکلا وہ گھر کے بغیر کچھ بھی نہیں ہے

 

طلوع فجر سے پہلے کے منظر دیکھتے رہنا
مرا معمول ھے راتوں کو اکثر جاگتے رھنا
کسی کی یاد کے سارے حوالے ذھن میں رکھنا
خلاؤں میں کوئی گم گشتہ جنت ڈھونڈتے رھنا​

 

اپنی آنکھیں گنوائی ہیں ہم نے
اپنے خوابوں کی پاسبانی میں
ایک مدت کا ساتھ چھوٹ گیا
ایک چھوٹی سی بدگمانی میں

 

تیری تصویر لگا لیتے ہیں ہم سینے سے
پھر تیرے خط سے تیری بات کیا کرتے ہیں
گر تجھے چھوڑنے کی سوچ بھی آئے دل میں
ہم تو خود کو بھی وہیں چھوڑ دیا کرتے ہیں

 

کتنا کمزور ہے دشمن نہتوں پہ وار کرتا ہے
باندھ کر ہاتھ گولیاں سینوں کے پار کرتا ہے
ہاتھ میں ہے بندوق بدن پہ ہے وردی پھر بھی
منہ چھپائے میری بستی کا حصار کرتا ہے

 

ہر اِک چلن میں اُسی مہربان سے مِلتی ہے
زمیں ضرور، کہِیں آسماں سے مِلتی ہے
ہمیں تو شعلۂ خِرمن فروز بھی نہ ملا
تِری نظر کو تجلّی کہاں سے مِلتی ہے؟

سیف الدین سیفؔ​

 

وقت کی بھیڑ میں ہرگز نہیں کھونے دونگی
میں تجھے اور کسی کا ہونے نہیں دونگی
تو نے چھینی ہے میری آنکھوں سے نیندیں میری
میں بھی تجھے اب چین سے سونے نہیں دونگی

 

نقش دیواروں سےتم یوں تومٹاسکتے ہو
دل پہ جو نقش ہےاس کو نہ مٹا پاؤ گے
نوک بندوق سے کرسکتے ہوخاموش زباں
ذہن میں فکر کی شمع نہ بجھا پاؤ گے

 

پھر تیری یاد کے موسم نے جگائے محشر
پھر میرے دل میں اٹھا شور ہواؤں جیسا
بارہا خواب میں پا کر مجھے پیاسا محسن
اس کی زلفوں نے کیا رقص گھٹاؤں جیسا

 

میں چاہنے والوں کو مخاطب نہیں کرتا
اور ترک تعلق میں وضاحت نہیں کرتا
میں اپنی جفاؤں پے نادم نہیں ہوتا
میں اپنی وفاؤں کی تجارت نہیں کرتا

 

کچھ یادگار شہرستمگر ہی لے چلیں
آہے ہیں اس گلی میں تو پتھر ہی لے چلیں
یوں کس طرح کٹےگا کڑی دھوپ کا سفر
سر پہ خیال یار کی چادر ہی لے چلیں

 

چاہت میں کیا دنیا داری عشق میں کیسی مجبوری
لوگوں کا کیا سمجھانے دو انکی اپنی مجبوری
روک سکو تو پہلی بارش کی بوندوں کو تم روکو
کچی مٹی تو مہکے گی ، ہے مٹی کی مجبوری

 

نثار میں تیری گلیوں کے اے وطن کہ جہاں
چلی ہے رسم کہ کوئی نہ سر اٹھا کے چلے

جو کوئی چاہنے والا طواف کو نکلے
نظر چرا کے چلے ، جسم و جاں بچا کے چلے