بیت بازی - حصہ دوم

اپنی کوتاہی سے پانے کی شِکایت کِس سے
جب توجّہ نہ برابر ہو تو پھل ہوں گے خلش

 

شاید کسی لکیر میں لکھا ہو میرا نام
اے دوست اپنا ہاتھ مجھے دیکھنے تو دے

 

یہ بھی اے دل اک فریبِ وعدہ فردا نہ ہو
روز سُنتاہُوں کہ کوئی محشر بپا ہونے کو ہے

 

یہ سحر جو کبھی فردا ہے کبھی ہے امروز
نہیں معلوم کہ ہوتی ہے کہاں سے پیدا

 

آسمانوں پر نظر کر انجم و مہتاب دیکھ
صبح کی بنیاد رکھنی ہے تو پہلے خواب دیکھ

 

ہم بھی منہ میں زبان رکھتے ہیں
کاش پوچھو کہ مدعا کیا ہے

 

یارب ہجومِ درد کو دے اور وسعتیں
دامن تو کیا ابھی میری آنکھیں بھی نم نہیں

 

یہ دل کو تاب کہاں ہے کہ ہو مآل اندیش
انہوں نے وعدہ کیا اس نے اعتبار کیا

 

نظر آئے گا اسی کو یہ جہاںِ دوش و فردا
جسے آ گئی میسر مری شوخیِ نظارہ

 

وہی محدود سا حلقہ ہے شناسائی کا
یہی احباب مرے ہیں، یہی اعداء میرے

 

یہ کہاں تک پھیلتی جاتی ہیں دل کی وُسعتیں
حسرتودیکھو سمٹ آئے ہیں ویرانے کہاں

 

یہ اداس اداس سے بام و در، یہ اجاڑ اجاڑ سی رہگزر
چلو ہم نہیں نہ سہی مگر سرِ کوئے یار کوئی تو ہو

 

نے جائے واں بنے ہے نہ بن جائے چین ہے
کیا کیجیے ہمیں تو ہے مشکل سبھی طرح

 

نظر جو آئے تو جی چاہے چوم لیں ناظر
قدم قدم پہ اُسی نقشِ پا کی بات کرو

 

وہ دلنواز ہے لیکن نظر شناس نہیں
مرا علاج میرے چارہ گر کے پاس نہیں

 

آندھیوں کا سَیل بن کر عرصۂ پیکار میں
زلزلوں کے روپ میں محلوں کو ڈھاتا ہے قلم

 

رک گئے ہیں تو یہ دریا میرے اندر ہی رکے
چل پڑے ہیں تو اُسی طرح چلے چاروں طرف

 

فکر ہي ٹھہري تو دل کو فکر ِ خوباں کيوں نہ ہو
خاک ہونا ہے تو خاک ِ کوۓ جاناں کيوں نہ ہو

 

وعدہ وہ کر گئے ہیں کہ آئیں گے خواب میں
مارے خوشی کہ نیند نہ آئے تو کیا کروں

 

ناظر مجھے سکون قناعت میں مل گیا
دنیا کہ بھاگتی رہی دولت کے اردگرد