بیت بازی - حصہ دوم

دسترس کا طلسم ہے ورنہ
ساعتِ جبر و اختیار بھی جھوٹ
پیرہن خونِ دل سے تر کر لو
ورنہ دامانِ تار تار بھی جھوٹ

 

اک دوسرے کو تکتے ہوئے عکس و آئنہ
اظہار منجمد ، لب ِ گفتار دم بخود

 

نے تاب ہجر میں ہے نہ آرام وصل میں
کم بخت دل کو چین نہیں ہے کسی طرح

 

حق بات پہ کٹتی ہیں تو کٹنے دو زبانیں
جی لیں گے میرے یار بہ انداز دگر بھی

 

یہ بھی اے دل اک فریبِ وعدہ فروا نہ ہو
روز سُنتا ہُوں کہ کوئی محشر بپا ہونے کو ہے

 

یوں مرا دل سینے میں تپاں ہے، ان کیلئے ہر دم گریاں ہے
جیسے کوئی کرتا ہوں ماتم، ہائے محبت ہائے یہ عالم

 

آتشِ عشق کو سینے میں عبث بھڑکایا
اب بھلا کھینچوں ہوں میں آہِ شرر‌بار کہ تو

 

یہ تو معلوم ہے ڈھل جائے گی یہ رات رضی
کتنی قربانی مگر لے کے ڈھلے گی صاحب

 

اپنی زبان تو بند ہے، تم خود ہی سوچ لو
پڑتا نہیں ہے یونہی سِتمگر کسی کا نام
قتیل شفائی

 

نہ کوئی خندہ بلب ہے نہ کوئی گریہ کناں
تیرا دیوانہ پڑا ہے تری دیوار کے ساتھ
سعد اللہ شاہ

 

اُس آخری نظر میں عجب درد تھا منیر
جانے کا اُس کے رنج مجھے عمر بھر رہا

 

یا رب غمِ ہجراں میں اتنا تو کیا ہوتا
جو ہاتھ جگر پر ہے وہ دستِ دعا ہوتا

 

یہ سن کر ہم نے میخانے میں اپنا نام لکھوایا
جو میکش لڑ کھڑاتا ہے وہ بازو تھام لیتے ہیں

 

وہ دانائے سبل ، ختم الرسل ، مولائے کل جس نے
غبار راہ کو بخشا فروغ وادی سینا
نگاہ عشق و مستی میں وہی اول ، وہی آخر
وہی قرآں ، وہی فرقاں ، وہی یسیں ، وہی طہ

 

ڈھونڈو گے اگر ملکوں ملکوں ملنے کہ نہیں نایاب ہیں ہم
تعبیر ہے جس کی حسرت و غم اے ہم نفسو وہ خواب ہیں ہم

 

اللہ رے میرے شوق کی مُشکل پسندیاں
کِس آفتِ جہاں کو کِیا اِنتخاب ہے