بیت بازی - حصہ دوم

یوں تراشوں گا غزل میں تیرے پیکر کے نقوش
وہ بھی دیکھے گا تجھے جس نے تجھے دیکھا نہیں

 

یہ خزاں کی زرد سی شال میں جو اداس پیڑ کے پاس ہے
یہ تمہارے گھر کی بہار ہے، اسے آنسوؤں سے ہرا کرو

 

لچک لچک کر ہر اک قدم پر کمر میں بل پڑرہے ہیں پیہم
سنک سنک کر ہواے عشوہ گھنیری زلفیں ہلا رہی ہے

 

نظام بھائی بیت بازی میں شعر کے آخری لفظ سے اگلا شعر دیا جاتا ہے جیسے اوپر آپ کو ،و ، سے شعر لکھنا تھا ۔اچھا لگا آپ نے اس لڑی میں حصہ لیا آپ کا شعری انتخاب خوب ہے امید ہے آپ ہماری اردو کے لیے ایک اچھا اضافہ ثابت ہوں گے
یارب رہِ طلب میں کوئی کب تلک پھرے
تسکین دے کے بیٹھ رہوں پاوں گاڑ کر
-----------------
اب اگلا شعر-- ر --سے دیں

 

میں نے جس شعر کے جواب میں یہ شعر دیا تھا اس کا آخری حرف "ل" ہی تھا۔۔۔ معلوم نہیں یہ آپ کے شعر کے نیچے کیسے آگیا۔۔۔۔۔ بہرحال اگلا شعر حاضر ہے۔
۔۔۔۔۔
روح کی آنکھیں چکا چوند ہوئی جاتی ہیں
کس کی آہٹ کا مرے کان میں نغمہ چمکا
(امجد اسلام امجد)

​

 

اُس نے ہی کہا تھا تو یقیں میں نے کیا تھا
امّید پہ قائم ہے یہ دنیا، اُسے کہنا

 

اُس آخری نظر میں عجب درد تھا منیر
جانے کا اُس کے رنج مجھے عمر بھر رہا

 

اے کڑی چُپ کے در و بام سجانے والے
منتظر کوئی سرِ کوہِ ندا ہے کب سے

 

یہاں تو، سر سے پہلے دِل کا سودا شرط ہے یارو!
کوئی آسان ہے کیا؟ سرمد و منصُور ہو جانا

 

اُن سے مل کر بھی کہاں مٹتا ہے دل کا اضطراب
عشق کی دیوار کے دونوں طرف سایا نہیں

 

نئی سحر کے بہت لوگ منتظر ہیں مگر
نئی سحر بھی کجلا گئی تو کیا ہوگا

 

اب وقت کے نازک ہونٹوں پر مجروح ترنّم رقصاں ہے
بیدادِ مشیّت کیا کہئیے کُچھ یاد رہی کُچھ بُھول گئے

 

یاد ایاّم کہ یہاں ترک شکیبائی تھا
ہر گلی شہر کی یہاں کوچۂ رسوائی تھا

 

ابھی کچھ اور ایاز اشکوں سے اُس کی آبیاری کر !
کہ پَھل دیتا ہے نخلِ اِنتظار آہستہ آہستہ

 

ہیں یہاں مجھ سے وفا پیشہ نہ بیداد کرو
نہ کرو ایسا کہ پھر میرے تئیں یاد کرو

 

وہ بھی دن ہو، کہ اس ستم گر سے
ناز کھینچوں، بجائے حسرتِ ناز

 

زَر کی کشش نے کھینچ لیا سارے شہر کو
بازار چل پڑے ہیں خریدار کی طرف

 

فصیلِ جاں کے قیدی ہیں مگر یہ دھیان رکھا ہے
ہوا کے واسطے ہم نے درِ امکان رکھا ہے

 

یہ تم نے ٹھیک کہا ہے تمہیں ملا نہ کروں
مگر مجھے یہ بتا دو کہ کیوں اداس ہو تم

 

مٹا سکی نہ انھیں روز و شب کی بارش بھی
دلوں پہ نقش جو رنگِ حنا کے رکھے تھے

 

وہ مرے ہو کے بھی مرے نہ ہوئے
ان کو اپنا بنا کے دیکھ لیا

 

اب کسے ساحلِ اُمید سے تکتا ہے فراز
وہ جو ایک کشتی دل تھی اُسے غرقاب سمجھ​

 

ہم آکے تیرے شہر سے واپس نہ جائینگے
یہ فیصلہ کیا ہے تجھے دیکھنے کے بعد

 

دل نے دنیا کے ہر اک درد کو اپنا تو لیا
مضمحل روح کو اندازِ جنوں مل نہ سکا

 

اک تم نے کیا دیا ہے! فریبِ تعلقات
اعجاز کھا چکا ہے بہت دوستی کے زخم

 

مُندمل ہو نہ جائے زخمِ دروں
یہ مری کائنات ہے اے دل

 

لوحِ مزار دیکھ کے جی دنگ رہ گیا
ہر ایک سر کے ساتھ فقط سنگ رہ گیا

 

اس شخص سے ملنا محسن میرا ممکن ہی نہیں ہے
میں پیاس کا صحرا ہوں وہ برسات کی مانند