آپکے پسندیدہ اشعار

Re: ہماری پسند

میں لفظ ڈھونڈ ڈھونڈ کے تھک گیا عدیم
وہ پھول دے کے بات کا اظہار کر گیا

 

Re: ہماری پسند

یہ دعا ہے کوئ گلہ نہیں ۔ ۔ ۔ ۔ ۔ ۔ میرے ہمسفر میری زندگی ۔ ۔ !!
وہ گلاب ہے جو کھلا نہیں
میں یہ سوچتا ہوں خدا کرے
تجھے زندگی میں وہ سکھ ملے
جو مجھے کبھی بھی ملا نہیں !

 

Re: ہماری پسند

زہرہ جی ۔بہت خوب
بہت اچھا انتخاب ہے آپ کا

 

تصور

زندگی اُس کے تصور میں کٹی ناصر
دوُر رہ کر بھی وہی کام آیا​

 

یاد

واہ! بہت اچھا شعر ہے، عبدالجباربھائی اتنا اچھا ذوق ہم نے بہت کم دیکھا ہے، ناصر کا ہی ایک اور شعر یاد آیا ہے، اس کا مضمون بھی پہلے شعر جیسا ہی ہے۔

زندگی جس کے دم سے ہے ناصر
یاد اسی کی عذاب جاں بھی ہے

 

زندگی

سانسوں کے سلسلے کو نہ دو زندگی کا نام
جینے کے باوجود کئی لوگ مر گئے​

 

Re: ہماری پسند

ڈھونڈتا رہا تجھے میں در بدر کی خاک چھان کر
صد افسوس تو ملا تو کچھ کہہ نہ کسے ہم جان کر​

 

Re: ہماری پسند

خار ہی خار زمانے میں نظر آتے ہیں
اپنے دامن کو برائی سے بچا کر چلئے
روشنی ہو تو چمک اٹھتی ہے ہر راہِ سیاہ
دو قدم چلئے ، مگر شمع جلا کر چلئے​

 

Re: ہماری پسند

اجالے کر کے جیون میں جو تنہا چھوڑ جانا تھا
اندھیروں میں رکھا ہوتا مگر تم ساتھ تو رہتے​

 

Re: ہماری پسند

میں اپنے ہاتھ سے دل کا گلہ دبا دوں گی
میرے خلاف یہی سازشوں میں رہتا ہے​

 

Re: ہماری پسند

نادیہ جی۔۔ یہاں دل کی بجائے زبان زیادہ ٹھیک نہیں رہے گی

میری پسند کا ایک شعر حاضر ہے۔

اس شہرِ بے چراغ میں جائے گی تو کہاں
آ اے شبِ فراق تجھے گھر ہی لے چلیں​

 

میرا حاصل کہاں ہے

دو اشعار جو ہمیں بہت پسند ہیں آپ سب کی نظر ہیں

وہ میرا رونقِ محفل کہاں ہے
میری بجلی میرا حاصل کہاں ہے
مقام اُس کا ہے دل کی خلوتوں میں
خدا جانے مقام دل کہاں ہے​

ذرا شاعر کا نام تو بتائیے؟

 

Re: ہماری پسند

پڑی جو دھوپ تو میرے جسم سے سایہ نکلا
ہائے اس کڑے وقت میں اپنا بھی پرایا نکلا​

 

سایہ

بہت خوب نعیم بھائی، ایسا ہی کچھ ذکر ممتاز راشد کے اس شعر میں ہے

دھوپ میں کھو گیا وہ ہاتھ چھڑا کر راشد
گھر سے جو ساتھ چلا تھا میرا سایہ بن کر​

 

Re: ہماری پسند

بہت خوب۔

کس پہ بھروسہ کریں ہم یہاں
جہاں سایہ بھی ساتھ نہیں چلتا​

 

Re: ہماری پسند

محبت ہے لائق بھروسہ اے (پومی)
جنوں میں حد سے گزر جانےکا نام​

 

Re: ہماری پسند

بہت اچھے صدر پومی صاحب

 

Re: ہماری پسند

میری پسند کے کچھ اشعار آپ کی نذر

اک خطا ہم ازرہِ سادہ دلی کرتے رہے
ہر تبسم پر قیاسِ دوستی کرتے رہے

ایسے لوگوں سے بھی ہم ملتے رہے دل کھول کر
جو وفا کے نام پہ سوداگری کرتے رہے

خود اندھیروں میں بسر کرتے رہے ہم زندگی
دوسروں کے گھر میں لیکن روشنی کرتے رہے

اپنے ہاتھوں آرزوؤں کا گلا گھونٹا کئے
زندہ رہنے کے لیے ہم خود کشی کرتے رہے

اس طرح اقبال گزری ہے ہماری زندگی
زہرِ غم پیتے رہے اور شاعری کرتے رہے

(پروفیسر اقبال عظیم)​

 

اقبال عظیم

نعیم بھائی اقبال عظمیم کا نعتیہ کلام بہت اچھا ہے، یہ غزل بھی اچھی ہے

 

Re: ہماری پسند

میں تو خود ان کے در کا گدا ہوں اپنے آقا کو میں نذر کیا دوں
اب تو آنکھوں میں بھی کچھ نہیں ورنہ قدموں میں آنکھیں بچھا دوں
آنے والی ہے انکی سواری ۔ پھول گجروں کے انگ انگ سجادوں
میرے گھر میں اندھیرا بہت ہے اپنی پلکوں پہ شمعیں جلا دوں

(پروفیسر اقبال عظیم​

)

 

Re: ہماری پسند

عشق کی اک جست نے طے کر دیا قصہ تمام
اس جہانِ رنگ و بو کو بے کراں سمجھا تھا میں​

 

Re: ہماری پسند

​

اک تازہ حکایت ھے، سن لو تو عنایت ھے
اک شخص کو دیکھا تھا، تاروں کی طرح ھم نے
اک شخص کو چاھا تھا، پھولوں کی طرح ھم نے
اک شخص کو سمجھا تھا، اپنوں کی طرح ھم نے
وہ شخص قیامت تھا، کیا اُس کی کریں باتیں
دن اس کے لیے پیدا، تھیں اس کے لیے راتیں
کم ملتا تھا کسی سے، تھیں ھم سے ملاقاتیں
رنگ اس کا شہابی تھا، زلفیں تھیں کہ چمکاریں
آنکھیں تھیں کہ جادو تھا، پلکٰیں تھیں کہ تلواریں
دشمن بھی جو دیکھے تو، سو جان سے دل ہارے
پھر اک دن ھم سے وہ بولا،
تاروں کی طرح ڈوبا، اپنوں کی طرح چھوٹا
ہاں لگتا تمہی سا تھا، شوخی میں شرارت میں
یکتا بھی تمہی سا تھا، دستورِ محبت میں
ِپر تم کیوں چونکے
کب ذکر تمہارا ھے
کب تم سے تقاضا ھے
کب تم سے شکایت ھے
اک تازہ حکایت ھے، سن لو تو عنایت ھے۔ ۔ ۔ ۔

 

سارے سپنے کہیں کھو گئے

عبدالجبار بھائی جاوید اختر کی غزل ہے یہ

سارے سپنے کہیں کھو گئے
ہائے ہم کیا سے کیا ہو گئے

دل سے تنہائی کا درد جیتا
کیا کہیں ہم پہ کیا کیا نہ بیتا
تم نہ آئے مگر جو گئے
ہائے ہم کیا سے کیا ہو گئے

تم نے ہم سے کہیں تھی جو باتیں
ان کو دوہراتی ہیں غم کی راتیں
تم سے ملنے کے دن تو گئے
ہائے ہم کیا سے کیا ہوگئے

کوئی شکوہ نہ کوئی گلہ ہے
تم سے کب ہم کو یہ غم ملا ہے
ہاں نصیب اپنے ہی سو گئے
ہائے ہم کیا سے کیا ہو گئے​