نئی بیت بازی - حصہ دوم

دل ڈھونڈھ رہا ہے کوئی جاں سوز تجّلی
اے برقِ نظر سینۂ بسمل سے گزر جا

 

اک شام جس میں دل کا سبوچہ بھرا رہے
اک نام جس میں درد تو ہو، اس قدر نہ ہو

 

گو نامہ بر سے خوش نہ ہوا، پر ہزار شکر
مجھ کو وہ میرے نام سے پہچان تو گیا

 

تم کو خوش آئی نہ شاید میری پلکوں کی نمی
دل میں اترے ہو تو آو میرا صحرا دیکھو

 

اُن سے مل کر بھی کہاں مٹتا ہے دل کا اضطراب
عشق کی دیوار کے دونوں طرف سایا نہیں

 

ہم بھی منہ میں زبان رکھتے ہیں
کاش! پوچھو کہ" مدّعا کیا ہے"

 

تم پوچھو اور میں نہ بتاوں ایسے تو حالات نہیں
بس اک ذرا سا دل ٹوٹا ہے،اور تو کوئی بات نہیں

 

لا پھر اک بار وہی بادہ و جام اے ساقی
ہاتھ آ جائے مجھے میرا مقام اے ساقی

 

ہمیں جان دینی ہے ایک دن، وہ کسی طرح وہ کہیں سہی
ہمیں آپ کھینچئےدار پر، جو نہیں کوئی تو ہمیں سہی

 

مجبوریوں کی بات چلی ہے تو مئے کہاں
ہم نے پِیا ہے زہر بھی اکثر خوشی کے ساتھ

 

ہم بھی دیکھیں گے کہاں تک غمِ تنہائی ہے
ہم نے بھی ترکِ محّبت کی قسم کھائی ہے

 

کتنا آساں تھا تیرے ہجر میں مرنا جاناں
پھر بھی اک عمر لگی جان سے جاتے جاتے

 

یہی دل تھا کہ ترستا تھا مراسم کے لیئے
اب یہی ترکِ تعلق کے بہانے مانگے

 

یہ دل کا ٹپکنا، کہ ٹھہرتا ہی نہیں ہے
یارو کوئی نشتر، کوئی مرہم، کہ چلا میں

 

مرگِ عدو سے آپ کے دل میں چُھپا نہ ہو
میرے جگر میں اب نہیں ملتا سراغِ داغ

 

گردشیں لوٹ جاتی ہیں میری بلائیں لے کر
گھر سے نکلتا ہوں ماں کی دعائیں لے کر

 

اب روشنی ہوتی ہے کہ گھر جلتا ہے دیکھیں
شُعلہ سا طوافِ در و دیوار کرے ہے