نئی بیت بازی - حصہ دوم

آنکھوں میں رہا، دل میں اتر کے نہیں دیکھا
کشتی کے مسافر نے سمندر نہیں دیکھا
بے وقت اگر جاؤں گاسب چونک پڑیں گے
اک عمر ہوئی دن میں کبھی گھر نہیں دیکھا

 

ٹوٹے ہوئے خوابوں کی چبھن کم نہیں ہوتی
اب رو کے بھی آنکھوں کی جلن کم نہیں ہوتی
ملنا ہے تو مل جاؤ یہیں حشر میں کیا ہے
اک عمر میرے وعدہ شکن کم نہیں ہوتی

 

طاق تھے داستاں کہنے میں عبیدؔ
اب بجز دیدۂ تر، یاد نہیں

 

دائم پڑا ہُوا ترے در پر نہیں ہُوں میں
خاک ایسی زندگی پہ کہ پتھر نہیں ہُوں میں

 

نہ تو ہوش سے تعارف، نہ جنوں سے آشنائی
یہ کہاں پہنچ گئے ہم تری بزم سے نکل کے

 

ہوش میری خوشی کا دشمن ہے
تو مجھے ہوش میں نہ آنے دے

 

خوشی کے ساتھ دنیا میں ہزاروں غم بھی ہوتےھیں
جہاں بجتی ھے شہنائی ' وہا ں ماتم بھی ہوتے ھیں

 

سکوں ہی سکوں ہے، خوشی ہی خوشی ہے
ترا غم سلامت، مجھے کیا کمی ہے

 

میری چاہت کی بہت لمبی سزا دو مجھ کو
کرب تنہائی میں جینے کی دعا دو مجھ کو

 

تقدیر کے قاضی کا یہ فتوی ہے ازل سے
ہے جرم ضعیفی کی سزا مرگِ مفاجات

 

رکھیو غالب مجھے اس تلخ نوائی سے معاف
آج کچھ درد مرے دل میں سوا ہوتا ہے

 

حضرت خضر کر دیں دشت نوردی بیکار
ہم تو چلتے ہی نہیں عشق کی راہوں کے سوا

 

پھر دل میں سلگ اٹھی ہے زنجیر کی خواہش
اب خواب ہیں مطلوب نہ تعبیر کی خواہش

 

خوابِ غفلت میں ہے محبوب جگاؤں کیسے
وعدۂ وصل اسے یاد دلاؤں کیسے

 

پاس جب تک وہ رہے، درد تھما رہتا ہے
پھیلتا جاتا ہے پھر آنکھ کے کاجل کی طرح