لفظ “درد“ پر شعر لکھیں

طلبِ درد میں دل حد سے گذرتا کب تھا
تم نے پوچھا تھا اور،اس نے کہا اور سہی
صدیاں کہتی ہیں بس دیر ہے اب قرنوں کی
اس قدر رنج سا ہے تو ذرا سا اور سہی

 

ہم رات بہت روئے بہت آہ و فغاں کی
دل درد سے بوجھل ہوتو پھر نیند کہاں کی​

 

دردلکھ کردے دیےاس نے سارے ہی عدیم
اس نے حصہ دے دیا مجھ کو مری جاگیر کا

 

خنجر چلے کسی پہ تڑپتے ہیں ہم امیر
سارے جہاں کا درد ہمارے جگر میں ہے

(امیر مینائی)

 

کوئی غم ہو کوئی دکھ ہو درد کوئی ہو عدیم
مسکرانا پڑ ہی جاتا ھے زمانے کے لئے

 

بوئے گل نالہء دل دردِ چراغِ محفل
جوتری بزم سے نکلا سو پریشان نکلا

 

بارش ھے آنسوؤں کی زمیں پر جھڑی ہوئی
پھر بھی ھے دل میں درد کی ندی چڑھی ہوئی

 

۔
۔
بوند بھر درد سنبھلتا نہیں کم ظرفوں سے
رکھ کے تُو اپنی ہتھیلی پہ سمندر مت جا​

( قیصر الجعفری )​

 

درد شب ہجراں کی جزا کیوں نہیں دیتے
خون دل وحشی کا صلہ کیوں نہیں دیتے

 

عشق سے طبیعت نے زیست کا مزا پایا
درد کی دوا پائی، درد بے دوا پایا
غالب

 

[align=justify:159joruv]جب سے ہم زندگی شناس ہوئے
درد ہی درد آس پاس ہوئے[/align:159joruv]

 

چارہ سازوں کی چارہ سازی سے درد بدنام تو نہیں ہوگا
ہاں دوا دو مگر یہ بتلا دو مجھ کو آرام تو نہیں ہو گا

جون ایلیا

 

یہ فاصلے دلون کے سمندر کی مثل ھیں
اس کا مکاں تو دور نہیں ھے مکان سے

 

درد ۔ لفظ کا شعر دینا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لڑی کے تسلسل میں اگلا شعر حاضر ہے

مجھ کو رونے سے ہے نفرت شہرت
پر کیا کروں درد بہت ہوتا ہے

شہرت بخاری​

 

کوئی دھن ہو میں ترے گیت ہی گائے جاؤں
درد سنیے میں اٹھے شور مچائے جاؤں

 

اس شام وہ رخصت کا سماں یار رہے گا
وہ شہر ، وہ کوچہ ، وہ مکاں یاد رہے گا
وہ ٹیس کے ابھری تھی اِدھر یاد رہے گی
وہ درد کے اٹھا تھا یہاں یاد رہے گا

 

جب تیرے درد پہ دل دکھتا تھا
ہم تیرے حق میں دعا کرتے تھے

 

درد کے چاند کو راتوں کا سِتم سہنے دو
وقت کی آنکھ سے کچھ اور لہو بہنے دو
اب میرے طرزِ تخاطب سے پریشاں کیوں ہو
میں نہ کہتا تھا کہ یارو! مجھے چُپ رہنے دو​

 

دل میں‌ ہو درد تو دوا کیجئے
دل ہی جب درد ہو تو کیا کیجئے ؟​

 

سمجھ سکا نہ میرے چاند کوئی درد تیرا
مثالِ برگِ خزاں رنگ کیوں ہے زرد تیرا
جتا رہا ہے مجھے کتنی صحبتوں کا فراق
بجھا بجھا یہ بدن ہاتھ سرد سرد تیرا

محسن نقوی​

 

دردِ دل کے واسطے پیدا کیا انسان کو
ورنہ طاعت کے لیئے کچھ کم نہ تھے کروبیاں​

 

جس قدر حکمت عملی تھی الٹ کر آیا
دد اجڑے ہوئے رستوں سے پلٹ کر آیا

 

ہم نے کانٹوں کو بھی نرمی سے چھوا ہے اکژ
لوگ بے درد ہیں پھولوں کو مسل دیتے ہیں​

 

درد ھے راستے کا پتھر بھی
اور سواری بھی ھے مرے مولا

 

ازاد بھائ بہت خوب :a165:
اللہ آپ کو ہمیشہ خوش رکھے

 

قصہء درد لئے پھرتی ہے گلشن کی ہوا
میرے دامن میں تیرے پیار کی خوشبو بھی نہیں

 

درد کا تاجر بانٹ رہا تھا گلیوں میں مجروح تبسّم
دِل کی چوٹ کوئی کیا جانے، زخم تو آنکھ میں گہرا دیکھا
تیرے بعد ہمارے حال کی ہر رُت آپ گواہی دے گی
ہر موسم نے اپنی آنکھ میں ایک ہی درد کا سایا دیکھا​

 

درد ، رضا ایسے ہے دل میں
جیسے سمندر ٹھہرا ہوا ہو

 

خنجر چلے کسی پہ تو تڑپتے ہیں ہم امیر
سارے جہاں کا درد ہمارے جگر میں ہے

 

چاند کے ساتھ کئی درد پرانے نکلے
کتنے غم تھے جو تیرے غم کے بہانے نکلے
فصل گل آئی پھر اک بار اسیران وفا
اپنے ھی خون کے دریا میں نہانے نکلے