لفظ " زندگی" پر شعر کہیں

اک تمنا تھی جو آج آرزو بن گئی
کبھی دوستی تھی آج محبت بن گئی

کچھ اس طرح شامل ہوئے آپ زندگی میں
کہ آپ کو سوچتے رہنا ہماری عادت بن گئی

 

یہ صحرا زندگی کا ھے یہاں سائے نہیں ملتے
بلا کی دھوپ ھے یادوں کی چھتری تان کر جائیں

 

یہ زندگی بڑی عجیب سی، کبھی گلزار سی کبھی بیزار سی
کبھی خوشی ہمارے ساتھ ساتھ ،ہے کبھی غموں کی غبار سی

 

جواب: لفظ " زندگی" پر شعر کہیں

زندگی یوں تو مکمل تھی اپنی فراز
نجانے کیوں اس کو دیکھا تو کسی شے کی کمی لگی

 

جواب: لفظ " زندگی" پر شعر کہیں

لوح جہاں سے پیشتر لکھا تھا کیا نصیب میں
کیسی تھی میری زندگی کچھ تو پتہ چلے مجھے

 

جواب: لفظ " زندگی" پر شعر کہیں

نا کروں یاد تجھے تو اُلجھ جاتا ہوں
سمجھ نہیں آتا زندگی سانسوں سے ہے یا تیری یاد سے

 

جواب: لفظ " زندگی" پر شعر کہیں

نہ میں آغاز ہوں اس کا نہ ہی انجام ہوں سرور
مری قسمت سے ظاہر ہے، مالِ زندگی کیا ہے

 

جواب: لفظ " زندگی" پر شعر کہیں

شوخ ، چنچل ، خوبصورت ، حسین لیکن بےوفا
میں نے پوچھا کون ، وہ گھبرا کے بولے " زندگی "

 

جواب: لفظ " زندگی" پر شعر کہیں

آراستہ تو خیر نہ تھی زندگی کبھی
پر تجھ سے قبل اتنی پریشان بھی نہ تھی

 

جواب: لفظ " زندگی" پر شعر کہیں

یوں تو گزر رہا ہے ہر ایک پل خوشی کے ساتھ
پھر بھی کوئی کمی سی ہے کیوں زندگی کے ساتھ

 

جواب: لفظ " زندگی" پر شعر کہیں

یہی اک سانحہ ھے اپنی زندگی کے ساتھ
نہیں نصیب میں جو اس کی جستجو رکھنا

 

جواب: لفظ " زندگی" پر شعر کہیں

کہنے لگے کہ دوستی صرف نہیں ھے زندگی
لوگ عجیب تو نہ تھے بات عجیب کہہ گئے

 

جواب: لفظ " زندگی" پر شعر کہیں

دل کے لیے دردبھی روز نیا چاہیئے
زندگی تو ہی بتا کیسے جیا چاہیئے
ہے یہی عین وفا دل نہ کسی کا دکھا
اپنے بھلے کے لیے سب کا بھلا چاہیئے

 

جواب: لفظ " زندگی" پر شعر کہیں

چراغ زندگی کو ایک جھونکے کی ضرورت ہے
تمیں میری قسم پھر سے ذرا دامن کو لہرانا​

 

جواب: لفظ " زندگی" پر شعر کہیں

شَہرِ خاموشاں میں نِصفِ شَب کی سُوئیاں ملتے ہی
زِندگی ہی زِندگی تھی ، پر مری مانے گا کون

 

جواب: لفظ " زندگی" پر شعر کہیں

زندگی ڈر کے نہیں ہوتی بسر، جانے دو
جو گُزرنی ہے قیامت، وہ گُزر جانے دو
دیکھتے جانا بدل جائے گا منظر سارا
یہ دُھواں سا تو ذرا نیچے اُتر جانے دو

سعدؔ اللہ شاہ

 

جواب: لفظ " زندگی" پر شعر کہیں

لگن ہے آلِ مدینہ کی جس کے سِینے میں
وہ زندگی میں بہت شادکام رہتا ہے​

 

جواب: لفظ " زندگی" پر شعر کہیں

زندگی،اب کے مرا نام نہ شامل کرنا
گر یہ طے ہے کہ یہی کھیل دوبارہ ھو گ​

ا

 

جواب: لفظ " زندگی" پر شعر کہیں

اختر کو زندگی کا بھروسہ نہیں رہا
جب سے لُٹا چکے سروسامانِ آرزو​

 

جواب: لفظ " زندگی" پر شعر کہیں

زندگی اب تجھے سوچیں بھی تو دم گھٹتا ہے
ہم نے چاہا تھا، کبھی تجھ سے وفا کر دیکھیں

 

تو ملا ہے تو اب یہ غم ہے
پیار زیادہ ہے زندگی کم ہے
(پروین شاکر)

 

زندگی کس کے بھروسے پہ محبت میں کروں
ایک دل غمزدہ ہے سو بھی ہے آفات کے بیچ