لفظ " زندگی" پر شعر کہیں

مجھے محسوس ہوتا ہے کہ لطف زندگی کم ہے
غم دل حس سے بڑھ کر ہے میسر اب خوشی کم ہے
اب اس کے بعد جسم و جاں جلنے سے بھی کیا حاصل
چراغوں میں لہو جلتا ہے پھر بھی روشنی کم ہے

 

بہت خوب

 

نہ چھپا کہ زخم وفا ہے کیا، تری آرزؤں کی کتھا ہے کیا
تری چارہ گر نہ یہ زندگی نہ جہان میرے قریب آ

 

کہتے ھیں تری زلف پریشاں کو زندگی
اے دوست زندگی کی تمنا بری نہیں

 

بہت خوب

بہت اچھی کیا بات ہیں

 

زندگی کے سب لمحے یادگار ھوتے ھیں
لوٹ کر نہیں آتے صرف ایک بار ھوتے ھیں
کیا عجب کہ ھم بھی کوئی فیصلہ کر لیں
یوں بھی تو آخر دنیا بے شمار ھوتے ھیں-

 

آراستہ تو خیر نہ تھی زندگی کبھی
پر تجھ سے قبل اتنی پریشان بھی نہ تھی

 

بہت خوب

 

تم نے بھی کم نصیب پہ کچھ کم نگاہ کی
اس نے تو خیر زندگی اپنی تباہ کی
ہم دونوں دنیا دار نہیں ہیں اسی لیۓ
صورت کوئی نظر نہیں آتی نباہ کی

 

میں زندگی سے نبرد آزما رہا ہوں فراز
میں جانتا تھا یہی راہ اک بچاؤ کی تھی

 

ستم اے صداقت غم ابھی لوگ کر رہے ہیں
غمِ عاشقی کی لے میں‌ غمِ زندگی کی باتیں

 

کی زندگی نے میری وکالت کچھ اس طرح
بار ثبوت بھی مجھے ڈھونا نہیں پڑا

 

ب کوئی تہمت بھی وجہِ کربِ رسوائی نہیں
زندگی اک عمر سے چپ ہے ترے اصرار پر

 

کہنے لگے کہ دوستی صرف نہیں ھے زندگی
لوگ عجیب تو نہ تھے بات عجیب کہہ گئے

 

اک دل کا درد ہے کہ رہا زندگی کے ساتھ
اک دل کا چین تھا کہ سدا ڈھونڈتے رہے

 

زندگی تُو تو گوارہ ھے مگر اس کے بغیر
مسلہ یہ ھے کہ تجھے کیسے گزارہ جائے

 

گزری ہے کیا مزے سے خیالوں میں زندگی
دوری کا یہ طلسم بڑا کارگر رہا ۔۔۔۔۔۔ !


منیر نیازی

 

کیا دیتے ہم کسی کو دعائے سلامتی
اپنی ہی زندگی کا کسے اعتبار تھا

 

بیزار ہو گئے ہو بہت زندگی سے تم
جب بس میں کچھ نہیں تو بیزار ہی رہو


جون ایلیا

 

مایوس زندگی ، الم روزگار کیا
جینا تو خود ہی موت ھے جینے سے عار کیا

 

زندگی کی انجمن کا بس یہی دستور ہے
بڑھ کے ملیں اور مل کے دور ہو جائیں

 

فکر معاش ، عشق بتا ، یاد رفتگاں
دو دن کی زندگی میں اب کوئی کیا کیا کرے

 

نہ ہم رہے نہ وہ خوابوں کی زندگی ہی رہی
گُماں گماں سی مہک خود کو ڈھونڈتی ہی رہی

 

ایسی یادیں بھی ھیں سو زندگیاں جن پہ نثار
حاصل زیستِ غم رواں ہی تو نہیں

 

ناصر بہت سی خواہشیں دل میں ہیں بے قرار
لیکن کہاں سے لاؤں ، وہ بے فکر زندگی

 

دھیمے سروں میں چھیڑ کے پھر سازِ زندگی
تو میرے لہجے میں بھی کبھی مجھ سے بات کر

 

زندگی کے خدشے ھیں شام کے ترازو میں
اور بڑھتے سایے ھیں شام کے ترازو میں

 

یہ واقعہ بھی عجب میری زندگی کاتھا
میں چاہتا تھا اسے اور وہ کسی کا تھا
کسی نے توڑ دیا میرا آشیان خواب
مجھے بھی زعم بہت اپنی عاشقی کا تھا

 

سخن میں سہل نہیں جاں‌نکال کر رکھنا
یہ زندگی ھے ہماری سنبھال کر رکھنا