لفظ " زندگی" پر شعر کہیں

زندگی ہے یا کوئی طوفان ہے
ہم تو اس جینے کے ہاتھوں مرچلے

 

کہنے لگے کہ دوستی صرف نہیں ھے زندگی
لوگ عجیب تو نہ تھے بات عجیب کہہ گئے

 

[align=justify:2rypsf8n]آراستہ تو خیر نہ تھی زندگی کبھی
پر تجھ سے قبل اتنی پریشان بھی نہ تھی[/align:2rypsf8n]

 

میں زندگی سے نبرد آزما رہا ہوں فراز
میں جانتا تھا یہی راہ اک بچاؤ کی تھی


فراز

 

نہیں کی زندگی میں کوئی بھی نیکی لیکن
مانگی ہیں کچھ دعائیں چھپ کے اسے پانے کیلئے​

 

بزمِ ہستی میں روشنی کیسی
بجھ گیا دل تو زندگی کیسی
میں تمہاری نظر کا طالب ہوں
دوستی کیا ہے، دشمنی کیسی

 

زندگی کو میری ضرورت تھی
زندگی اب میری ضرورت ھے

 

اے زندگی اب اور کوئی تجربہ کہ ہم
تریاق ِ عشق و زہر ِ زمانہ چشیدہ ہیں

 

سخن میں سہل نہیں‌جاں نکال کر رکھنا
یہ زندگی ھے ہماری سنبھال کر رکھنا

 

صبح تنہائی، شام تنہائی
زندگی ہے تمام تنہائی
ابن آدم نے خوب رکھا ہے
کربِ ہستی کا نام تنہائی

 

ذہن پر مت کر مسلط جمع اور تفریق کو
خوبصورت زندگی کو بیچ مت بازار میں

 

تیرے بغیر بھی تو غنیمت ہے زندگی
خود کو گنوا کے کون تیری جستجو کرے

 

رات کو شمع کی مانند پگھل کر دیکھو
زندگی کیا ہے کسی طاق میں جل کر دیکھو
زندگی ماں ہے نوازے گی تمھیں بھی نکہت
کسی بچے کی طرح تم بھی مچل کر دیکھو


تسنیم نکہت

 

زندگی بھر کا حاصل ایک تمہیں پایا ہے

شائید اک بار پھر دُکھہ کھایا ہے

 

محبت کی کمی ہونے لگی ہے
ادھوری زندگی ہونے لگی ہے
قدم رکھتےہی پہلا میرے گھر میں
روانہ پھر خوشی ہونے لگی ہے

 

زندگی زندہ دلی کا نام ہے
مردہ دل کیا خاک جیا کرتے ہیں

 

زندگی تیری عطا ہے تو یہ جانے والا
تیری بخشش تری دہلیز پہ دھر جائے گا

 

یہی ہے زندگی کچھ خاک ، چند امیدیں
انہی کھلونوں سے تُم بھی بہل سکو تو چلو

 

زندگی میں تِری ضرورت کو
ہم نے کم کر دیا تو کیا ہو گا

 

بہت خوب

 

نہ عاشقی جنون کی
کہ زندگی خراب ہو
نہ اس قدر کٹھور پن
کہ دوستی خراب ہو

 

واہہہہہہہہ خوشی جی

 

خدا نصیب کرے ہند کے اماموں کو ۔۔۔۔
وہ سجدہ جس میں ہے ملت کی زندگی کا پیام

(علامہ محمد اقبال )​

 

لذت کو عشق کے غمِ جاوید چاہیئے
تھوڑی سی زندگی ہے کہاں تک وفا کرے

 

گل سے کہو خوشبو نہ پھیلائے
خزاں تاک میں ہے چلی آئے گی

اتنا نہ بتا مجھے زندگی کی بابت
آنکھ پھر خواب سجا لائے گی

 

ساتھ تو یہ زندگی بھی چھوڑ جاتی ہے ایاز
ساتھ رہنے کے بھلا کیوں لوگ دعویدار ہیں

 

تلملا رہا ہوں اسی پیچ و تاب میں
لکھا ہے کیا کچھ زندگی کے باب میں

ہوتے نہیں جو با وفا ان کو صلہ ملے
جو جل مرے وہ کیا ہوئے تیرے شباب میں

میری وفا کی آگ میرے دامن کو کھا گئی
پڑی ہے میری زیست نہ کس کس عذاب میں

ہوئے زندگی کی آگ میں ہم تو کوئلہ
بہتر تھا بھن دیے جاتے سیخ و کباب میں

گلوں کی تمنا میں ہوئے کانٹے دامن گیر
آتش کو گل سمجھ بیٹھے ہم تو سراب میں

 

زندگی کس قدر خود ساختہ پن چاہتی ہے
شاخ سے اڑتا پرندہ دیکھنا اور سوچنا