لفظِ “محبت“ پر شعر کہیں

میرے اور میرے اس خدا کے بیچ
ھے اگر لفظ تو محبت ھے​

 

توڑ دے ہر اک آس کی ڈوری، آسوں میں کیا رکھا ہے
عشق محبت باتیں ہیں اور باتوں میں کیا رکھا ہے

 

محبتوں نے کسی کی بھلا رکھا تھا اسے
ملے وہ زخم کہ پھر یاد آ گیا اک شخص

 

انہیں شعور محبت نہیں خدا کی قسم
جو لوگ ہیں تری محفل میں سرفراز بہت

 

جو محبت پہ شرائط پہ یقیں رکھتا ھو
سچ تو یہ ھے وہ وفا دار نہیں ہوتا یار

 

زندگی سے یہی گلہ ہے مجھے
توبہت دیرسے ملا ہے مجھے
تو محبت سے کوئی چال تو چل
ہار جانے کا حوصلہ ہے مجھے

 

چاہا ہے میں نے جس کو بڑی شدتوں کے ساتھ
اس طرح اس نے مجھ سے محبت کبھی نہ کی

 

ذکرِ شبِ فراق سے وحشت اُسے بھی تھی
میری طرح کسی سے محبت اُسے بھی تھی

 

ترکِ محبت کر بیٹھے ہم، ضبط محبت اور بھی ہے
ایک قیامت بیت چکی ہے، ایک قیامت اور بھی ہے
ہم نے اُسی کے درد سے اپنے سانس کا رشتہ جوڑ لیا
ورنہ شہر میں زندہ رہنے کی اِک صورت اور بھی ہے​

 

محبت میں کرے کیا کچھ کسی سے ہو نہیں سکتا
مرا مرنا بھی تو میری خوشی سے ہو نہیں سکتا
چمن میں ناز بلبل نے کیا جب اپنے نالے پر
چٹک کر غنچہ بولا کیا کسی سے ہو نہیں سکتا


مرزا داغ دہلوی

 

محبت مجھے اُن جوانوں سے ہیں

 

حسن بھائی ۔ میں آپکو ایسا نہ سمجھتا تھا۔ :no:

شعر پورا لکھنا چاہیے ۔ خواہ مخواہ غلط فہمی پیدا ہوجاتی ہے۔

 

اِدھر برقِ تپاں رکھ دی ۔ اُدھر تیغِ عیاں رکھ دی
محبت نے میری ہستی غضب کے درمیاں رکھ دی

 

محبت کرسکو تو خدا سے کرو فراز
مٹی کے کھلونوں سے وفا نہیں ملتی​

 

میری چاہت کا سفر اِس لئے دشوار رہا
میں محبت میں وفاؤں کا طلبگار رہا
ہو گئے سارے گلے دور جدا ہوتے ہی
غمزدہ وہ ہے نہ میں اُس کا گرفتار رہا

 

میرے لئے کسی کی محبت تھی کائنات
مین نے زمین وآسماں کچھ بھی لیا نہیں

 

ہائے آدابِ محبت کے تقاضے ساغر
لب ہلے اور شکایات نے دم توڑ دیا

 

الفت کا جب کسی نے لیا نام تو رو پڑے
اپنی وفا کا سوچ کے انجام رو پڑے
ہر شام یہ سوال محبت سے کیا ملا
ہر شام یہ جواب کہ ہر شام رو پڑے​

 

اک نفرت ہی نہیں دنیا میں درد کا سبب فراز
محبت بھی سکون والوں کو بڑی تکلیف دیتی ہے​

 

تمہیں کیا! ہم اگر لُوٹے گئے راہِ محبت میں
یہ بازی ہم نے ہاری ہے، ستارو تم تو سو جاؤ

 

ہائے آدابِ محبت کے تقاضے ساغر
لب ہلے اور شکایات نے دم توڑ دیا​

 

بس شرط ہے یہ دل میں محبت ہو کسی کی
صحرا ہی نہیں شہر بھی وحشت کی جگہ ہے

 

محبت تیرا میرا مسلہ ہے
زمانے کو شریک کار مت کر

 

شاعری جرمِ محبت کی سزا وار سہی
کون یہ جرم سرِ عام کیا کرتا ہے ؟

 

محبت مجھے ان جوانوں سے ہے
ستاروں پہ جو ڈالتے ہیں کمند

 

محبت نیلا موسم بن کے آ جاے گی اک دن
میری انکھوں کو انکھوں کا سہارا کون دے گا

 

رکھ رکھاؤ کہاں محبت میں

دوستی میں تکلفات کہاں

 

یہ معجزہ بھی محبت دکھائے مجھے
کہ سنگ تجھ پہ گرے اور زخم آئے مجھے

 

محبت کے بعد محبت ممکن ہے فراز
مگر ٹوٹ کے چاہنا صرف ایک بار ہوتا ہے

 

دنیا کے ستم یاد ، نہ اپنی ہی وفا یاد
اب مجھ کو نہیں کچھ محبت کے سوا یاد