شعرلکھیں لفظ ہم بتاتے ھیں

مہر کی تجھ سے توقع تھی ستم گر نکلا
موم سمجھے تھے ترے دل کو سو پتھر نکلا
میر
-----------
موم

 

رات بهر پرچهائیوں سے جنگ کی
میرا دشمن ایک مٹی کا دیا
--------
دیا

 

امید تو بندھ جاتی، تسکین تو ہو جاتی
وعدہ نہ وفا کرتے، وعدہ تو کیا ہوتا
--------
تسکین

 

دوست غم خواری میں میری سعی فرمائیں گے کیا
زخم کے بھرنے تلک ناخن نہ بڑھ آئیں گے کیا
-------
ناخن

 

بے خودی ، درماندگی ، آنکھوں سے لپٹی جستجو
اک تسلسل ہے نواحِ جاں سے کوئے یار تک
---------
کوئے یار

 

اب تک شکایتیں ہیں دل بد نصیب سے
اک دن کسی کو دیکھ لیا تھا قریب سے
------
شکایتیں

 

بات کیا چاہیے جب مفت کی حجت ٹھہری
اس گناہ پر مجھے مارا کہ گنہگار نہ تھا
-------
حجت

 

اگر ہو عشق تو ہے کفر بھی مسلمانی
نہ ہو تومرد مسلماں بھی کافر و زندیق
اقبال
---------
کفر

 

خندہ زن ہے یاس میرا شوقِ ساماں دیکھ کر
مُسکرا دیتی ہے حسرت دل کے ارماں دیکھ کر
---------
شوق

 

مانا کہ تیری دید کے قابل نہیں ہوں میں
تو میرا شوق دیکھ ، میرا انتظار دیکھ
۔۔۔۔۔۔۔۔۔۔۔۔۔۔۔
قابل

 

زمانہ بڑے شوق سے سن رہا تھا
ہمیں سو گئے داستاں کہتے کہتے
----
زمانہ

 

لوح بھی تو قلم بھی تو ، تیرا وجود الکتاب
گنبدِ آبگینہ رنگ، تیرے محیط میں حباب
اقبال
----------
آبگینہ

 

ہجومِ فکر سے دل مثلِ موج لرزاں ہے
کہ شیشہ نازک و صہبا ہے آبگینہ گداز
غالب
------------
صہبا

 

صہبا کون شکاری تھے تم وحشت کیش غزالوں کے
متوالی آنکھوں کو تم نے آخر کیسا رام کیا
صہبا اختر
--------
رام

 

چاند ہے، کہکشاں ہے، تارے ہیں
کوئی شے ، نامہ بر نہیں ہوتی
----------
چاند

 

دھوپ میں کھو گیا وہ ہاتھ چھڑا کر راشد
گھر سے جو ساتھ چلا تھا میرا سایہ بن کر
ممتاز راشد