بیت بازی - حصہ دوم

یہ کہنا تو نہیں کافی، کہ بس پیارے لگے ہم کو
اُنہیں کیسے بتائیں ہم کہ وہ کیسے لگے ہم کو

 

وقت تب تک تھا تو سجدہ مسجدوں میں کفر تھا
فائدہ اب جب کہ قد محراب سا خم ہوگیا

 

اتنی جلدی تو سنبھلنے کی توقع نہ کرو
وقت ہی کتنا ہوا ہے میرا سپنا ٹوٹے
جواد شیخ

 

یار پیماں شکن آئے اگر اب کے تو اسے
کوئی زنجیر وفا اے شب وعدہ پہنا
(احمد فراز)

 

اس کے میرے فاصلے محسن نہ پوچھ
رنگ سے خوشبو جدا ہے اور بس

 

سانس لینے کو سمجھتے ہیں حیات اے شاعر
لوگ واقف تو ہوں جینے کی ادا سے پہلے

 

اراکین سے درخواست ہے کہ ہو سکے تو شاعر کا نام ضرور لکھا کریں۔
-------------------------------------------------------------------

یوں پھر رہا ہے کانچ کا پیکر لیے ہوئے
غافل کو یہ گماں ہے کہ پتھر نہ آئے گا
(احمد فراز)

 

اتنی نادان ہے زنیرہ گل
کانچ کا ہوکے سنگ پالے ہیں

زنیرہ گل

 

نہیں پائے گا نشاں کوئی ہمارا ہرگز
ہم جہاں سے روش تیر نظر جائیں گے
(شیخ ابراہیم ذوق)

 

ہم نے غیروں کے نشانوں پر قدم رکھنے نہیں
ہم تو وہ قوم ہیں جو اپنے نشاں چھوڑتے ہیں

زنیرہ گل

 

نفرت کا گماں گزرے ہے میں رشک سے گزرا
کیوں کر کہوں لو نام نہ ان کا مرے آگے
(چچا)

 

یاں آنکھیں مندتے دیر نہیں لگتی میری جان
میں کان کھولے رکھتا ہوں تیرے شتاب ہو
میر تقی میر

 

وہ کچھ کسی کا کہہ کے ستانا سدا مجھے
وہ کھینچ لینا پردے سے اپنا دکھا کے ہاتھ
(نظام رامپوری)

 

ہم نے اول تو کبھی اس کو پکارا ہی نہیں
اور پکارا تو پکارا بھی صداؤں کے بغیر
احمد عطا

 

رخ روشن سے نقاب اپنے الٹ دیکھو تم
مہر و ماہ نظروں سے یاروں کی اتر جائیں گے
(شیخ ابراہیم ذوق)

 

یہ کیا قیامت ہے باغبانوں کے جن کی خاطر بہار آئی

وہی شگوفے کھٹک رہے ہیں تمھاری آنکھوں میں خار بن کر
ساغر صدیقی

 

رہیے اب ایسی جگہ چل کر جہاں کوئی نہ ہو
ہم سخن کوئی نہ ہو اور ہمزباں کوئی نہ ہو
(چچا)

 

وہ تری گلی کے تیور، وہ نظر نظر پہ پہرے
وہ مرا کسی بہانے تجھے دیکھتے گزرنا
نصیر الدین شاہؒ

 

اب ہم ہیں اور سارے زمانے کی دشمنی
اس سے ذرا سا ربط بڑھانا بہت ہوا
(احمد فراز)

 

نہ جس کا نام ہے کوئی نہ جس کی شکل ہے کوئی
اک ایسی شے کا کیوں ہمیں ازل سے انتظار ہے
(شہر یار)

 

یہ کون ہنس کے صحن چمن سے گزر گیا
اب تک ہیں پھول چاک گریباں کئے ہوئے

 

یہ لاش بے کفن اسد خستہ جاں کی ہے
حق مغفرت کرے عجب آزاد مرد تھا
(چچا)

 

ایک محفل میں کئی محفلیں ہوتی ہیں شریک
جس کو بھی پاس سے دیکھو گے اکیلا ہوگا​

 

اب کیوں نہ زندگی پہ محبت کو وار دیں
اس عاشقی میں جان سے جانا بہت ہوا
(احمد فراز)

 

اسی کی ذات سے منسوب ہیں تمام قصے
وہی ایک شخص ٬ سرمایہِ حیات ٹھہرا

 

آ گیا گر وصل کی شب بھی کہیں ذکر فراق
وہ ترا رو رو کے مجھ کو بھی رلانا یاد ہے
(حسرت موہانی)

 

اے خدا آج اسے سب کا مقدّر کر دے
وہ محبّت کہ جو انساں کو پیمبر کر دے

 

یہی فرماتے رہے تیغ سے پھیلا اسلام
یہ نہ ارشاد ہوا توپ سے کیا پھیلا ہے