بیت بازی - حصہ دوم

یہاں پہ دشت و سمندر کی بات مت کرنا
ہمارے شہر کا ہر شخص ہے مکان زدہ

 

یہ کہاں تک پھیلتی جاتی ہیں دل کی وُسعتیں
حسرتو! دیکھو سمٹ آئے ہیں ویرانے کہاں

سیف الدین سیفؔ​

 

نہ قرب ذات ہی حاصل نہ زخم رسوائی
عجیب لگتا ہے اب خود سے رابطہ رکھنا

 

اُجاڑ جنگل، ڈری فضا، ہانپتی ہوائیں
یہیں کہیں بستیاں بساؤ! اُداس لوگو
یہ کِس نے سہمی ہوئی فضا میں ہمیں پُکارا
یہ کِس نے آواز دی، کہ آؤ! اُداس لوگو

محسنؔ نقوی​

 

وہ جن کے نقش قدم دیکھنے میں آتے ہیں
اب ایسے لوگ تو کم دیکھنے میں آتے ہیں

 

نہ سوالِ وصل، نہ عرضِ غم، نہ حکائتیں نہ شکائتیں
تیرے عہد میں دلِ زار کے سبھی اِختیار چلے گئے

فيض احمد فيضؔ​

 

یہ لوگ مجھ میں محبت تلاش کرتے ہیں
تیرے بعد میں کسی اور کی رہی ہی نہیں

 

نجانے کون گھڑی تھی کہ اپنے ہاتھوں سے
اُٹھا کے شیشۂِ جاں اِس غبار میں رکھا
یہ کِس نے مثلِ مہ و مہر اپنی اپنی جگہ
وصال و ہجر کو ان کے مدار میں رکھا

ایوب خاورؔ​

 

اتری ہوئی ہے روح کے اندر تلک تھکن
یعنی کہیں وہ جان سے پیارا اداس ہے

 

یُوں مُجھے بھیج کے تنہا سرِ بازارِ فریب
کیا میرے دوست میری سادہ دلی بُھول گئے
میں تو بے حِس ہوں، مُجھے درد کا احساس نہیں
چارہ گر کیوں روشِ چارہ گری بُھول گئے؟

جونؔ ایلیا​

 

یہ بھی ہو گا وہ مجھے دل سے بھلا دے گا مگر
یوں بھی ہو گا خود اسی میں اک خلا رہ جائے گا

 

ایک وقت تھا کہ دل کو سکوں کی تلاش تھی
اور اب یہ آرزو ہے کہ درد نہاں رہے

 

ہر نظر پیار تو ہر لب پہ ہنسی مانگتے ہیں
ہم تو ہر مانگ ستاروں سے بھری مانگتے ہیں
پھول تو خوب ہی لگتے ہیں جہاں چاہیں کِھلیں
ہم تو سرحد بھی گلابوں سے لدی مانگتے ہیں

محمود شامؔ​

 

نہ جانے کیوں مجھے وہ یاد آگیا آج
مدتیں گزر گئیں جس کے دیدار کو

 

وہ بیشتر ہیں، جن کو، کل کا خیال کم ہے
تُو رُک سکے تو ہم بھی اُن بیشتر میں ہوں گے

جونؔ ایلیا​

 

یوں تو کہنے کو بہت لوگ شناسا میرے
کہاں لے جائوں تجھے اے دل تنہا میرے

 

یہ ہمیں تھے جن کے لباس پر سرِ رہ سیاہی لکھی گئی
یہی داغ تھے جو سجا کے ہم سرِ بزمِ یار چلے گئے

فيض احمد فيضؔ​

 

یقین ہو تو کوئی راستہ نکلتا ہے
ہوا کی اوٹ بھی لے کر چراغ جلتا ہے

 

یہ نہ تھی ہماری قسمت کہ وصال یار ھوتا
اگر اور جیتے رہتے یہیں انتظار ھوتا

 

اپنی کوتاہی سے پانے کی شِکایت کِس سے
جب توجّہ نہ برابر ہو تو پھل ہوں گے خلش

 

شروعِ عشق میں ایسی اداسیاں تابش
ہر ایک شام یہ لگتا ہے شام آخری ہے​

 

یہ هونا تها هو چکا اب کریں بهی تو کیا
تجهے جانا تها تو جا چکا اب کریں بهی تو کیا

 

اندھیری شب میں تغیّر پذیر تھی ہر شے
بس ایک جسم ہی تھا جس پہ انحصار کیا
مرے مکانِ جسد پہ مری حکومت تھی
کہ خود ہی غلبہ کیا خود ہی واگذار کیا​

 

اب کے آئے گا تو جانے نہیں دوں گا
بہت مشکل سے جیا هوں یہ پل تیرے بغیر

 

رات کے پچھلے پہر کس کو ہے کالیں کرتا؟
کس کے نمبر پہ ہے سو سو کا تُو بیلنس بھرتا؟
چل بتا دے مجھے، اب کاہے کو تُو ہے ڈرتا
ورنہ ابّے کو ابھی اپنے بُلاتی میں ہوں
​

 

نہ بات دل کی سنوں میں نہ دل سنے میری
یہ سرد جنگ ہے اپنے ہی ایک مشیر کے ساتھ

 

ہوا کے واسطے اِک کام چھوڑ آیا ہوں
دِیا جلا کے سرِشام چھوڑ آیا ہوں​

 

نہ وہ حسین،نہ میں خوبرو،مگر اک ساتھ
ہمیں جو دیکھے تو وہ دیکھتا ہی رہ جائے​

 

یہ ہوا بهی خوب یہ فضا بهی خوب ہے
گر کوئی حسین ہے تو میرا محبوب ہے

 

یہ دل یہ شہر وفا اسے کب پسند آیا
وہ بےقرار تھا اس کو یہاں سے جانا تھا