اشعار بہ لحاظ حروف تہجی

وفا کی میں نے بنیاد آج زیر آسماں رکھ دی
جہاں تھا سنگ در ان کا جبیں اپنی وہاں رکھ دی
سیماب اکبر آبادی

 

یہی تو ہیں دو ستُونِ محکم ان ہی پہ قائم ہے نظم عالم
یہ ہی تو ہے رازِ خُلد و آدم ،نگاہ میری، شباب تیرا
جوش ملیح آبادی

 

بات کرنی مجھے مشکل کبھی ایسی تو نہ تھی
جیسی اب ہے تیری محفل کبھی ایسی تو نہ تھی

 

تقدیر کے قاضی کا یہ فتویٰ ہے ازل سے
ہے جرم ضعیفی کی سزا مرگ مفاجات

 

ثواب کے لیے ہر عمل کر رہا ہے تو
ثواب نعمت و جنت پہ تو نہیں موقوف
واصف حسین

 

جہاں میں اہلِ ایمان صورتِ خورشید جیتے ہیں
اِدھر ڈوبے، اُدھر نکلے، اُدھر ڈوبے، اِدھر نکلے
اقبال

 

حسن کا ایک وار سہہ نہ سکا
ڈوب مرنے کی بات ہے اے دل

 

ڈھونڈو گے اگر ملکوں ملکوں ، ملنے کے نہیں نایاب ہیں ہم
تعبیر ہے جس کی حسرت و غم ، اے ہم نفسو! وہ خواب ہیں ہم

 

ذکر نے تیرے کیا ایسا زرہ پوش مجھے
غم دنیا سے بھی کر ڈالا سبکدوش مجھے
واصف حسین

 

زبانِ عشق پر جب قصہء خاموش ہوتا ہے
تو دُنیا کا ہر ایک ذرّہ سراپا گوش ہوتا ہے
بہزاد لکھنوی

 

شب کو مئے خوب سی پی، صبح کو توبہ کر لی
رند کے رند رہے، ہاتھ سے جنت نہ گئی

 

ضرورت توڑ دیتی ہے غرور و بےنیازی کو
نہ ہوتی کوئی مجبوری تو ہر بندہ خدا ہوتا

 

طاؤس در رکاب ہے ہر ذرّہ آہ کا
یا رب نفس غبار ہے کس جلوہ گاہ کا؟

 

ظلم رہے اور امن بھی ہو
کیا ممکن ہے تم ہی کہو

 

غمِ حیات سے فرصت ملی کبھی تو میں
تیری نظر کے سوال و جواب سمجھوں گا

 

قدم قدم پہ رُلایا ہمیں مقدر نے
ہم اُن کے شہر میں آئے تھے مسکرانے کو
نصیر الدین نصیر