اشعار بہ لحاظ حروف تہجی

بدلتےمو سموں کی سیر میں دل کولگانا ھو
کسی کو یاد رکھنا ھو کسی کو بھول جانا ھو
ھمیشه دیر کر دیتاھوں میں ۔۔
( منیر نیازی )

 

پنپ سکا نہ خیاباں میں لالۂ دل سوز
کہ ساز گار نہیں یہ جہان گندم و جو

 

ظلمت کدے میں میرے شب غم کا جوش ہے
اک شمع ہے دلیل سحر ، سو خاموش ہے

 

غوری بھائی ٹ سے لکھنا تھا
ٹک میر جگر سوختہ کی جلد خبر لے
کیا یار بھروسہ ہے چراغ سحری کا

 

تصحیح کے لئے مشکور ہوں۔
کبھی کبھی صفحہ پلٹنے کے قریب ہوتا ہے تو غلطی ہوجاتی ہے۔

 

ثبت ہیں اس بام و در پر تیری آوازوں کے نقش
میں ، خدا نا کردہ، پتھر پوجنے والا نہیں

 

جہاں جہاں کوئی ٹھوکر میرے نصیب میں ہے
وہیں وہیں لیئے پھرتی ہے زندگی مجھ کو

 

حد چاہیے سزا میں عقوبت کے واسطے
آخر گنہگار ہوں کافر نہیں ہوں میں

 

دو ہی باذوق آدمی ہیں عدم
میں ہوا یا مرا رقیب ہوا

 

ذرا روٹھ جانے پہ اتنی خوشامد
قمر تم بگاڑو گے عادت کسی کی

 

رگ رگ میں اُس کا لمس اُترتا دکھائی دے
جو کیفیت بھی جسم کو دے، انتہائی دے

پروین شاکر

 

زندہ رہیں تو کیا ہے جو مر جائیں ہم تو کیا
دنیا سے خامشی سے گزر جائیں ہم تو کیا

 

سارا ہی وقت، سارے جہاں کے لیے عدیم
اپنے لئے بھی چاہیئے فُرصت کبھی کبھی

 

شکوہ بھی لبوں پر نہیں آتا ہمدم
آنکھیں بھی رہتی ہیں اکثر بے نَم
مردم کُش یوں ہوا زمانے کا چلن
اب دل بھی دھڑکتا ہے شاید کم کم

 

صحن خزاں میں پاؤں دھرے، کیا مجال ہے
فصلِ بہار قید ہے فصلِ بہار تک

 

ضرور اسکی توجہ کی رہبری ہو گی
نشے میں تھا تو میں اپنے ہی گھر گیا کیسے

 

طے کر نہ سکا زیست کے زخموں کا سفر بھی
حالانکہ مِرا دِل تھا شگوفہ بھی شرر بھی

 

عشوۂ دل گداز وہ، ذبح کرے جو بے چھری
ناز وہ دشمن وفا، رحم کی جس کو ہے قسم
شاد عظیم آبادی

 

غمِ فرقت کے تیروں نے کیا ہے کس قدر زخمی
ذرا آ کر کوئی دیکھے ، دلِ دل گیر کے ٹکڑے

 

فاصلے ایسے بھی ہوں گے یہ کبھی سوچا نہ تھا
سامنے بیٹھا تھا میرے اور وہ میرا نہ تھا

 

کب مجھ کو اعترافِ محبت نہ تھا فراز
کب میں نے یہ کہا ہے سزائیں مجھے نہ دو

 

لو آج خود ہی اپنا نشیمن جلادیا
شکوہ نہ کرسکیں گے چلو اب کسی سے ہم