اشعار بہ لحاظ حروف تہجی

ٹوٹ جائے نہ بھرم ہونٹ ہلاؤں کیسے -
حال جیسا بھی ہے لوگوں کو سناؤں کیسے

 

جگنو سے چمکتے ہیں اسی یاد کے دم سے
آنکھوں میں لیے پھرتے ہیں سوغات اسی کی

 

چشمِ میگوں ذرا ادھر کر دے
دستِ قدرت کو بے اثر کر دے

 

حادثہ ہے کہ ترے سر پہ نہ الزام آیا
واقعہ ہے کہ تری ذات نے جینے نہ دیا

 

خاموش ہو کیوں دادِ جفا کیوں نہیں دیتے
بسمل ہو تو قاتل کو دعا کیوں نہیں دیتے

 

درمیاں دونوں کے دیوار بنی ہے دنیا
تم سے ملنے کے لیئے آؤں تو آؤں کیسے

 

ڈالتے اس پہ کمندیں،وہ کوئی چاند نہ تھا
سو جتن سب نے کیے،ہاتھ نہ آیا سورج

 

ذرّوں سے پہچان ہے ضو کی، ماہِ مبیں کوئی اور
ہم تم پائے تخت کے ہیں اور تخت نشیں کوئی اور

 

رستہ کہاں سورج کا کوئی روک سکا ہے
ہوتی ہے کہاں رات کے زنداں میں سحر بند

 

زیست وہ جنسِ گراں ہے کہ فراز
موت کے مول بھی سَستی ہے یہاں

 

ستم کی رسمیں بہت تھیں لیکن، نہ تھی تری انجمن سے پہلے
سزا، خطائے نظر سے پہلے، عتاب جرم سخن سے پہلے

 

شوقِ اظہارِ تمنا پھر اجاگر ہو گیا
پھر کوئی آواز دیتا ہے سرِ محفل مجھے

 

صحرا صحرا بھٹک رہا ہے
اپنے عشق میں سچا چاند

 

ضبط اپنا شعار تھا ، نہ رہا
خود پہ اختیار تھا ، نہ رہا

 

طوفاں نہیں گزرے کہ بیاباں نہیں گزرے
ہم مرحلہ زیست سے آساں نہیں گزرے

 

ظلمت کدے میں میرے شب غم کا جوش ہے
اک شمع ہے دلیل سحر ، سو خاموش ہے

 

عشق ان ظالموں کی دنیا میں
کتنی مظلوم ذات ہے اے دل

 

غرض کی زندگی مطلب کی دنیا
کہاں رکھوں دلِ بے مُدعا کو

 

فقط توڑ کر مطمئن ہو نہ بلبل!
قفس صورتِ آشیاں اور بھی ہیں

 

قاتِل ہے حُسن اگر، تو ہے قاتِل کا کیا قصُور
خُود کِھنچ رہی ہیں گردنیں تلوار کی طرف

 

کچھ تو ہوا بھی سرد تھی، کچھ تھا تیرا خیال بھی
دل کو خوشی کے ساتھ ساتھ ہوتا رہا ملال بھی

بات وہ آدھی رات کی، رات وہ پورے چاند کی
چاند بھی عین چیت کا اس پہ ترا جمال بھی

 

گلہ فضول تھا عہدِ وفا کے ہوتے ہوئے
سو چپ رہا ستم ناروا کے ہوتے ہوئے

 

میں نے پوچھا تھا کہ آخر یہ تغافل کب تک ؟
مسکراتے ہوے بولے کہ سوال اچھا ہے

 

وہ تہہ دست بھی کیا خوب کہانی گر تھا
باتوں باتوں میں مجھے چاند بھی لا دیتا تھا

 

یہ جو پتھر ہے آدمی تھا کبھی
اس کو کہتے ہیں انتظار میاں

 

اب زوق طلب وجہ جنوں ٹھیر گیا ہے
اب عرض وفا با عث رسوائی ہے دیکھو