اشعار بہ لحاظ حروف تہجی

جلوہ گر ہو یا نہ ہو یہ منحصر ہے حسن پر
اے نگاہ شوق تیرا کام ہے غافل نہ ہو

 

چاہت میں کیا دنیا داری، عشق میں کیسی مجبوری
لوگوں کا کیا سمجھانے دو ، ان کی اپنی مجبوری

 

خالی ہیں دل فقیر کے کشکول کی طرح
اِس شہرِ بے وفا سے وفا کون لے گیا

 

ڈوبنے والا تھا اور ساحل پر چہروں کا ہجوم
پل کی مہلت تھی میں کس کو آنکھ بھر کر دیکھتا
تو بھی دل کو اِک لہو کی بوند سمجھا ہے فراز
آنکھ گر ہوتی تو قطرے میں سمندر دیکھتا

احمد فراز

 

رنگ برسات نے بھرے کچھ تو
زخم دل کے ہوٕئے ہرے کچھ تو
فرصتِ بے خودی غنیمت ہے
گردشیں ہو گئیں پرے کچھ تو

 

زندگی تو ہی بتا تیری حقیقت کیا ہے؟
مول دھڑکن کا ہے کیا؟ سانس کی قیمت کیا ہے؟

 

سمے سمے کی خلش میں تیرا ملال رہے
جُدائیوں میں بھی یوں عالم وصال رہے

 

شام کے سائے تلے بیٹھے رہے ہم دیر تک
آنکھوں سے باتیں کیں بہت، منہ سےکہا کچھ بھی نہیں

 

ضبط کرنا ، نہ کبھی ضبط میں وحشت کرنا
اتنا آساں بھی نہیں تجھ سے محبت کرنا

ایوب خاور

 

طے کر نہ سکا زیست کے زخموں کا سفر بھی
حالانکہ مِرا دِل تھا شگوفہ بھی شرر بھی

 

عجیب ہوتے ہیں آدابِ رخصتِ محفل
کہ وہ بھی اٹھ کےچلے جن کا گھر نہ تھا کوئی

 

فن کے پیمانے سبک،حرف کے کوزے نازک
کیسے سمجھاوں کہ کچھ دکھ ہیں سمندر میرے

 

کچھ نہ کچھ عشق کی تاثیر کا اقرار تو ہے
اس کا الزام تغافل پہ کچھ انکار تو ہے

 

لذت سے نہیں خالی جانوں کا کھپا جانا
کب خضر و مسیحا نے مرنے کا مزا جانا

میرتقی میر

 

میں فتح ذات کےمنظر تک نہ پہنچا
میرا تیشہ میرے سر تک نہ پہنچا

 

نہ تھی وصال کو بھی کچھ مداخلت کی مجال
جب اِنتظار کِیا، صِرف اِنتظار کِیا

 

وہ کیا منزل جہاں سے راستے آگے نکل جائیں
سو اب اک بار پھر سے عزمِ سفر کرنا پڑےگا

 

اے محبت ! تیرے انجام پہ رونا آیا
جانے کیوں آج تیرے نام پہ رونا آیا

 

بشر بنامِ بشر تو بہت ہیں دنیا میں
بشر کی خوبیوں والا مگر نہیں ملتا

 

پیش مژگاں دھرے رہے خنجر
آگے زلفوں کے دام ہے موقوف