اشعار بہ لحاظ حروف تہجی

ڈالتے اس پہ کمندیں،وہ کوئی چاند نہ تھا
سو جتن سب نے کئے،ہاتھ نہ آیا سورج

 

ذکر اس کا ہی سہی بزم میں بیٹحے ہو فراز
درد کیسا ہی اٹھے ہاتھ نہ دل پر رکھنا

 

زندہ ہونے کی بھلا اور شہادت کیا ہو
میری آنکھوں میں ابھی خواب نظر آتے ہیں

 

سینے میں روح دردِ دل بن کے سما گیا کوئی
ویسے ہی درد کم نہ تھا ، اور بڑھا گیا کوئی

 

شہر میں ہم نے سنا ہے کہ ترے شعلہ نوا
کچھ سلگتے ہوئے نغمات لئے پھرتے ہیں

 

صرف دِن ڈھلنے پہ موقوف نہیں ہے "محسن"
زندگی زُلف کے سائے میں بھی شب کرتی ہے

 

ضبط کرنا نہ کبھی ضبط میں وحشت کرنا
اتنا آساں بھی نہیں تجھ سے محبت کرنا

 

طے کر چکے ہیں جادۂ شوقِ وصال میں
وہ مرحلے کہ جو نہ تھے خواب و خیال میں

 

ظلمت کو ضیاء، صر صر کو صبا، بندے کو خدا کیا لکھنا
پتھر کو گہر،دیوار کو در،کرگس کو ہما کیا لکھنا

 

غیروں سے کہا تم نے غیروں سے سنا تم نے
کچھ ہم سے کہا ہوتا کچھ ہم سے سنا ہوتا

 

قاصد نہیں یہ کام تیرا اپنی راہ لے
ان کا پیام دل کے سوا کون لا سکے

 

گریہ نکالے ہے تری بزم سے مجھ کو
ہائے کہ رونے پہ اختیار نہیں ہے

 

مجھ سا نہ دے زمانے کو پروردگار دل
آشفتہ دل فریفتہ دل بے قرار دل

 

مے نہ اتری گلے سے جو اس بن
مجھ کو یاروں نے پارسا جانا

مومن

 

نہ تھی وصال کو بھی کچھ مداخلت کی مجال
جب اِنتظار کِیا، صِرف اِنتظار کِیا

 

ہر بار وہی امید بندھی، ہر بار یہی اس دل نے کہا تم آئے ہو
ہر بار وہی صدمہ جھیلا، جب اٹھ کر دروازہ کھولا جب ہوا چلی

 

ارض و سما کو ساغر و پیمانہ کر دیا
رندوں نے کائنات کو میخانہ کر دیا

 

اس سے بچھڑے ہوئے زمانہ ہوا
دل کو آتا نہیں یقیں پھر بھی

 

باغ میں مجھ کو نہ لے جا ورنہ میرے حال پر
ہر گلِ تر ایک "چشمِ خوں فشاں" ہو جائے گا

 

تو جو بجلي ہے تو يہ چشمک پنہاں کب تک
بے حجابانہ مرے دل سے شناسائي کر

 

ٹوٹ جائے نہ بھرم ہونٹ ہلاؤں کیسے
حال جیسا بھی ہے لوگوں کو سناؤں کیسے

 

ثبت کر کے میرے ہونٹوں پہ خموشی کی مہر
بتلاتے ہیں محفل میں اپنے دل کی کہانی