اشعار بہ لحاظ حروف تہجی ( نئی لڑی )

عروجِ آدمِ خاکی سے فرشتے سہمے جاتے ہیں۔۔۔۔۔۔کہ یہ ٹوٹا ہواتارہ مہ کامل نہ بن جائے(اِقبالؔ)

 

وہ کج ردِش نہ مِلا راستے میں مجھ سے کبھی
نہ سیدھی طرح سے اُن نے مرا سلام لیا

 

غربت نے میرے شہر کا نقشہ بدل دیا
غیرت کو زندہ رہنے کی چاہت نگل گئی

 

فطرت نے جو لکھے ہیں وہ کتبے پڑھا کرو
مہنگی ہیں گر کتابیں تو چہرے پڑھا کرو

 

قسم جب اس نے کھائی ہم نے اعتبار کر لیا
ذرا سی دیر زندگی کو خوش گوار کر لیا

 

کب تک اس پیاس کے صحرا میں جھلستے جائیں
اب یہ بادل جو اٹھے ہیں تو برستے جائیں

 

گرمی سے میں تو آتشِ غم کی پگھل گیا
راتوں کو روتے ہی جُوں شمع گل گیا

 

لفظ بھی جس عہد میں کھو بیٹھے اپنا اعتبار
خامشی کو اس میں کتنا معتبر میں نے کیا

 

مرے سلیقے سے میری نبھی محبت میں
تمام عمر میں ناکامیوں سے کام لیا

 

نازک مزاج یار کا برتاؤ کیا کہوں
دو دن رہا ملاپ تو برسوں رہا بگاڑ

 

وہ کج ردِش نہ مِلا راستے میں مجھ سے کبھی
نہ سیدھی طرح سے اُن نے مرا سلام لیا

 

ہمنشیں کیا کہوں اس رشکِ مہ تاباں بن
صبح عید اپنی ہی بدتر شبِ ماتم سے بھی

 

یہ زلف یار بھی کیا بجلیوں کا جھرمٹ ہے
خدایا خیر ہو اب میرے آشیانے کی ۔ ۔ ۔

 

اللہ رے سادگی انہیں اتنی نہیں خبر
میّت پہ آکے پوچھتے ہیں ان کو کیا ہُوا

 

بہت سے سانپ تھے اس غار کے دہانے پر
دل اس لئے بھی خزانہ شمار ہونے لگا

 

ﭘﺘﮭﺮ ﺑﻨﺎ ﺩﯾﺎ ﻣﺠﮭﮯ ﺭﻭﻧﮯ ﻧﮩﯿﮟ ﺩﯾﺎ
ﺩﺍﻣﻦ ﺑﮭﯽ ﺗﯿﺮﮮ ﻏﻢ ﻧﮯ ﺑﮭﮕﻮﻧﮯ ﻧﮩﯿﮟ ﺩﯾﺎ
ﺗﻨﮩﺎﺋﯿﺎﮞ ﺗﻤﮩﺎﺭﺍ ﭘﺘﮧ ﭘﻮﭼﮭﺘﯽ ﺭﮨﯿﮟ
ﺷﺐ ﺑﮭﺮ ﺗﻤﮩﺎﺭﯼ ﯾﺎﺩ ﻧﮯ ﺳﻮﻧﮯ ﻧﮩﯿﮟ ﺩﯾﺎ

 

تم سے بھی اب تو جا چکا ہوں میں
دور ہا دور آ چکا ہوں میں

 

ٹوٹ کر کتنوں کو مجروح یہ کر سکتا ہے
سنگ تو نے ابھی دیکھا نہیں شیشے کا جگر

 

ثبوت دوں گا تجھے میں وفاؤں کا اپنی
ذرا سا گردشِ دوراں کو دم لینے دے

 

جب قطع کی مسافتِ شب آفتاب نے
جلوہ کیاسحر کے رخِ بے حجاب نے
دیکھا سوئے فلک شہ گردوں رکاب نے
مڑ کر صدا رفیقوں کو دی اس جناب نے
آخر ہے رات حمد و ثنائے خدا کرو
اٹھو فریضۂ سحریٰ کو ادا کرو

 

چاند بھی حیران دریا بھی پریشانی میں ہے
عکس کس کا ہے کہ اتنی روشنی پانی میں ہے

 

حیران رنگِ باغ جہاں تھا بہت رُکا
تصویر کی کلی کی طرح دل نہ وا ہوا!

 

دشت تو دشت ہیں، دریا بھی نہ چھوڑے ہم نے
بحر ظلمات میں دوڑا دیے گھوڑے ہم نے

 

ڈال دی پیروں میں اس شخص کے زنجیر یہاں
وقت نے جس کو زمانے میں اچھلتے دیکھا

 

رکھنا ہمیشہ یاد یہ میرا کہا ہوا
آتا نہیں ہے لوٹ کے پانی بہا ہوا

 

سب کی اپنی منزلیں تھیں سب کے اپنے راستے
ایک آوارہ پھرے ہم در بدر سب سے الگ ۔ ۔ ۔