اشعار بہ لحاظ حروف تہجی ( نئی لڑی )

یاں کے سپید و سیہ میں ہم کو دخل جو ہے سو اتنا ہے
رات کو رو رو صبح کیا اور دن کو جوں توں شام کیا

 

ایک آسیب ہے اس شخص کی رعنائی بھی
خوشبوئیں بولتی ہیں رنگ وہاں سنتے ہیں

منصور آفاق

 

بس اے میر مژگاں سے پونچھ آنسوؤں کو
تو کب تک یہ موتی پروتا رہے گا

 

ہم ہیں خاموش کہ مجبور محبت تھے فرازؔ
ورنہ منسوب ہیں سرکار سے باتیں کیا کیا
(احمد فراز)

 

پھر کیوں نہ چاک ہو جو ہیں زور آزمائیاں
باندھوں گا پھر دوپٹہ سے اس بے خطا کے ہاتھ
(نظام رامپوری)

 

تھی خطا ان کی مگر جب آگئے وہ سامنے
جھک گئیں میری ہی آنکھیں رسم الفت دیکھیے
جوش

 

ٹھوکریں کھا کے بھی آیا نہ سنبھلنا مجھ کو
جانے کب تک ہے اسی آگ میں جلنا مجھ کو

 

ثابت قدم رہا جو امانت کیا سوال
کانپے نہ اس زمیں میں کب اہل سخن کے پاؤں

 

جو بھی ہونا تھا ہوا ، بھول ہی جاؤ سب کچھ
داستانِ گل و بلبل نہ سناؤ مجھ کو

 

چپکے چپکے رات دن آنسو بہانا یاد ہے
ہم کو اب تک عاشقی کا وہ زمانا یاد ہے
(حسرت موہانی)

 

حق ڈھونڈھنے کا آپ کو آتا نہیں ورنہ
عالم ہے سبھی یار کہاں یار نہ پایا

 

خود کو ترے معیار سے گھٹ کر نہیں دیکھا
جو چھوڑ گیا اس کو پلٹ کر نہیں دیکھا
(احمد فراز)

 

دوستی عام ہے لیکن اے دوست
دوست ملتا ہے بڑی مشکل سے

 

ڈھلتی نہ تھی کسی بھی جتن سے شب فراق
اے مرگ ناگہاں ترا آنا بہت ہوا
(احمد فراز(

 

ذکر جب چھڑ گیا قیامت کا
بات پہنچی تری جوانی تک

 

رخ روشن سے نقاب اپنے الٹ دیکھو تم
مہر و ماہ نظروں سے یاروں کی اتر جائیں گے
(شیخ ابراہیم ذوق)

 

شاعر کا نام بھی لکھ دیا کرو۔

یہ شعر فانی بدایونی کا ہے۔

 

فانی بدایونی

 

زور و زر کچھ نہ تھا تو بارے میر
کس بھروسہ پہ آشنائی کی!

 

سچ کہتے ہو خودبین و خود آرا ہوں نہ کیوں ہوں
بیٹھا ہے بت آئنہ سیما مرے آگے
(چچا)

 

شہر دل آہ عجب جائے تھی پر اس کے گئے
ایسا اُجڑا کہ کسی طرح بسایا نہ گیا

 

صبح نہ آئے،شام نہ آئے!
جس دن تیری یاد نہ آئے

 

ضمیر لفظ و بیاں بھی جسے بتا نہ سکا
تیری نگاہ سے وہ بات پوچھ لی میں نے

 

طبع ہے مشتاقِ لذت ہائے حسرت کیا کروں!
آرزو سے ، ہے شکستِ آرزو مطلب مجھے
(چچا)

 

ظرف اپنی جراتوں کا آزمانے کے لیے
جب ملا ساحل تو خود ٹکرا گئے ساحل سے ہم

 

کبھی شاعر کا نام بھی لکھ دیا کرو۔

 

عجیب تھا وہ ، مجھے دھوپ سے بچانے کو
کہ جس نے مجھ کو یہ شعلوں کا سائبان دیا
(ا ع)

 

غزل اُس نے چھیڑی مجھے ساز دینا
ذرا عمرِ رفتہ کو آواز دینا۔۔۔۔۔۔۔۔۔۔۔۔۔۔۔۔(صفی لکھنؤی)

غم اُٹھانے کے لیے میں تو جیے جاؤں گا
سانس کی لَے پہ تیرا نام لیے جاؤں گا۔۔۔۔۔(حسرت جے پوری)

 

یقینناً شاعر کا حوالہ آپ کا وقار اور اعتبار بڑھا دیتا ہے۔


غافل نہ اپنی دیدہ درائی سے ہم کو جان!
سب دیکھتے ہیں پر نہیں کہتے حیا سے ہم(میرتقی میرؔ)

 

فرازؔ اپنے سِوا ہے کون تیرا
تجھے تجھ سے سِوا دیکھا نہ جائے(احمد فرازؔ)