اشعار بہ لحاظ حروف تہجی ( نئی لڑی )

شکرِ خدا اگر نہ کریں اور کیا کریں
جینا مجال میں ہے نہ مرنا مجال میں

 

صبح تک شمع سر کو دُھنتی رہی
کیا پتنگے نے التماس کیا

 

ضروری تو نہیں کہہ دوں لبوں سے داستاں اپنی
زباں اک اور بھی ہوتی ہے اظہار تمنا کی

 

طعنہ زن تھا ہر کوئی ہم پر دلِ ناداں سمیت
ہم نے چھوڑا شہرِ رسوائی درِ جاناں سمیت

 

شام سے ہی بجھا سا رہتا ہے
دل ہوا ہے چراغ مفلس کا
(میر تقی میر)

 

غوری صاحب اور زنیرہ جی یہ حروف تہجی کی ترتیب سے شعر دینے والی لڑی ہے۔

 

ظاہر میں ہم فریفتہ حُسنِ بُتاں کے ہیں
پر کیا کہیں نگاہ میں جلوے کہاں کے ہیں

 

ص سے شعر دینا چاہیے تھا آپ کو

صد موسم گل ہم کو تہ بال ہی گذرے
مقدور نہ دیکھا کبھو بے بال و پری کا
(میر تقی میر)

 

ضعف ِ جنوں کو وقت ِ تپش در بھی دور تھا
اک گھر میں مختصر سا بیا باں ضرور تھا

 

طرب آشنائے خروش ہو تو نوا ہے محرم گوش ہو
وہ سرود کیا کہ چھپا ہوا ہو سکوت پردۂ ساز میں
(علامہ اقبال)

 

ظالم کو جو نہ روکے وہ شامل ہے ظلم میں
قاتل کو جو نہ ٹوکے وہ قاتل کے ساتھ ہے

 

عاشقی صبر طلب اور تمنا بیتاب
دل کا کیا رنگ کروں خون جگر ہوتے تک
(چچا)

 

غیر کیا جانیے کیوں مجھ کو برا کہتے ہیں
آپ کہتے ہیں جو ایسا تو بجا کہتے ہیں
(فراق گورکھپوری)

 

فیضؔ تھی راہ سر بسر منزل
ہم جہاں پہنچے کامیاب آئے
(فیض احمد فیض)

 

قرب بدن سے کم نہ ہوئے دل کے فاصلے
ایک عمر کٹ گئی کسی نا آشنا کے ساتھ

 

کیا کیا نہ ہم خراب ہوئے ہیں مگر یہ دل
اے یاد یار تیرا ٹھکانہ بہت ہوا
(احمد فراز)

 

گلوں میں رنگ بھرے بادِ نو بہار چلے

چلے بھی آؤ کہ گلشن کا کاروبار چلے

​

 

لو پھر ترے لبوں پہ اسی بے وفا کا ذکر
احمد فرازؔ تجھ سے کہا نہ بہت ہوا

 

مرنا ہے خاک ہونا ہو خاک اڑتے پھرنا
اس راہ میں ابھی تو در پیش مرحلے ہیں
میر تقی میر

 

نہ کہیں جہاں میں اماں ملی جو اماں ملی تو کہاں ملی
مرے جرم خانہ خراب کو ترے عفو بندہ نواز میں
(علامہ اقبال)

 

وہ بتوں نے ڈالے ہیں وسوسے کہ دلوں سے خوف خدا گیا
وہ پڑی ہیں روز قیامتیں کہ خیال روز جزا گیا ۔ ۔ ۔ ۔ ۔ ۔
فیض احمد فیض

 

ہماری آہیں بھی بے اثر ہیں ہمارے نالے بھی نارسا ہیں
وہ درد جس کا نہ ہو مداوا اسے نہ کیوں لا دوا کہیں ہم
(آتش بہاولپوری)

 

یاد کرنا ہی ہم کو یاد رہا
بھول جانا بھی تم نہیں بھولے
مضطر خیرآبادی

 

اب کیوں نہ زندگی پہ محبت کو وار دیں
اس عاشقی میں جان سے جانا بہت ہوا
(احمد فراز)

 

بس اے میر مژگاں سے پونچھ آنسوؤں کو
تو کب تک یہ موتی پروتا رہے گا

 

پونچھو نہ عرق رخساروں سے رنگینئ حسن کو بڑھنے دو
سنتے ہیں کہ شبنم کے قطرے پھولوں کو نکھارا کرتے ہیں
(قمر جلالوی)

 

تم نے ہمیشہ جور و ستم بے سبب کئے
اپنا ہی ظرف تھا جو نہ پوچھا سبب ہے کیا

 

ٹک میرؔ جگر سوختہ کی جلد خبر لے
کیا یار بھروسا ہے چراغ سحری کا
(میر تقی میر)

 

زنیرہ بی بی شاعر کا نام بھی لکھ دیا کریں۔

 

میر تقی میر