آپکے پسندیدہ اشعار

مولانا اسماعیل میرٹھی ۔

وہ عیش کے مملوک تھے نے بندہ راحت
گلگشت چمن زار تھی گویا انہیں عزت
برداشت جفا کرتے تھے سہتے تھے صعوبت
اوروں کے بھروسے پہ نہ کرتے تھے معیشت
دنیا کے کسی کام میں ہیٹی نہ تھی عزت
بے غیرتی زنہار نہ تھی ان کی جبلت
ہمت میں تھے شاہین تو جرأت میں تھے شہباز
عزت کی بلندی پہ کیا کرتے تھے پرواز​

 

زبردست ۔۔۔۔۔۔۔ ابھی سنتی ہوں

 

غضب ہے ۔۔۔۔ہمیشہ سننے کا لطف آتا ہے

 

ایک وعدہ ہے کسی کا جو وفا ہوتا نہیں
ورنہ ان تاروں بھری راتوں میں کیا ہوتا نہیں
جی میں آتا ہے الٹ دیں انکے چہرے سے نقاب
حوصلہ کرتے ہیں لیکن حوصلہ ہوتا نہیں
شمع جس کی آبرو پر جان دے دے جھوم کر
وہ پتنگا جل تو جاتا ہے فنا ہوتا نہیں
اب تو مدت سے رہ و رسمِ نظارہ بند ہے
اب تو ان کا طُور پر بھی سامنا ہوتا نہیں
ہر شناور کو نہیں ملتا تلاطم سے خراج
ہر سفینے کا محافظ ناخدا ہوتا نہیں
ہر بھکاری پا نہیں سکتا مقامِ خواجگی
ہر کس و ناکس کو تیرا غم عطا ہوتا نہیں
ہائے یہ بیگانگی اپنی نہیں مجھ کو خبر
ہائے یہ عالم کہ تُو دل سے جُدا ہوتا نہیں
بارہا دیکھا ہے ساغرؔ رہگذارِ عشق میں
کارواں کے ساتھ اکثر رہنما ہوتا نہیں​

 

جمال یار میں رنگوں کا امتزاج تو دیکھ
سفید جھوٹ ہیں ظالم کے سرخ ہونٹوں پر

 

کیا ایسے کم سُخن سے کوئی گُفتگو کرے
جو مُستقل سکوت سے دِل کو لہو کرے

 

پھر طبیعت رنگ لائی دیکھئے
پھر وہی دل میں سمائی دیکھئے

آپ نے تیوری چڑھائی دیکھئے
پھر کسی کی موت آئی دیکھئے

سرخ رُو شمشیرِ قاتل کیوں نہ ہو
خون میں میرے نہائی دیکھئے

اس بتِ کافر کی صورت دیکھ کر
جان لاکھوں نے گنوائی دیکھئے

عرش تک پہنچی نہ پہنچی یار تک
آہ کی یہ نارسائی دیکھئے

دیکھتے ہیں آئینے میں حسن کو
ان بتوں کی خودنمائی دیکھئے

تم نہ آئے اس کا کیا شکوہ کروں
موت فرقت میں نہ آئی دیکھئے

جوشِ وحشت میں مرے صیاد نے
بیڑی منت کی پنہائی دیکھیے

کھویا سونا سیم تن کے عشق میں
پڑ گئی کیسی کھٹائی دیکھیے

ہاتھ میں ساغر بغل میں دختِ رز
شیخ جی کی پارسائی دیکھیے

لوٹ کر کعبے سے دیکھیں گے ضرور
بت کریں کب تک خدائی دیکھئے

کس پہ اب تک آہ ہم مرتے رہے
عمر غفلت میں گنوائی دیکھئے

خونِ عاشق کی چلی آتی ہے بو
یار کے دستِ حنائی دیکھیے

نکلے مے خانے سے منہ پھیرے ہوئے
شیخ صاحب کی رکھائی دیکھئے

گوہرِ دنداں کے شوقِ دید میں
آبرو ہم نے گنوائی دیکھئے

طالبِ دیدار کو حیراں کیا
آئینہ رو کی صفائی دیکھیے

دل میں میرے غم کی شاہِ حسن نے
اک نئی بستی بنائی دیکھیے

سب کو فکرِ تازہ وصفِ زلف میں
مشک و عنبر سے بسائی دیکھئے

سر کیے لاکھوں قلم اک آن میں
تیغِ ابرو کی صفائی دیکھیے

یادِ گیسو میں پریشانی رہی
نیند کل شب کو نہ آئی دیکھئے

شانِ یزداں ہے کہ بیدم بت کریں
کعبۂ دل میں خدائی دیکھئے

(بیدم شاہ وارثی)​

 

اب میرا عشق دھمالوں سے کہیں آگے ہے
اب ضروری ہے کہ میں وجد میں لوں تجھکو
تو نہیں مانتا مٹی کا ـــــــــــــــ دھواں ہوجانا ؟؟
تو ابھی رقص کروں ؟؟ ہوکے دکھاؤں تجھکو ؟؟

 

ہاں اسکےنام میں نے کوئ خط نہیں لکھا
کیا ا’س کو یہ لکھوں، کہ لہو تھوکتا ہوں میں

جون ایلیا

 

ویسے بھی کون منتظر تھا
کیا ہوا جو رات گھر نہ آے تم

 

اقبال عظیم۔۔۔۔

یہ مری اَنا کی شکست ہے، نہ دوا کرو نہ دعا کرو
جو کرو تو بس یہ کرم کرو مجھے میرے حال پہ چھوڑ دو
وہ جو ایک ترکشِ وقت ہے ابھی اُس میں تیر بہت سے ہیں
کوئی تیر تم کو نہ آ لگے میرے زخمِ دل پہ نہ یوں ہنسو
نہ میں کوہ کن ہوں، نہ قیس ہوں، مجھے اپنی جان عزیز ہے
مجھے ترکِ عشق قبول ہے، جو تمھیں یقینِ وفا نہ ہو
جو تمھارے دل میں شکوک ہیں تو یہ عہد نامے فضول ہیں
جو مرے خطوط ہیں پھاڑ دو، یہ تمھارے خط ہیں سمیٹ لو
جو کسی کو کوئی ستائے گا تو گلہ بھی ہونٹوں تک آئے گا
یہ تو اک اصول کی بات ہے، جو خفا ہے مجھ سے کوئی تو ہو
مجھے اب صدائوں سے کام ہے، مجھے خال و خد کی خبر نہیں
تو پھر اس فریب سے فائدہ یہ نقاب اب تو اُتار دو
مجھے اپنے فقر پہ ناز ہے، مجھے اس کرم کی طلب نہیں
میں گدا نہیں ہوں فقیر ہوں، یہ کرم گدائوں میں بانٹ دو
یہ فقط تمھارے سوال کا مرا مختصر سا جواب ہے
یہ گلہ نہیں ہے، خلوص ہے، مری گفتگو کا اثر نہ لو
یہ ادھورے چاند کی چاندنی بھی اندھیری رات میں کم نہیں
کہیں یہ بھی ساتھ نہ چھوڑ دے، ابھی روشنی ہے چلے چلو

0000
​

 

عذاب دید میں آنکھیں لہو لہو کر کے
میں شرمسار ہوا تیری جستجو کر کے

 

محسن نقوی صاحب

 

کوئی تو حبس ہوا سے یہ پوچھتا محسن
ملا ہے کیا اسے کلیوں کو بے نمو کر کے

 

چہرے کو دشت ، آنکھ کو دریا کرے کوئی
وہ سامنے نہ آے تو پھر کیا کرے کوئی ؟

 

کیا حال پوچھتے ہو میرے عہد شباب کا

آئینے بیچتا رہا اندھوں کے شھر میں​

 

مزا تو جب ہے آنکھوں سے پیو کیفی
ساغر سے جو پیتا ہے وہ رند بہکتا ہے

 

ہوش و حواس و تاب و تواں داغؔ جا چکے
اب ہم بھی جانے والے ہیں سامان تو گیا
داغؔ دہلوی

 

محسن برہنہ سر چلی آئی ہے شامِ غم
غربت نہ دیکھ اس پہ ستاروں کی شال کر

 

مدّتوں بعد ..... چلا اُن پہ ہمارا جادو
مدّتوں بعد ...... ہمیں بات بنانی آئی

مدّتوں بعد ... پشیماں ہوا دریا ہم سے
مدّتوں بعد ...ہمیں پیاس چُھپانی آئی

 

اب کرو گے بھی کیا وفا کر کے
جا چکا وہ تو فیصلہ کر کے

کچھ نہیں ہے تو تجربہ ہی سہی
دیکھ ہی لے کبھی وفا کر کے

اتنی جلدی قبولیت ہو گی
ابھی بیٹھا تھا میں دُعا کر کے

کتنے مومن نما لُٹیرے ہیں
لُوٹتے ہیں خدا خدا کر کے

حکم کر کے کہ التجا کر کے
تجھے چھوڑوں گا با وفا کر کے

کاسۂ دل میں دل تو لے جاؤ
جا رہے ہو کہاں صدا کر کے

لڑکھڑاتے ہیں کیوں قدم اتنے
آ رہے ہو عدیم کیا کر کے

 

ان اندھیروں سے پرے اس شب غم سے آگے

اک نئی صبح بھی ہے شام الم سے آگے
عشرت قادری