اشعار بہ لحاظ حروف تہجی

فیض آتے ہیں رہِ عشق میں جو سخت مقام
آنے والوں سے کہو ہم تو گزر جائیں گے

 

کسی بے وفا کی خاطر یہ جنوں فراز کب تک
جو تمہیں بھلا چکا ہے اسے تم بھی بھول جاؤ

احمد فراز

 

لاکھ چلو ری گوری تھم تھم کے
پائل میں گیت ہیں چھم چھم کے

 

گویا ہمارے حق میں ستم در ستم ہوا
حرفِ دعا بھی ، دستِ دعا بھی نہیں رہا

 

نہ جانے کن اداؤں سے لبھا لیا گیا مجھے
قتیل میرے سامنے چُرا لیا گیا مجھے

قتیل شفائی

 

یاد آتا ہے روز و شب کوئی
ہم سے روٹھا ہے بے سبب کوئی

ناصر کاظمی

 

بس یہی سوچ کے میں بھول گیا غم سارے
زندگی ہے تو محبّت بھی ہے باقی پیارے

 

ترے کمالِ بلاغت سے ہم کو شکوہ ہے
جو گفتگو تری آنکھیں کریں وہ لب نہ کریں

 

ثابت ہوا کسی پہ نہ جرم وفا کبھی
پردہ کھلا نہ عشقِ سراپا گناہ کا

 

جہنم ہو کہ جنت ، جو بھی ہوگا فیصلہ ہوگا
یہ کیا کم ہے ہمارا اور اُن کا سامنا ہو گا

 

چاند ہے کہکشاں ہے تارے ہیں
کوئی شے نامہ بر نہیں ہوتی

 

خوف سے تم سے کہہ نہیں سکتے
دل میں اک آرزو کبھی سے ہے

 

ڈر ہے میری زباں نہ کھل جائے
اب وہ باتیں بہت بنانے لگیں ہیں

 

ذرا دیکھ شہر کی رونقوں سے پرے بھی کوئی جہان ہے
کسی شام کوئی دیا جلا کسی دل جلے کے مزار میں

 

رقص پروانہ تو ظلمت میں بھی رک سکتا نہیں
شمع ہی کیا جو کبھی روشن سر محفل نہ ہو

 

سوچتا ہوں‌کہ محبت سے کنارا کرلوں
دل کو بیگانۂ ترغیب و تمنا کرلوں

 

صورت نہیں کوئی بھی الجھن سے رہائی کی
صحرا میں سزا کم ہے کیا آبلہ پائی کی

 

ضروری تو نہیں کہہ دوں لبوں سے داستاں اپنی
زباں اک اور بھی ہوتی ہے اظہار تمنا کی