اشعار بہ لحاظ حروف تہجی

مجنوں فرہاد کا کیا کہنا کہ عشق کے مارے یہ سب ہیں
ہم عشق کے دعوے دار نہیں ہم عشق کے قابل ہی کب ہیں
واصف حسین

 

واصف کا بھی شمار کرو دنیا داروں میں
گو فقر سے لبریز ہی اس کا یہ بیاں ہے

 

یونہی بے سبب نہ پھرا کرو، کوئی شام گھر بھی رہا کرو
وہ غزل کی سچی کتاب ہے اسے چپکے چپکے پڑھا کرو
کوئی ہاتھ بھی نہ ملائے گا جو گلے ملو گے تپاک سے
یہ نئے مزاج کا شہر ہے ذرا فاصلے سے ملا کرو​

 

اب اک ہجوم شکستہ دلاں ہے ساتھ اپنے
جنہیں کوئی نہ ملا، ہمسفر ہمارے ہوئے
فراز

 

باغ میں مجھ کو نہ لے جا ورنہ میرے حال پر
ہر گلِ تر ایک "چشمِ خوں فشاں" ہو جائے گا

 

پودا پودا پال کے وقت نہ ضائع کر
کاغذ کے کچھ پھول سجا گلدانوں میں
قتیل شفائی

 

ٹوٹ ہی جاتی ہے ہر موسم گل میں توبہ
جو نہ ٹوٹے مرے غفار کہاں سے لاؤں ؟

 

جادۂ رہ خُور کو وقتِ شام ہے تارِ شعاع
چرخ وا کرتا ہے ماہِ نو سے آغوشِ وداع
غالب

 

حریفِ مطلبِ مشکل نہیں فسونِ نیاز
دعا قبول ہو یا رب کہ عمرِ خضر دراز

 

دی نہ مہلت ہمیں ہستی نے وفا کی ورنہ
اور کچھ دن غمِ ہستی سے نباہے جاتے

 

رسم الفت کو نبھائیں تو نبھائیں کیسے؟
ہر طرف آگ ہے دامن کو بچائیں کیسے؟

 

ساقیا تیرے بادہ خانے میں
نام ساغر ہے مے کو ترسے ہیں

 

ملک بلال بھائی حروف تہجی کے لحاظ سے اشعار لکھنے ہیں۔ از راہ کرم نظر ثانی کر لیں۔

 

جی محترم نشاندہی فرمانے کا شکریہ۔
اگلا حرف
س

 

شب کو مئے خوب سی پی، صبح کو توبہ کر لی
رند کے رند رہے، ہاتھ سے جنت نہ گئی

 

ظالم تھا وہ اور ظلم کی عادت بھی بہت تھی
مجبور تھے ہم اس سے محبت بھی بہت تھی