لفظ " زندگی" پر شعر کہیں

السلام علیکم دوستو ! لفظی اشعار کے سلسلے میں ایک اور اضافہ کرتے ہیں ۔ اس لڑی میں ایسے اشعار لکھیں گے جن میں لفظ " زندگی " ضرور آتا ہو۔
آغاز کا شعر دیتا ہوں


زندگی کا کوئی احساں نہیں ہے مجھ پر
میں نے اپنے ہراک سانس کی قیمت دی ہے

 

زندگی جبرِ مسلسل کی طرح کاٹی ہے
جانے کس جرم کی پائی ہے سزا، یاد نہیں

 

پھنس گئے ھیں بری طرح فرحت
زندگی کے تموجات میں ہم

 

زندگی تجھ سے گلہ نہیں کوئی
ہم کو ہم سا ملا نہیں کوئی

نعیم رضا

 

یہ عجب وقت تو شعر سے بھی بلند ھے
مین نے نظم چھوڑ کے لکھ دی شام پہ زندگی

 

دلِ ویراں ہے، تری یاد ہے، تنہائی ہے
زندگی درد کی بانہوں میں سمٹ آئی ہے

 

نہ یہ زندگی مری زندگی، نہ یہ داستاں مری داستاں
میں خیال و وہم سے دور ہوں، مجھے آج کوئی صدا نہ دے

 

مجھے محسوس ہوتا ہے کہ لطف زندگی کم ہے
غم دل حس سے بڑھ کر ہے میسر اب خوشی کم ہے
اب اس کے بعد جسم و جاں جلنے سے بھی کیا حاصل
چراغوں میں لہو جلتا ہے پھر بھی روشنی کم ہے

 

موت کو سمجھا ہے غافل اختتامِ زندگی
ہے یہ شامِ زندگی صبح دوامِ زندگی

 

میں محبت میں مہکتا ہوا خط ہوں مجھ کو
زندگی اپنی کتابوں میں چھپا کر لے جائے

 

نہ سوال بن کے ملا کرو
نہ جواب بن کے ملا کرو
میری زندگی میرے خواب ہیں
مجھے خواب بن کے ملا کرو

 

غم زندگی تیری راہ میں شب آرزو تیری چاہ میں
جو بچھڑ گئے وہ ملے نہیں جو اجڑ گئے وہ بسے نہیں

 

زندگی تیری عطا تھی سو تیرے نام کی
ھم نے جیسے بھی بسر کی ترا احساں جاناں

فراز

 

ڈھونڈتی پھرتی ہے دشت و بیاباں میں ہمیں
زندگی ہم سے بچھڑ کر خود بھی پچھتائی بہت

 

زندگی تیری عطا ہے تو یہ جانے والا
تیری بخشش تری دھلیز پہ دھر جائے گا

 

تمھارے ساتھ دیکھی تھی وگرنہ زندگی ہم کو
نہ تب محسوس ہوتی تھی نہ اب محسوس ہوتی ہے

 

وہ مجھے زندگی سمجھتا ہے فراز
کیا اسے میرا اعتبار نہیں ؟؟

فراز

 

نجانے زندگی اور رات میں کیسا تعلق ہے
الجھتی کیوں ہے اتنی لَو چراغِ شام سے پہلے


امجد

 

مجھ سے حساب روز و شب، اے میری زندگی نہ مانگ
سوختہ دل کی صبح کیا ، قریہ نشیں کی شام کیا

 

واہ بہت خوب :a165:

 

یہی آنا جانا ہے زندگی ‘ کہیں دوستی کہیں اجنبی
یہی رشتہ کارِ حیات ہے کبھی قرب کا کبھی دور کا

(منیر نیازی)

 

زندگی یوں بھی کم ہے محبت کے لیے
روٹھ کر وقت گنوانے کی ضرورت کیا ہے

 

تیرگی کے گھنے حجابوں میں
دُور کے چاند جھلملاتے ہیں
زندگی کی اُداس راتوں میں
بے وفا دوست یاد آتے ہیں

 

یہ بھی زندگی کی اک ادا ہے دوستو
جس کو ساتھی مل گیا وہ اور تنہا ہو گیا

 

نئی خواہش رچائی جا رہی ہے
تیری فُرقت منائی جا رہی ہے
خوش اِحوال اپنی زندگی کا
سلیقے سے گنوائی جا رہی ہے

جون ایلیا

 

تمہارے پیار نے کبھی مجھے رہا نہیں کیا
پڑا ہوا ھے مجھ پہ زندگی کے جال کی طرح

 

مری زندگی کے چراغ کا یہ مزاج کوئی نیا نہیں
ابھی روشنی ابھی تیرگی، نہ جلا ہوا نہ بجھا ہوا

 

تم نہ آؤ تو کیا بھول جاؤ تو کیا ہم کو جتنا بھی جینا ھے جینا تو ھے
دوستی جو نہیں زندگی ہی سہی زندگی ہی گزارے چکے جائیں گے

 

زہر و تریاق روز پیتے ہیں
زخم ملتے ہیں اور سیتے ہیں
زندگی کم ہے چاہتوں کے لیے
لوگ کیوں نفرتوں میں جیتے ہیں

 

اس سے بڑھ چڑھ کر کیا کروں محبت کا اظہار

اک ذرا سی بات پر احتتام کرتا ہوں

میں چاند تارے توڑ کر تو نہیں لا سکتا

ہاں مگر یہ زندگی ہے اسے تیرے نام کرتا ہوں