ہماری اردو - انٹرنیٹ سے آگے(سلسلے ملاقاتوں کے)

بُز کشی اور مئے کشی کا بھی بتا دیں

 

مصروفیت کچھ شدید تر ہے۔۔۔۔ضرور حاضری دوں گا۔۔۔۔۔۔۔۔۔گرمیوں کے موسم میں جیکٹ کی بجائے تربوز اور آم کا ذکر خیر ہو تو بات بنے۔۔۔۔۔بس حاضر ہوا چاہتا ہوں۔۔۔قسط نمبر دوم کے ساتھ۔۔۔۔۔واصف بھائی آپ نے خوب کہا۔۔۔۔مگر یہ شعر موقع کے لحاظ سے ا چھے لگے۔۔۔۔سو شامل کیے۔۔۔۔۔۔۔۔ترکی نمی دانم والی بات تو سولہ آنے درست ہے۔۔۔۔واصف بھائی آپ تو میری شدید مصروفیت سے آگاہ ہیں۔۔۔۔کل رات ہی گھر پہنچا اور آج صبح پھر جارہا ہوں۔۔۔۔بس جانے سے پہلے یہاں حاضری دی ہے۔۔۔سو قبول ہو۔

 

محبوب بھائی بہت انتظار کروارہے ہیں

 

مال بولے تو

 

وہ نہیں

 

قسط دوم

قسط دوم لے کر حاضر ہوا ہوں۔۔۔۔کوشش کروں گا۔۔۔۔کہ تاخیر کے باوجود روداد کو بیان کرتے ہوئے اس تازگی کو برقرار رکھوں جس کا ہم حصہ رہے۔۔۔۔۔۔یادداشت کا سہارا لینے کی کوشش کروں گا۔۔۔۔اور مجھے قوی امید ہے کہ خوب نبھے گی۔۔۔۔وجہ یہ ہے کہ یہ یادیں زندگی کی حاصل ہوتی ہیں۔۔۔۔۔سو کوئی اپنے اثاثے کیسے بھول سکتا ہے۔۔۔روداد لکھتے ہوئے تو بارہا ایسے ہوتا ہے کہ محسن نقوی کے بقول :

ابھی لکھیں تو کیا لکھیں
ہر اک جانب اداسی ہے
ابھی سوچیں تو کیا سوچیں؟
ہر اک سُو، ہُو کا عالم ہے
ابھی بولیں تو کیا بولیں؟
ہر اک انسان پتھر ہے
ابھی دھڑکیں تو کیا دھڑکیں؟
فضا پر نیند طاری ہے۔
ہر اک مقتل کی شہہ رگ سے
لہو کی لہر جاری ہے۔
ابھی دیکھیں تو کیا دیکھیں؟
ہر اک انسان کا سایہ۔
ابھی مٹی پہ بھاری ہے۔
ابھی لکھیں تو کیا لکھیں؟

یا پھر یہ کہ :

اندر سے کوئی گھنگھرو چھنکے، کوئی گیت سنیں، تو لکھیں بھی
ہم دھیان کی آگ میں تپتے ہیں کچھ اور تپیں تو لکھیں بھی
یہ لوگ بیچارے کیا جانیں کیوں ہم نے حرف کا جوگ لیا
اس راہ چلیں تو سمجھیں بھی، اس آگ جلیں تو لکھیں بھی
دن رات ہوئے ہم وقفِ رفُو، اب کیا محفل کیا فکرِ سخن
یہ ہات رُکیں تو سوچیں بھی، یہ زخم سِلیں تو لکھیں بھی
ان دیواروں سے کیا کہنا، یہ پتھر کس کی سنتے ہیں
وہ شہر ملے تو روئیں بھی، وہ لوگ ملیں تو لکھیں بھی
خالی ہے من کشکول اپنا، کاغذ پہ اُلٹ کے سرمایہ
جو کشٹ کمائے لکھ ڈالے، دکھ اور سہیں تو لکھیں بھی

سو لکھنے کی کوشش کررہے ہیں۔۔۔۔۔اسلام آباد سے ڈاکٹرآصف اور واصف بھائی کے ساتھ سفر کا آغاز مقررہ جگہوں سے شروع ہوا۔۔۔۔۔۔موسم بہترین۔۔۔۔۔صبح کا وقت۔۔۔۔۔۔جب جب گرمی نے تنگی کرنے کی کوشش کی ۔۔۔۔ڈاکٹر آصف کی گاڑی میں درجہ حرارت کو بہتر کرنے کا انتظام۔۔۔۔سو خوب گزر رہی تھی۔۔۔واصف بھائی اور ڈاکٹر آصف کے ساتھ سفر مزہ دوبالا اس لیے بھی ہوتے ہیں۔۔۔کہ صاحب مطالعہ ہیں۔۔۔۔اس لیے مقالمے کا لطف آتا ہے۔۔۔۔۔ادب سے شغف کی وجہ سے راستے میں بہترین شاعری سننے کو ملتا ہے۔۔۔۔۔سامنے ایک معلوماتی تختہ سڑک کنارے نصب تھا۔۔۔۔۔۔۔قلعہ روہتاس ۸ کلومیٹر۔۔۔۔۔آصف بھائی نے سوال کیا کہ محبوب بھائی آپ گئے۔۔۔۔ہو قلعہ روہتاس؟۔۔۔۔ہم نے حسرت سے کہا۔۔۔نہیں۔۔۔۔ابھی تک ھارون بھائی کے لارے پہ گزارا ہے۔۔۔۔۔۔۔۔بلکہ اب تو یہ خواہش کی صورت میں بدل کے دل و دماغ کے کسی گوشے میں پڑا ہوا ہے۔۔۔۔۔۔بس جی ۔۔۔۔واصف بھائی نے گاڑی کا رخ موڑ دیا کہ وہ ناخدا تھے۔۔۔۔۔کچی پکی۔۔۔۔۔اور گزارے والی سڑک سے گزر کے اس عالیشان قلعے کے اندر داخل ہوگئے۔۔۔۔قلعہ روہتاس اسلام آباد سے ۱۰۹ کلومیٹر کے فاصلے پر موجودہ ضلع جہلم کے قصبے دینے میں واقع ہے۔ ہمارے دوست صدیقی بھائی کا تعلق بھی دینہ سے ہے۔۔۔۔۔اسے ہندوستان کے مشہور حکمراں شیر شاہ سوری نے ۱۵۴۰-۴۱ء میں تعمیر کروایا تھا۔ صدیاں گزرنے کے باجود ۔۔۔۔قلعے کے کھنڈر اس کی کی عظمت کی گواہی دے رہے ہیں۔۔۔۔دفاعی نقطہ نظر سے اسے بہترین جگہ تعمیر کیا گیا۔۔۔۔۔۔اس کی تعمیر میں پتھروں کا استعمال کیا گیا ہے۔۔۔۔اس قلعے میں تعمیر کے بعد ہزاروں پیادہ اور سوار فوجی رہتے تھے۔۔ اس کے تمام دروازے تعمیر کے شہکارہیں۔۔۔ان دروازوں میں خواص، موری، شاہ چانن، طلاقی، شیشی، لنگرخوانی، بادشاہی، گٹیالی، سوہل، پیپل اور گڑھے والے دروازے شامل ہیں۔۔۔ خواص خوانی دروازہ دہرا بنایا گیا تھا۔ مغربی سمت ایک چھوٹی سی ’’ریاست‘‘ علیحدہ بنائی گئی تھی، جو چاروں جانب سے دفاعی حصار میں تھی۔اس کے اندر جانے کا صرف ایک دروازہ تھا۔اس چھوٹی سی ریاست کے بلند ترین مقام پر راجا مان سنگھ کی حویلی تھی، جو مغل شہنشاہ اکبر اعظم کا سسر اور اس کی فوج کا جرنیل تھا۔ رانی محل حویلی مان سنگھ سے تین سو گز کے فاصلے پر شمال کی جانب موجود ہے۔اس میں راجا مان سنگھ کی بیوہ بہن شریمتی روپ کماری رہتی تھی۔۔۔شاہی مسجد چھوٹی لیکن خوب صورت مسجد ہے۔یہ مسجد کابلی دروازے کے نزدیک واقع ہے اور اسی وجہ سے کابلی دروازے کو بادشاہی دروازہ بھی کہا جاتا ہے۔یہ مسجد صرف ایک کمرے اور صحن پر مشتمل ہے۔مسجد کا مرکزی ہال ۶۳ فٹ طویل اور ۲۴ فٹ چوڑا ہے۔۔۔۔قلعے کا پھانسی گھاٹ سفید محل سے دو فٹ کے فاصلے پر جنوب مغربی سمت میں نہایت بلندی پر ایک چار منزلہ عمارت میں واقعہ ہے۔اس عمارت کی چھت کے وسط میں اڑھائی فٹ قطر کا ایک سوراخ ہے۔ اس کے اردگرد بانسوں کو قائم رکھنے کے لیے انہیں باندھنے کی جگہیں تھیں۔پھانسی خانے کا سوراخ گول ہے، جس پر تختہ دار رکھا جاتا تھا اور بانسوں کے ذریعے مجرم کی گردن میں رسوں کے حلقے ڈالے جاتے تھے۔جب تختہ کھینچا جاتا تو مجرم سوراخ سے نیچے لٹک جاتا۔جب اس کا سانس رک جاتا تو رسے ڈھیلے کر دیئے جاتے تھے، جس سے لاش زمین پر جا پہنچتی اور ورثاء دروازے کے راستے اسے اٹھا کر لے جاتے۔۔۔۔۔قلعے کے اندر مکمل شہر آباد ہے اور ایک ہائی اسکول بھی قائم ہے۔مقامی لوگوں نے قلعے کے پتھر اکھاڑ اکھاڑ کر مکان بنا لیے ہیں۔

جب ہم قلعے میں سیر کررہے تھے۔۔۔۔تو صدیقی بھائی نے رابطہ ہوا۔۔۔۔معلوم ہوا کہ ملکوال جانے کے لیے ایک گاڑی میں بیٹھ چکے ہیں۔۔۔مگر پھر معذرت کرکے وہاں سے اترے۔۔۔۔۔اور لب سڑک قلعے سے واپسی کا انتظار کرنے لگے۔۔۔۔۔جب قلعے کی سیر کرکے ۔۔۔۔کہ ھارون بھائی کے دیرینہ خواہش کو پوری کرچکے ہیں۔۔۔۔۔۔جی ٹی روڈ پر آئے اور صدیقی بھائی کو ساتھ لیا۔۔۔۔۔جوس وغیرہ سے صدیقی بھائی نے ہماری مہمان نوازی چلتی گاڑی میں شروع کی۔۔۔۔۔۔۔۔سفر پھر سے جاری۔۔۔۔۔کہ سرائے عالمگیر سے نہر و نہر منڈی بہاو الدین سے ملکوال جانا تھا۔۔۔۔۔نہر کے کنارے ۔۔۔۔کھیت کے مناظر یہ سفر بہت ہی بھلا لگ رہا تھا۔۔راستے میں ایک جگہ چائے پینے کے لیے رکے۔۔سفر جاری رہا۔۔آخر کار ملکوال شہر پہنچ گئے۔

جاری ہے۔۔۔۔

 

بہت خوب جناب اگلی قسط کا انتظار رہے گا

 

خوبصورت لوگوں کی خوبصورت محفل میں روشن لوگوں کے روشن چہرے
اللہ ن محبتوں کو صدا قائم رکھے آمین

 

یہ سلوتری صاحب کون ہیں ذرا تعارف تو کروائیں

 

بہت خوب
یہ عثمانیہ ریسٹورنٹ ہے غالباََ

 

ماشاءاللہ
بہت خوبصورت تصاویر

 

ڈاکٹر آصف صاحب جو کہ آصف حسین کے نام سے اردو پر ہیں۔ یہ جانوروں کے ڈاکٹر ہیں جس کے لیے اردو میں لفظ سلوتری استعمال ہوتا ہے۔

 

اوہ تہاڈا بھلا ہو جائے
تسی پطرس بخاری دا مضمون کتے تے ضرور پڑھیا ہؤے گا

 

ایک کتا اور بکری کے سائیز کا گویا بہت ہی کتا

 

#واصف

ذرا لڑی کا ربط تو دیں

 

ماشاءاللہ نعیم صاحب اپنے نام کی طرح حسن و جمال میں یکتا ہیں
رات مجلس میں ترے حسن کے شعلے کے حضور
شمع کے منہ پہ جو دیکھا تو کہیں نور نہ تھا

 

محبوب خان جی پھر غایب ہیں

 

کچھ جو سمجھا میرے شکوے کو تو رضوان سمجھا
مجھ کو جنت سے نکالا ہوا انسان سمجھا

 

یہ احوال محبت جان کر خوشی ہوئی ۔ آپ سب کی خوشیوں کیلئے بھی دعا گو ہیں