ہاں معلوم ہے ۔۔ "ایک آفس بوائے ہوتا."

ایک آدمی نے ایک بڑی کمپنی میں نوکری کے لیے اپلائی کیا ۔ مالک نے اس سے انٹرویو کیا
اسے کہا کہ تمہیں. ۔ میں ملازمت دے رہا ہوں۔ مجھے اپنا ای میل ایڈریس دو تاکہ باقی کی
فارمیلٹی ۔کب کام پر آنا ہے وغیرہ
وغیرہ اس میں بھیج دوں
"آدمی نے کہا سر میرے پاس نہ کمپيوٹر ہے اور نہ ہی میرا کوئی ای میل ایڈریس ہے "
میں معذرت خواہ ہوں یہ نوکری پھر آپکو نہیں مل سکتی ہے ۔ مالک نے جواب دیا..
وہ آدمی خاموشی سے اٹھا اور وہاں سے نکل آیا..مگر اب وہ سوچ رہا تھا کہ کیا کرے کیونکہ اب اسکے پاس بس 10 ڈالر تھے ۔ اسکے پاس کوئی چارہ نہ بچا تو مارکیٹ گیا اور دس ڈالر سے ٹماٹر خریدے اور گھر،گھر جا کر بیچنے لگا تین گھنٹوں میں اسنے 60 ڈالر کمالیے ۔ تو اسکو لگا کہ میں اس طرح گذارا کرسکتا ہوں ۔ وہ ٹماٹر بیچتا رہا اور اسکو منافع ہوتا رہا ۔ دوکان بنائی، پھر مارکیٹ بناڈالی کوئی پانچ سال کے بعد اسکی مارکیٹ اس علاقے میں سب سے بڑی مارکیٹ بن گی ۔۔
ایک دن اس نے اپنی فیملی کےلیےلائف انشورنس خریدنے کا سوچا ۔ انشورنس ایجنٹ سے سب طے ہوا آخر میں اس نے کہا، جناب مجھے اپنا ای میل دیں باقی کی تفصیل میں میل کــر دوں گا آدمی نے کہا میرا ای میل نہیں ہے ایجنٹ نے حیران ہوکر کہا ۔۔ سر آپ اتنے کامیاب آدمی ہیں سوچیں اگر ای میل ایڈریس بھی ہوتا تو کتنے کامیاب ہوتے اور کہاں کے کہاں پہنچے ہوتے ؟
آدمی نے رک کر ذرا پیچھے مڑ کر سوچا اور کہا ہاں معلوم ہے ۔۔ "ایک آفس بوائے ہوتا."
ياد رکھيے۔ کبھی بھی مایوس نہ ہوں اگر كبهى ایک دروازہ کسی کے لیے نہیں کھلتا تو اسكى جگہ اللّٰہ تعالٰی کئی اور دوسرے دروازے کھول ديتا ہے ، بس انسان اپنے رب پر بھروسہ کرتے ہوئے محنت کرے تو يقيناً كاميابى ضرور ملتى ہے

 

بہت اچھی شیئرنگ ہے ۔۔۔۔۔۔۔ لیکن اب اپنے ای میل ایڈریس کا کیا کریں؟

 

بہت شکریہ

 

شکریہ
بات ای میل ایڈریس کی نہیں ہورہی ۔اس کو غور سے پڑھیں اس میں کہا کیا گیا ہے۔

 

بہت غور سے اور بار بار پڑھا لیکن بونگی ہی لگی۔ پورا واقعہ ایک لطیفہ ہی ہے ۔۔۔ بس آخری پیراگراف میں اللہ پر بھروسہ کرنے کا درس ہے ۔۔۔۔۔۔۔ جو کہ اس لطیفہ سے مطابقت نہیں رکھتا۔

 

پھر تو اپنی اپنی سمجھ کی بات ہے۔
اگر بونگی لگی تھی تو اچھی شئیرنگ والا کمنٹ کیوں کیا؟
کمنٹس کا مقصد فارمیلٹی پوری کرنا نہیں ہوتا۔۔

 

بونگی اچھی لگی اس لئے کمنٹ کردیا۔۔۔۔۔۔۔۔۔۔۔۔۔ ہا ہا
۔۔۔۔
لطیفے سبق آموز نہیں ہوتے ۔۔۔ صرف مزاح کے لئے ہوتے ہیں ۔۔۔ ان سے کوئی سبق حاصل نہیں کیا جاتا۔۔۔۔۔ گزارش ہے کہ لطیفے کو صرف مزاح کے طور پر لیا جائے نہ کہ کسی سبق حاصل کرنے کے لئے۔۔۔۔۔۔۔

 

چلیں جیسے آپ کو لگے ۔میں کیا کہہ سکتی ہوں۔میں صرف ان تحریروں کو شئیر کرتی ہوں جن میں میرے خیال میں کچھ نا کچھ پوائنٹ ضرور ہوتا ہے سمجھنے کے لیے ۔۔
ہر انسان اپنی سوچ اور سمجھ کے مطابق ہی کام کرتا ہے۔شکریہ آپ کا۔

 

میرے خیال میں اس میں تو ٹیکنالوجی سے دوری کا سبق موجود ہے۔۔۔۔۔۔ بہرحال اچھا مزاح تھا۔۔۔۔ اور اس کو صرف مزاح کے طور پر ہی لیا ہے میں نے۔

 

آپ کو یہ ایک لطیفہ لگ رہا ہے کمال ہے ویسے۔۔۔۔
میں آپ کو کچھ نہیں کہہ سکتی فی الحال۔جو آپ کو سمجھ آئی وہی ٹھیک ہے اور جو مجھے آئی وہ بھی ٹھیک ہے۔شکریہ آپ کا۔

 

اچھی شیئرنگ ہے۔ مجھے تو حقیقت پر مبنی لگتی ہے۔

کے ایف سی کے بانی بھی اسی کیفیت سے گزرے ہیں اور آج عالم میں ان کا کاروبار ہے۔

اس پوسٹنگ میں بہت اہم پیغام پنہاں ہے۔ اور وہ یہ بات ہے کہ ضروری نہیں ہر انسان وہ ٹول استعمال کرتا ہوجو اکثریت کے زیر استعمال ہوں۔ بلکہ اس دنیا میں کامیاب ہونے کے لئے محنت، جذبہ اور لگن چاہیں۔

مزید برآں جو لوگ اللہ تعالی پر بھروسہ کرکے کسی بھی کام کا آغاز کرتے ہیں اللہ تعالی انھیں ضرور سرفرازی سے نوازتے ہیں۔

شکریہ میشی ۔۔۔۔۔۔

آپ کے مثبت روے اور خوش اخلاقی کو سلام۔

 

غوری بھائی بتائیں نظام الدین بھائی کو اس میں "بونگی" والی کیا بات ہے
اتنا اچھا سبق ہے اس میں ۔۔انسان ضروری نہیں کہانیوں قصوں سے سیکھے۔۔
سیکھنے کے لیے ہم عام سی باتوں یا کسی کے زندگی کا تجربہ ہی کافی ہوتا ہے۔
اور سب سے بڑا سبق "محنت میں عظمت ہے" بھی ہے اس میں۔اس نے یہ نہیں دیکھا یہ کام کیا ہے ایک چھوٹے سے کام سے شروع کیا اور کہاں تک پہنچا وہ انسان
رہی بات اس میں ای میل وغیرہ کی تو غوری بھائی نے بالکل صحیح کہا کامیاب ہونے کے لیے محنت کا جذبہ ہونا ضروری ہے۔ضروری نہیں آپ کے پاس ہر وہ ٹول ہو جو سب کے پاس ہیں ۔کامیابی کے لیے صرف محنت ضروری ہوتی ہے اور کچھ نہیں ۔
دنیا میں بہت سے لوگ ہیں جن کے پاس کوئی ایسی ٹیکنالوجی والی سہولت موجود نہیں مگر پھر وہی لوگ محنت سے دنیا میں کامیاب انسان بن جاتے ہیں۔
بس اسی وجہ سے میں نے شئیر کیا تھا اس کو۔شکریہ غوری بھائی
غوری بھائی نظام الدین بھائی

 

نظام بھائی آپ نے عید کے پرمسرت موقع پر مزاح کے لئے میشی کی پوسٹ پر تبصرہ کیا ہے اب سچ سچ بھی اپنا کمنٹ دے دیں۔

 

عمدہ

 

واہ جی واہ بہت خوب۔
آپ نے جو لکھا ہے اس کے لئے ایک علیحدہ لڑی ہونا چاہیے کہ اس موضوع میں کہنے سننے کے لئے بہت ہے۔
جبکہ میشی نے نہایت سادگی سے ایک سادہ سا خاکہ پیش کیا تھا جس میں پوشیدہ راز انسان کو کامیابیوں کی منازل طے کرواسکتاہے۔
تاہم میں یہی کہوں گا کہ دوسروں کو سیٹسفائی کرنا جان جوکھوں کا کام ہے۔ یہ الگ بات ہے کہ کوئی پنگا لئے بغیر آپ کی کاوشوں کو بآسانی اپریشیئٹ کردے۔ لیکن کچھ شرارت پسند بال کی کھال کے بہت شوقین ہوتے ہیں۔

 

سوچنے والی بات ہے سر !

 

بہت خوبصورت شئیرنگ ۔ تھینک یو !
ہمارے ایک استاد کہا کرتے تھے "اگر کامیابی چاہتے ہو تو آسان ترین طریقہ یہ ہے کہ جس چیز کو دنیا چھوڑ دے تم اسے پکڑ لو ۔ نایاب ہونے کی وجہ سے اس کی قدر و قیمت بڑھ جایا کرتی ہے "

 

کیا بات ہے جناب ۔۔۔۔۔۔۔۔۔۔۔۔ زبردست۔۔۔۔ واقعی آپ نے قائل کردیا ہم کو۔۔۔۔۔ بہت عمدہ

 

غوری بھائی ۔۔۔۔۔۔۔۔۔۔۔ ایسی کوئی بات نہیں۔۔۔۔ بس بات کچھ ہضم نہیں ہوئی تھی۔۔۔۔۔ ورنہ میشی وش سسٹر کی پوسٹس یقینآ بہت عمدہ اور قابل تحسین ہوتی ہیں۔

 

محنت میں عظمت ہے، یہ جملہ ہمیں بچپن سے سننے کو ملتا ہے۔ نصابی کتابوں میں بھی موجود ہے۔ لیکن شاید اب عظمت حاصل کرنے کے خواہشمند ہی ہمارے معاشرے میں ناپید ہو رہے ہیں یا ہم نے نصیحتوں کو صرف سننے سنانے اور پڑھنے پڑھانے کی چیزیں سمجھ لیا ہے۔ عملی طور پر تو ہم ان نصیحتوں سے بہت دور ہیں، جنکا ڈھنڈورا پیٹتے ہماری زبان نہیں تھکتی۔ محنت دین کا شعار تھی جبکہ آج کام چوری ہماری پہچان بن چکی ہے۔ چنانچہ جب ہم محنت سے کام کرنا بھولے تو سر بلندی ہم سے روٹھ گئی، دنیا کی امامت ان لوگوں کے ہاتھوں میں چلی گئی جو محنت کر رہے تھے۔ ہم مغلوب ہوگئے ، ذلت و رسوائی ہمارا مقدر بن گئی، آج جب ہم غیروں سے اپنا موازنہ کرتے ہیں تو پتہ چلتا ہے کہ انہوں نے محنت کو اپنا شعار بنایا۔ ترقی یافتہ دنیا میں ایک عام مزدور سے لے کر اعلیٰ ترین افسران تک اور یہاں تک کہ حکمرانوں تک سب ہی ہارڈورکر ہیں۔ سخت محنت کرنے والے ہیں، صرف اپنی ملازمت میں محنت نہیں کرتے بلکہ اپنے گھروں میں بھی محنت کرتے ہیں۔ ذاتی ملازمین رکھ کر عیش کی زندگی بسر نہیں کرتے۔ ان کے ہاں نہ بلا عذر چھٹی کا تصور ہے اور نہ کاموں پر لیٹ آنے کا، کام کے اوقات بھی گپیں لگا کر ضائع نہیں کرتے ان اوقات کو محنت کے ذریعے پوری طرح استعمال کرتے ہیں۔ یہی وجہ ہے کہ وہ جسمانی اور ذہنی طور پر فٹ رہتے ہیں۔ بیماریاں بھی ہمارے مقابلے میں کم کم ہی ان کے قریب آتی ہیں۔ برعکس طور پر ہماری صورتحال یہ ہے کہ ہم مجموعی طور پر سست، کاہل اور کام چور ہو چکے ہیں، کام سے بھاگنے کے بہانے ڈھوڈنڈتے ہیں۔ بلا عذر چھٹیاں کرنے کا رواج بھی ہے، کام پر جاتے بھی ہیں تو چار و ناچار۔ اسی لیے کاموں پر دیر سے آنا ہماری پہچان ہے۔ چند منٹوں کی تاخیر تو ہمارے ہاں کوئی معنی ہی نہیں رکھتی۔ بے دلی کے ساتھ جب کام پر پہنچتے ہیں تو کام کے اوقات میں بھی اپنے کام کے ساتھ انصاف نہیں کرتے۔ بلکہ المیہ یہ ہے کہ جو شخص محنت سے ایسا کام کر رہا ہوتا ہے اسے بیوقوف سمجھتے ہیں۔ اب ایسی صورت میں کام کا معیار کیا ہوگا؟ اور پھر ایسی صورت میں ہمارے افراد اپنے اپنے شعبے میں کیسے کمال اور عظمت حاصل کر سکتے ہیں؟ ظاہر ہے محنت کے بغیر یہ سب کچھ حاصل نہیں ہو سکتا۔ ہمارے ہاں ایک غلط فہمی بھی پائی جاتی ہے، عام طور پر کہا جاتا ہے کہ ''یار ہمارے ہاں محنت کی قدر ہی نہیں ہے میں نے بڑی محنت کر کے دیکھا ہے''۔ یہ بالکل غلط بات ہے، محنت اپنی قدر خود کرواتی ہے ۔

 

پیارے بھائی آپ جیسا بھلا مانس کیسے میری نظر سے اوجھل رہ سکتا ہے مجھے یقین تھا کہ آپ ایسے نہیں ہیں مگر کہیں نہ کہیں کچھ گڑبڑ ہوگئی اور الحمد للہ اب اس کا احساس بھی ہوگیا۔

آپ کی پوسٹس قابل تحسین ہونے کے ساتھ ساتھ کھانے کے آخر میں شامل ڈیزرٹس کی طرح شیریں ہوتی ہیں۔

خوش رہیے۔

 

بھائی اتنی اچھی تحریر کے لئے علیحدہ سے ایک لڑی بنائیں تاکہ سبھی لوگ اس سے مستفیذ ہوسکیں۔

سبحان اللہ

 

واہ جی کیا کمال کا لکھا ہے سر جی ۔۔زبردست امیزنگ
سیکھنے کے لیے دیوار پر لکھا ہوا ایک فقرہ ہی انسان کو بدل دیتا ہے ۔پھر یہ لطیفے ہنسی مزاح کی تحریریں واقعی قابل غور باتیں ہیں۔سوچنے سمجھنے کے لیے ایک نیا رخ فراہم کیا آپ نے سر جی۔واقعی کبھی اس حد تک غور نہیں کیا۔بہت اچھے انداز میں قائل کیا آپ نے سر جی۔آپ کا شکریہ
سر جی زندہ باد

 

شکریہ بھائی۔مجھے سمجھ آگئی تھی آپ اس کو صحیح انداز میں سمجھ نہیں پائے۔سر جی نے زبردست انداز میں سمجھایا ہے ۔
اور حوصلہ افزائی کے لیے آپ کا بھی بہت شکریہ

 

آپ کا بھی بہت شکریہ سسٹر
جی بالکل
میرے خیال میں یہ ایک بہترین طریقہ ہے کامیابی حاصل کرنے کا۔
خوش رہیئے

 

ہااہاہاہاہااہا
چھکا۔۔۔