پسندیدہ غزلیات، نظمیات

جواب: پسندیدہ غزلیات، نظمیات

نہ وہ سِن ہے فرصتِ عشق کا ، نہ وہ دِن ہیں کشفِ جمال کے
مگر اب بھی دِل کو جواں رکھیں ، وہی شعبدے خدوخال کے

یہ جو گَرد بادِ حیات ہے ، کوئی اِس کی زَد سے بچا نہیں
مگر آج تک تیری یاد کو میں رکھوں سنبھال سنبھال کے

میں امین و قدر شناس تھا ، مجھے سانس سانس کا پاس تھا
یہ جبیں پہ ہیں جو لکھے ہوئے ، یہ حساب ہیں مہ و سال کے

وہ کبھی شفق کا فَسوں کہیں ، کبھی گُل کہیں کبھی خوں کہیں
کہ ہیں میری صبحِ عروج میں ابھی رنگ شمعِ زوال کے

شبِ تار سے نہ ڈرا مجھے ، اے خُدا جمال دِکھا مجھے
کہ تیرے ثبوت ہیں بیشتر ، تیری شانِ جاہ و جلال کے

کوئی کوہکن ہو کہ قیس ہو ، کوئی مِیر ہو کہ ندیم ہو
سبھی نام ایک ہی شخص کے ، سبھی پھول ایک ہی ڈال کے


احمد ندیم قاسمی​

 

جواب: پسندیدہ غزلیات، نظمیات

نعیم بھائی بہت عمدہ زبردست :222:

 

جواب: پسندیدہ غزلیات، نظمیات

نعیم بھائی بہت زبردست شیئرنگ :222: :mashallah:

 

جواب: پسندیدہ غزلیات، نظمیات

محبوب بھائی عمدہ شاعری ارسال کی :222:

 

جواب: پسندیدہ غزلیات، نظمیات

کسی کو ہم سے ھیں چند شکوے کسی کو بے حد شکائتیں ھیں
ہمارے حصے میں صرف اپنی صفائیاں ھیں وضاحتیں ھیں

قدم قدم پر بدل رھے ھیں مسافروں کی طلب کے رستے
ہواؤں جیسی محبتیں ھیں صداؤں جیسی رفاقتیں ھیں

کسی کا مقروض میں نہیں پر مرے گریباں پہ ہاتھ سب کے
کوئی مری چاہتون کا دشمن کسی کو درکار چاہتیں ھیں

تری جدائی کے کتنے سورج افق پہ ڈوبے مگر ابھی تک
خلش ھے سینے میں پہلے دن سی لہو میں ویسی ہی وحشتیں ھیں

مری محبت کے رازداں نے یہ کہہ کے لوٹا دیا مرا خط
کہ بھیگی بھیگی سی آنسوؤں میں تمام گنجلک عبارتیں ھیں

میں دوسروں کی خوشی کی خاطر غبار بن کے بکھر گیا ہوں
مگر کسی نے یہ حق نہ مانا کہ میری بھی کچھ ضرورتیں ھیں

اعتبار ساجد​

 

جواب: پسندیدہ غزلیات، نظمیات

میں دوسروں کی خوشی کی خاطر غبار بن کے بکھر گیا ہوں
مگر کسی نے یہ حق نہ مانا کہ میری بھی کچھ ضرورتیں ھیں

واہ نعیم بھائی بہت ہی زبردست شیئرنگ کی

 

جواب: پسندیدہ غزلیات، نظمیات

کسی کا مقروض میں نہیں پر مرے گریباں پہ ہاتھ سب کے
کوئی مری چاہتون کا دشمن کسی کو درکار چاہتیں ھیں

تری جدائی کے کتنے سورج افق پہ ڈوبے مگر ابھی تک
خلش ھے سینے میں پہلے دن سی لہو میں ویسی ہی وحشتیں ھیں



نعیم بھائی
ہمیشہ کی طرح لاجواب شئیرنگ ہے
پر یہ دو شعر بہت اچھے ہیں

 

جواب: پسندیدہ غزلیات، نظمیات

انجان موسم

کل تیری چاہت کی بارش
مجھ پہ برسا کرتی تھی
تو اُس بارش سے
میں بھیگا بھیگا رہتا تھا

آج تیری چاہت کی بارش
مجھ پہ تو برسا نہیں کرتی
لیکن پھر بھی
میں کیوں بھیگ سا جاتا ہوں

 

جواب: پسندیدہ غزلیات، نظمیات

میرا بوجھ خود اٹھانا میرے دائرے میں رھنا

میرا بوجھ خود اٹھانا میرے دائرے میں رھنا
مجھے اپنے دل میں رکھنا میرے حافظے میں رھنا

میرا حکم خود سنانا میری مھر خود لگانا
میرے مشورے میں ھونا،میرے فیصلے میں رھنا

کبھی منزلوں کی صورت میری دسترس سے باھر
کبھی سنگِ میل بن کر میرے راستے میں رھنا

میرے ھاتھ کی لکیریں تیرا نام بن کر چمکیں
میری خواھشوں کی خوشبو میرے زائچے میں رھنا​

 

جواب: پسندیدہ غزلیات، نظمیات

کوئی سبیل نہں ہے قضاء کے ٹلنے کی

کوئی سبیل نہں ہے قضاء کے ٹلنے کی
سلگ رہا ہوں دعا مانگتا ہوں جلنے کی
وہ ایک عمر میرے ساتھ ساتھ چلتے ریے
مجھے خبر نہ ہوئی راستوں کے چلنے کی
ان آنسوؤں کو اگر خاک ہی میں ملنا تھا
تو کیا پڑی تھی میری آنکھ سے نکلنے کی
بس ایک دل ہی نہ مانا وگرنہ سارا بدن
گواہی دیتا رہا ذندگی کے ڈھلنے کی
وہ خود بھی فیصلے کرتا تھا جلد باذی میں
مجھے بھی بعد میں عادت تھی ہاتھ ملنے کی
مبادہ تجھ کو کسی طرح کا تاسف ہو
جو گر پڑے اسے مہلت تو دے سنبھلنے کی
میں اس سے ترکِ تعلق کی ٹھان لیتا مگر
اسے تو ضد تھی میری آستین میں پلنے کی!​

 

جواب: پسندیدہ غزلیات، نظمیات

غزل از انشا اللہ خان انشا

کمر باندھے ہوئے چلنے کو یاں سب یار بیٹھے ہیں
بہت آگے گئے، باقی جو ہیں تیار بیٹھے ہیں

نہ چھیڑ اے نکہتِ بادِ بہاری راہ لگ اپنی
تجھے اٹھکھیلیاں سوجھی ہیں، ہم بیزار بیٹھے ہیں

تصور عرش پر ہے اور سر ہے پائے ساقی ہر
غرض کچھ اور دُھن میں اس گھڑی میخوار بیٹھے ہیں

بسانِ نقش پائے رہرواں کوئے تمنّا میں
نہیں اٹھنے کی طاقت، کیا کریں، لا چار بیٹھے ہیں

یہ اپنی چال ہے افتادگی سے اب کہ پہروں تک
نظر آیا جہاں پر سایہء دیوار بیٹھے ہیں

کہاں صبر و تحمل، آہ ننگ و نام کیا شے ہے
یہاں رو پیٹ کر ان سب کو ہم یکبار بیٹھے ہیں

نجیبوں کا عجب کچھ حال ہے اس دور میں یارو
جہاں پوچھو یہی کہتے ہیں ہم بیکار بیٹھے ہیں

بھلا گردش فلک کی چین دیتی ہے کسے انشا
غنیمت ہے کہ ہم صورت یہاں دو چار بیٹھے ہیں​

​

 

جواب: پسندیدہ غزلیات، نظمیات

ایک ہی شخص

ساری دُنیا میں مرے جی کو لگا ایک ہی شخص
ایک ہی شخص تھا بخدا ایک ہی شخص

درجہء کفر سہی مدحِ جمالِ جاناں
دل سے پوچھو تو خُدا سے بھی بنا ایک ہی شخص

ایسا لگتا ہے سبھی عشق کسی ایک سے تھے
ایسا لگتا ہے مجھے ملتا رہا ایک ہی شخص

وہ جو میں اس کی محبّت بھی کسی اور سے کی
ان دنوں شہر کا ہر شخص لگا ایک ہی شخص

میں تو اے عشق تری کوزہ گری جانتا ہوں
تو نے ہم دو کو ملایا تو بنا ایک ہی شخص

مجھ سے ناراض نہ ہونا میرے اچھے لوگو !
کیا کروں میری محبّت نے چُنا ایک ہی شخص

تو جو کہتا ہے ترے جیسے کئی اور بھی ہیں
تجھ دعوٰی ہے تو پھر خود سا دکھا ایک ہی شخص

تو جسے چاہتا ہے میں بھی اُسے چاہتا ہوں
اچھا لگتا ہے مجھے تیرے سوا ایک ہی شخص

دوست ! سب سےکہاں کھینچتا ہے غزل کا چلہ
حجرہِ میر میں ہونا ہے سدا ایک ہی شخص


عباس تابش ​

​

 

جواب: پسندیدہ غزلیات، نظمیات

جب تک غمِ جہاں کے حوالے ہوئے نہیں

جب تک غمِ جہاں کے حوالے ہوئے نہیں
ہم زندگی کے جاننے والے ہوئے نہیں
کہتا ہے آفتاب ذرا دیکھنا کہ ہم
ڈوبے تھے گہری رات میں، کالے ہوئے نہیں
چلتے ہو سینہ تان کے دھرتی پہ کس لیے
تم آسماں تو سر پہ سنبھالے ہوئے نہیں
انمول وہ گہر ہیں جہاں کی نگاہ میں
دریا کی جو تہوں سے نکالے ہوئے نہیں
طے کی ہے ہم نے صورتِ مہتاب راہِ شب
طولِ سفر سے پاؤں میں چھالے ہوئے نہیں
ڈس لیں تو ان کے زہر کا آسان ہے اُتار
یہ سانپ آستین کے پالے ہوۓ نہیں
تیشے کا کام ریشۂ گُل سے لیا شکیب
ہم سے پہاڑ کاٹنے والے ہوئے نہیں​

 

جواب: پسندیدہ غزلیات، نظمیات

سائیاں ذات ادھوری ہے


سائیاں ذات ادھوری ہے، سائیاں بات ادھوری ہے
سائیاں رات ادھوری ہے، سائیاں مات ادھوری ہے
دشمن چوکنا ہے لیکن، سائیاں گھات ادھوری ہے

سائیاں رنج ملال بہت، دیوانے بے حال بہت
قدم قدم پر جال بہت، پیار محبت کال بہت
اور اس عالم میں سائیاں، گذر گئے ہیں سال بہت

سائیاں ہر سو درد بہت، موسم موسم سرد بہت
رستہ رستہ گرد بہت، چہرہ چہرہ زرد بہت
اور ستم ڈھانے کی خاطر، تیرا اک اک فرد بہت

سائیاں تیرے شہر بہت، گلی گلی میں زہر بہت
خوف زدہ ہے دہر بہت، اس پہ تیرا قہر بہت
کالی راتیں اتنی کیوں، ہم کو اک ہی پہر بہت

سائیاں دل مجبور بہت، روح بھی چور و چور بہت
پیشانی بے نور بہت، اور لمحے مغرور بہت
ایسے مشکل عالم میں، تو بھی ہم سے دور بہت

سائیاں راہیں تنگ بہت، دل کم ہیں اور سنگ بہت
پھر بھی تیرے رنگ بہت، خلقت ساری دنگ بہت
سائیاں تم کو آتے ہے، بہلانے کے ڈھنگ بہت

سائیاں میرے تارے گم، رات کے چند سہارے گم
سارے جان سے پیارے گم، آنکھیں گم نظارے گم
ریت میں آنسو ڈوب گئے، راکھ میں ہوئے شرارے گم

سائیاں رشتے ٹوٹ گئے، سائیاں اپنے چھوٹ گئے
سچ گئے اور جھوٹ گئے، تیز مقدر پھوٹ گئے
جانے کیسے ڈاکو تھے، جو لوٹے ہوئوں کو لوٹ گئے

سائیاں تنہا شاموں میں، چن گئے ہیں بامو میں
چاہت کے الزاموں میں، شامل ہوئے ہے غلاموں میں
اپنی ذات نہ ذاتوں میں، اپنا نام نہ ناموں میں

سائیاں ویرانی کے صدقے، اپنی یزدانی کے صدقے
جبر انسانی کے صدقے، لمبی زندانی کے صدقے
سائیاں میرے اچھے سائیاں، اپنی رحمانی کے صدقے

سائیاں میرے درد گھٹا، سائیاں میرے زخم بجھا
سائیاں میرے عیب مٹا، سائیاں کوئی نوید سنا
اتنے کالے موسم میں، سائیاں اپنا آپ دکھا

سائیاں میرے اچھے سائیاں، سائیاں میرے ڈولے سائیاں
سائیاں میرے پیارے سائیاں، سائیاں میرے بیبے سائیاں
​

 

جواب: پسندیدہ غزلیات، نظمیات

یہ اداس آنکھیں میری

کرب تنہائی میں جلتی ہوئی اس ذات کے دروازے پر
راستہ دیکھتی رہتی ہیں کسی بادل کا
ایسا بادل
جو مرے جسم کے صحرا کو بھی ساحل کردے
ہاتھ ہاتھوں پہ رکھے
روح کو جل تھل کردے
اداس آنکھیں میری
ظلم کی دھند میں لپٹی ہوئی اس رات کے دروازے پر
راستہ دیکھتی رہتی ہیں کسی سورج کا
ایسا سورج
جو محبت کے ہر اک نقش کو روشن کردے
خوف کی لہر سے جمتے ہوئے لوگوں میں حرارت بھر دے
بھاگتے دوڑتے اس وقت کے ہنگامے میں
وہ جو اک لمحہ امر ہے
وہ ٹھہرتا ہی نہیں
بے یقینی کا یہ ماحول بکھرتا ہی نہیں
میرا سورج

میرے آنگن میں اترتا ہی نہیں
​

 

جواب: پسندیدہ غزلیات، نظمیات

وہ جو عشق پیشہ تھے
دل فروش تھے
مر گئے!
وہ ہوا کے ساتھ چلے تھے
اور ہوا کے ساتھ بکھر گئے
وہ عجیب لوگ تھے
برگِ سبز کو برگِ زرد کا روپ دھارتے دیکھ کر
رخِ زرد اشکوں سے ڈھانپ کر
بھرے گلشنوں سے
مثالِ سایۂ ابر
پل میں گزر گئے
وہ قلندرانہ وقار تن پہ لپیٹ کر
گھنے جنگلوں میں گھری ہوئی کھلی وادیوں کی بسیط دھند میں
رفتہ رفتہ اتر گئے!​

 

جواب: پسندیدہ غزلیات، نظمیات

کس شہر نہ شُہرہ ہُوا نادانیِ دل کا
کس پر نہ کھُلا راز پریشانیِ دل کا
آؤ کریں محفل پہ زرِ زخم نمایاں
چرچا ہے بہت بے سر و سامانیِ دل کا
دیکھ آئیں چلو کوئے نگاراں کا خرابہ
شاید کوئی محرم ملے ویرانیِ دل کا
پوچھو تو ادھر تیر فگن کون ہے یارو
سونپا تھا جسے کام نگہبانیِ دل کا
دیکھو تو کدھر آج رُخِ بادِ صبا ہے
کس رہ سے پیام آیا ہے زندانیِ دل کا
اُترے تھے کبھی فیض وہ آئینۂ دل میں
عالم ہے وہی آج بھی حیرانیِ دل کا

 

جواب: پسندیدہ غزلیات، نظمیات

غزل
(اختر شیرانی)

بھلا کیوں کر نہ ہو ں راتوں کو نیندیں بیقرار اُس کی
کبھی لہرا چکی ہو جس پہ زلفِ مشکبار اس کی

اُمید وصل پر ، دل کو فریب صبر کیا دیجے؟
ادا وحشی صفت اس کی ،نظر بیگانہ وار ، اس کی!

جفائے ناز کی میں نے شکایت ہائے کیوں کی تھی
مجھے جینے نہیں دیتی نگاہِ شرمسار اس کی!

محبت تھی، مگر یہ بیقراری تو نہ تھی پہلے!
الہٰی! آج کیوں یاد آتی ہے بے اختیار اُس کی

کوئی کیوں کر بھلادے، ہائے ایسے کی محبت کو
وفائیں، دلنواز اُس کی ! جفائیں خوشگوار اُس کی

ہمیں عرضِ تمنا کی جسارت ہو تو کیوں کر ہو؟
ادائیں فتنہ ریز اس کی! نگاہیں، حشر بار اُس کی

برا ہو، اس تغافل کا کہ تنگ آکر یہ کہتا ہوں
مجھے کیوں ہو گئی الفت ، مرے پروردگار اس کی؟

مئے الفت کے مستانوں کو میخانے سے کیا مطلب؟
ادا ، روحِ نشاط اُس کی! نطر، جانِ بہار اُس کی!

یہاں کیا دیکھتے ہو ، ناصحو! گھر میں دھرا کیا ہے
مرے دل کے کسی پردے میں ڈہونڈھو یادگار اس کی

تغافل کا گلہ، کس کو نہیں، کس کس کو سمجھاؤں
نگاہیں منتظر اُس کی! اُمیدیں، بیقرار اُس کی!

مجھے تو عشق پیچاں! ایسے بل کھانے نہ آتے تھے
بتا کیا تجھ پہ لہرائی ہے زلفِ مشکبار اُس کی؟

انہیں کوچوں میں کل اختر کو رسوا ہوتے دیکھا تھا
وہ آنکھیں اشکبار اُس کی، وہ باتیں دلنگار اُس کی!​