پسندیدہ غزلیات، نظمیات

سجیلہ جی ۔ بہت خوب۔ اتنی عمدہ شاعری ارسال کرنے پر ایکبار پھر مبارکباد

 

ناصر کاظمی کی ایک خوبصورت غزل عرض ہے

آرائشِ خیال بھی ہو، دل کشا بھی ہو
وہ درد اب کہاں جسے جی چاہتا بھی ہو

یہ کی اکہ روز ایک سا غم، ایک سی امید
اس رنجِ بےخمار کی اب انتہا بھی ہو

یہ کیا کہ ایک طور سے گزرے تمام عمر
جی چاہتا ہے اب کوئی تیرے سوا بھی ہو

ٹوٹے کبھی تو حسن شب و روز کا طلسم
اتنے ہجوم میں کوئی چہرہ نیا بھی ہو

دیوانگئ شوق کو یہ دھن ہے ان دنوں
گھر بھی ہو اور بے درودیوار سا بھی ہو

ہر شے پکارتی ہے پسِ پردہء سکوت
لیکن کسے سناؤں کوئی ہمنوا بھی ہو

فرصت میں سن شگفتگیء غنچہ کی صدا
یہ وہ سخن نہیں جو کسی نے کہا بھی ہو

پھرتے ہیں کیسے کیسے خیالات ذہن میں
لکھوں‌اگر زبان قلم آشنا بھی ہو

بزمِ سخن بھی ہو، سخن گرم کے لیے
طاؤس بولتا ہو تو جنگل ہرا بھی ہو

(ناصر کاظمی)​

 

ماشاء اللہ بہت خوبصورت غزل ہے

 

::

​

تجھ کو میں نے کھو دیا اِک نظر پانے کے بعد
دل تڑپتا ہی رہا تیرے چلے جانے کے بعد
حسرتیں جو دل میں تھیں وہ دل ہی میں رہ گیئں
کیا ملا جو تم ملے حسرت نکل جانے کے بعد
تجھ کو ڈھونڈا ہر جگہ تیرا پتہ نہ مل سکا
اپنے ہی اندر ملا پر ٹھوکریں کھانے کے بعد
ساقی میخانہ نے تجھکو ہے نوازا جام سے
کیوں پیاسا رہ گیا پھر جام ہاتھ آنیکے بعد
اپنے تھے سب قدرداں جب تم سے نہ تھے آشنا
سب نے آنکھیں پھیر لیں ترِے قریب آنے کے بعد
اس جہاں کی محفلوں نے کیا دیا تجھ کو سجل
پر حقیقت بھی کھلی ہر شے چھن جانے کے بعد!

 

بہت خوب عبدالجبار بھائی اور سجیلہ جی ۔ کیا عمدہ کلام ہیں آپ کے۔

سجیلہ جی کا یہ شعر بہت خوبصورت لگا

اپنا اپنا احساس و انداز ہے ورنہ کوئی یہ بھی کہتا نظر آتا ہے۔

جب تک بِکےنہ تھےکوئی پوچھتا نہ تھا
تو نے خرید کر ہمیں انمول کر دیا​

 

سب نے اچھی غزلیں پوسٹ کی
لیکن سجیلہ کی پوسٹ کی ہوئی نظمیں مجھے بے حد پسند آئیں
بہت خوب سجیلہ آپ کا انتخاب بہت اچھا ہے

 

::

​

ھم اس طرح جو اپنی تشہیر کر رہے ھیں
کن خواہشوں میں خود کو ذنجیر کر رہے ھیں
کچھ رنگ ہے نہ خون ہے لیکن ہمیں جنون ہے
بے رنگ ساعتوں کو تصویر کر رہے ھیں
زر ہے نہ زور ہےکچھ جھگڑا ہی اور ہے
اجڑے ہی نگر کو تسخیر کر رہے ہیں
کیا نسل اور نسب ہے،کیا نام اور لقب ہے
ھم کون ہیں جو سب کو تحقیر کر رہے ہیں
سب کچھ لکھا ہوا ہے،سب کچھ پڑھا ہوا ہے
کیا جانیے کیا ،تحریر کر رہے ہیں!

 

::

​

 

سجیلہ جی ۔ کیا بات ہے آپ کے ذوقِ ادب کی۔ کیا خوب کلام ہے۔

اور یہ بھی غزل بڑی کمال ہے

 

عدم ہی ایک غزل آپ کی حاضرِ خدمت ہے

غم کا غبار آنکھ میں ایسے سما گیا
ہر منظرِ حسیں پہ دھندلکا سا چھا گیا

دل میں مکیں تھا کوئی تو جلتے رہے چراغ
جاتے ہوئے وہ شوخ انہیں بھی بجھا گیا

دل تھا، مسرتیں تھیں، جوانی تھی، شوق تھا
لیکن غمِ زمانہ ہر اک شئے کو کھا گیا

برباد دل میں جوشِ تمنا کا دم نہ پوچھ
صحرا میں جیسے کوئی بگولے اڑا گیا

کچھ سوچ کر ہمارے گریباں کی وضع پر
عہدِ بہار جاتے ہوئے مسکرا گیا

دل کا ہجومِ غم سے عدم اب یہ حال ہے
دریا پہ جیسے شام کو سکتہ سا چھا گیا

(عدم)​

 

سجیلا صاحب ۔ آپ کا اتنخاب بہت عمدہ ہے۔ ماشاءاللہ

ساری غزلیں لائقِ تعریف ہیں

 

واہ بھئی واہ۔ کچھ ہم بھی عرض‌کرتے ہیں

۔۔تیری یاد ۔۔

آج پھر ہوا تیری زلفوں کی خوشبو چرا لائی
پھر تیرے لمس کی حرارت میرے چہرے پر
پھر وہی خنکی تیرے گیسو کی
میری انگلیوں کے پوروں پر
تیری تصویر حقیقت سی بن رہی ہے
تیری یاد کچھ خواب بُن رہی ہے
میرے جینے کی خواہش پھر جاگ اٹھی
جانے کیوں افسردگی پھر دور بھاگ اٹھی
تیری مہک نے پھر ہشاش کر دیا مجھ کو
تجھے پانے کی تمنا نے ہے انگڑائی لی
جیسے چٹکے کوئی اداس تنہا سی کلی
جس کی ٹہنی پہ کوئی دوسرا پھول نہ ہو
جس کے زیرِ قدم فقط کانٹے ہی کانٹے ہوں
اسی تنہائی کی کسک اور کرب میں
پھر بھی خوشبو بکھیرتا رہتا ہے
پھر بھی حسن کی کرنیں بکھیرتا رہتا ہے
ایسے ہی میرے دل میں تیری یاد
خوشبو بن کے بکھر رہی ہے
بادل بن کے برس رہی ہے
رنگت بن کے سنور رہی ہے
جیون بن کے بسر رہی ہے

 

::

​

ہر چند زندگی کا سفر مشکلوں میں ہے
انسان کا عکس پھر بھی کئی آئینوں میں ہے

آہو کی طرح جست لگا ہر کرن کے ساتھ
جگنو کے گرد تیز ھوا جنگلوں میں ہے

وہ جنگِ زرگری ہے کہ محشر بپا ہوا
ہر شخص ایک عمر سے اگلی صفحوں میں ہے

تجھ کو سکوں نہں ہے تو مٹی میں ڈوب جا
آباد اک جہاں زمیں کی تہوں میں ہے

کیسا تضاد ہے کہ فضا ہے دھواں دھواں
اور آگ ہے کہ زیرِ زمیں خندقوں میں ہے

انسان بے حِسی سے ہے پتھر بنا ہوا
منہ میں زبان بھی ہےَ َ،لہو بھی رگوں میں ہے

تہذیب کو تلاش نہ کر شہر شہر میں
تہذیب کھنڈروں میں ہے ،کچھ پتھروں میں ہے!

 

::

​

عجیب طرح سے سوچا ہے ذندگی کے لیئے
کہ ذخم ذخم میں کھیلتا ہوں ہر خوشی کے لئیے

وہ مجھ کو چھوڑ گیا تو یقین آیا مجھے
کوئی بھی شخص ضروری نہں کسی کے لیئے

سوال یہ ہے کہ اس نے کبھی نہں پوچھا
کہ آپ سوچتے کیسے ہیں شاعری کے لیے؟

اسے خبر ہے کہ اس کا کوئی نہیں ہے اپنا
ایک آشنائی بھی کافی ہے اجنبی کے لیے

خطا کسی کی ہو لیکن سزا کسی کو ملے
یہ بات جبر نے چھوڑی ہے ہر صدی کے لیے

یہ سادگی تھی میری یا کہ چاہت تھی
کہ ھم نے خود کو پیش کیا دل لگی کے لئے!

 

+++

 

عبدالجبار بھائی۔ سجیلہ جی اور مسزمرزا باجی ۔ آپ سب کے خوبصورت کلام پڑھ کر مزہ آگیا۔

میں بھی اپنی تازہ غزل پیش کرنے کی جسارت کرتا ہوں

کوئی محفل نہ کوئی جلوہء چلمن دیکھا
میری آنکھوں نے یہاں کوئی نہ گلشن دیکھا‌

سونگھ لی بوئے گلِ ماضی تو ہم نےلیکن
تشنہ دھرتی نے نہیں ‌نقشہء ساون دیکھا

سارے صیاد ، نگہ بانی کو اپنی آئے
ہم نے بہروپِ سجن میں بھی ہے دشمن دیکھا

میرے قاتل نے پسِ دفن دعا دی مجھ کو
ایسا ہمدرد زمانے میں نہ محسن دیکھا

جاؤ بازارِ محبت کو مگر دھیان رہے
جو بھی دھنوان بنا ہم نے تو نردھن دیکھا

عمر یوں‌ آبلہ پائی میں‌ ہے گذری اپنی
جیسے ہی آنکھ کھلی سامنے درپن دیکھا

کیسے سمجھاؤں گا اٹکھیلیاں بچوں کو رضا
میں نے بچپن کے دنوں میں بھی نہ بچپن دیکھا‌

(نعیم رضا 2007-04-27)​

 

بہت خوب۔ لگتا ہے نعیم صاحب معاشرتی تناظر میں خاصے حساس واقع ہوئے ہیں۔

لیکن خوب اشعار ہیں۔

 

::

​

اس جہاں میں خوشی سے زیادہ ہے غم
قہقوں سے پوچھ لو
آنسوؤں سے پوچھ لو

سیدھے راستے ذیادہ ہیں کہ پیچ وخم
حادثوں سے پوچھ لو
منزلوں سے پوچھ لو

زندگی پہ یوں تو ہر کوئی نثار ہے
آدمی کو آدمی سے کتنا پیار ہے
کون کس کے واسطے ہے محترم
دوستوں سے پوچھ لو
دشمنوں سے پوچھ لو

ان ہی خوبیوں میں ہیں خرابیاں بڑی
وقت سے کریں خطاب روک کر گھڑی
بے حسی بھی کھا رہی ہے ہوش کی قسم
نیتوں سے پوچھ لو
مقصدوں سے پوچھ لو

کس کے دل کی آگ نے ضمیر کو چھوا
کون اپنے سامنے جواب دہ ہوا
جرم بے شمار ہیں ،عدالتیں ہیں کم
مجرموں سے پوچھ
منصفوں سے پوچھ لو!

 

::

​

وہ پانی کی لہروں پہ کیا لکھ رہا تھا
خدا جانے حرفِ دعا لکھ رہا تھا

محبت میں نفرت ملی تھی اسے بھی
جو ہر شخص کو بے وفا لکھ رہا تھا

لکھا جس نے ناول وفا کا ادھورا
وہی پیار کی انتہا لکھ رہا تھا

بھلا کرتے کرتے گزاری زندگی
مگر پھر بھی خود کو برا لکھ رہا تھا

زرا اس کی آنکھوں سے آنسو نہ نکلے
جس وقت وہ لفظِِ سزا لکھ رہا تھا

نمازِ محبت میں وہ اپنے
ہوئے تھے جو سجدے قضا لکھ رہا تھا!

 

بہت خوب

سجیلا جی ، نعیم بھائی، عبدالجبار بھائی اور مسزمرزا جی

آداب عرض ھے
کیا خوبصورت آپلوگوں کی کلیکشن ھے ، جواب نہیں بہت زبردست شعر ھیں
آپ سب تو اس محفل کی جان ھیں،

 

آنکھوں کو التباس بہت دیکھنے میں تھے
کل شب عجیب عکس میرے آئینے میں تھے

ہربات جانتے ہوئے دل مانتا نہ تھا
ہم جانے اعتبار کے کس مرحلے میں تھے

وصل و فراق دونوں ہیں اک جیسے ناگزیر
کچھ لُطف اسکے قرب میں، کچھ فاصلے میں تھے

چھو لیں اسے کہ دور سے بس دیکھتے رہیں
تارے بھی رات میری طرح مخمصے میں تھے

جگنو، ستارے، آنکھ، صبا ، تتلیاں، چراغ
سب اپنے اپنے غم کے کسی سلسلے میں تھے

امجد کتابِ جان کو وہ پڑھتا بھی کس طرح
لکھنے تھے جتنے لفظ ابھی حافظے میں تھے

(امجد اسلام امجد)​

 

::

​

​

تیرے میرے درمیاں کوئی رشہ تو ہوتا
دوریوں کا سہی ، سلسلہ تو ہوتا

وہ اڑانوں کا تسلسل، پھر یہ پستی مسلسل
ہم جس سے جا ملتے قافلہ تو ہوتا

تم بھی کرتے معلوم ، ھم کیوں ہیں مغموم
صرف ایک بار یہ حادثہ تو ہوتا

تیری عدالت میں، تیری رفاقت میں
میرے حق میں نہ سہی فیصلہ تو ہوتا

اقف کے تمنائی کو، اذل کے ہرجائی کو
ابد تک بچھڑنے کا سلیقہ تو ہوتا!