پسندیدہ شعر

مثل شیشہ ہیں ہمیں تھام کے رکھنا محسن
ہم تیرے ہاتھ سے چھوٹے تو بکھر جائیں گے

 

اب شغل ہے یہی دلِ ایذا پسند کا..
جو زخم بھر گیا ہے نشاں اس کا دیکھنا!!

(احمد مشتاقؔ)

 

نہ جانے کس کی ہمیں عمر بھر تلاش رہی
جسے قریب سے دیکھا ، وہ دوسرا نکلا

 

ہائے چھوڑا ہی نہیں عرش تغافل تم نے
کوئی کتنا ہی زمینوں سے پکارے تم کو

 

بچھڑا ہوں‌ قافلے سے الگ ہے یہ المیہ
اب سوچنا ہے کیسے کٹے شام دشت میں

 

ہم ﺗﻬﮯ ﭨﻬﮩﺮی ہوئی برف ﭘﮧ ﮐﺴﯽ سورج ﮐﺎ ﻋﮑﺲ
ﺟﺲ ﮐﻮ ﺍﭼﻬﮯ ﺑﻬﯽ ﻟﮕﮯ ، ﺍﺱ ﻧﮯ ﺑﻬﯽ ﭘﺘﻬﺮ ﭘﻬﯿﻨﮑﺎ

 

مجهے لفظوں سے کوئی سروکار ہے بهی نہیں
وہ چپ بهی رہے تو مجهے سب سنائی دیتا ہے

 

پھر خون میں وحشت رقصاں ہے تجدید ستم کرنے کےلیے
ایک تازہ زخم کی خواہش ہے ایک صدمہ کم کرنے کے لیے

 

جتنا میں سنبھل جانے کی کوشش میں ہوں عابد
اتنا مرے پیروں سے الجھتا ہے یہ رستہ

 

وہ دوستی تو خیر اب‘ نصیبِ دشمناں ہوئی
وہ چھوٹی چھوٹی رنجشوں کا لطف بھی چلا گیا

 

دلِ فسردہ میں پھر دھڑکنوں کا شور اُٹھا
یہ بیٹھے بیٹھے مجھے کن دنوں کی یاد آئی

 

کبھی وہ وقت بھی آۓگا، تم بھی جانو گے
تُمہاری دید کسی کی حیات ہوتی ہے
تُو جب جہاں بھی میسر ہو بس اُسی پل میں
زمانے بھر کے دُکھوں سے نجات ہوتی ہے

 

کی
یہ دل بھُلاتا نہیں ہے محبتیں اُس کی
پڑی ہُوئی تھیں مُجھے کِتنی عادتیں اُس کی

یہ میرا سارا سَفر اُس کی خوشبوؤں میں کٹا
مجھے تو راہ دکھاتی تھیں چاہتیں اُس کی

گِھریہُوئی ہوں میں چہروں کی بھیڑ میں لیکن
کہیں نظر نہیں آتیں شباہتیں اُس کی

مَیں دُور ہونے لگی ہوں تو ایسا لگتا ہے
کہ چھاؤں جیسی تھیں مجھ پر رفاقتیں اُس کی

یہ کِس گلی میں یہ کِس شہر میں نِکل آئے
کہاں پہ رہ گئیں لوگو صداقتیں اُس کی

میں بارشوں میں جُدا ہو گئی ہوں اُس سے مگر
یہ میرا دل، مِری سانسیں امانتیں اُس کی

 

اس نے دیکھا ہی نہیں پیار سے مجھ کو ورنہ
اس کے قدموں میں ستاروں کو بچھا سکتاہوں
رات دن مجھ کو گرانے میں لگا رہتا ہے
تجھ کو انگلی کے اشارے پہ گرا سکتا ہوں