موضوعی بیت بازی

جب کبھی شام کے اندھیروں میں راہ پنچھی جو بھول جاتے ہیں
وہ صبح ہوتے ہی میلوں چل کر اپنی شاخوں پہ لوٹ آتے ہیں​

 

اجالے اپنی یادوں کے ہمارے ساتھ رہنے دو
نجانے کس گلی میں‌زندگی کی شام ہو جائے

 

صبحِ غم اچھی نہ یہ شامِ بلا اچھی ہے
موت دونوں سے یقیناً، بخدا، اچھی ہے​

 

موت کو سمجھا ہے غافل اختتام زندگی
ہے یہ شام زندگی صبح دوام زندگی

 

محفل میں نہیں اور کوئی شُغل ہمارا
ہم آپ کے اندازِ نظر دیکھ رہے ہیں
نیرنگی عالم کا یہ عالم ، ارے توبہ
کیا کہیئے جو ہم شام و سحر دیکھ رہے ہیں​

 

کاوے کاوے سخت جانی ہائے تنہائی، نہ پوچھ
صبح کرنا شام کا لانا ہے جوئے شیر کا

 

ہو سکے تو مِرا ایک کام کرو
شام کا اِک پہر میرے نام کرو​

 

تمہیں جب کبھی ملیں فرصتیں میرے دل سے بوجھ اتا ر دو
میں بہت دنوں سے اداس ہوں مجھے کوئی شام ادھار دو

شامی بھائی کا لکھا ہوا، “نئی بیت بازی“ سے اُڑایا گیا۔ ​

 

ہم کو یہاں کی سپیدوسیاہ میں دخل جو ہے بس اتنا ہے
رات کو رورو صبح کیا اور دن کو جوں توں شام کیا

 

اُٹھتے ہیں صبح و شام اُمنگوں کے جنازے
محسوس کر رہا ہوں ، خُدا روٹھ گیا ہے​

 

ہم اپنی شام کو جب نظر جام کرتے ہیں
فلک سے ہم کو ستارے سلام کرتے ہیں

 

جنگل میں ہوئی ہے شام ہم کو
بستی سے چلے تھے منہ اندھیرے
رودادِ سفر نہ چھیڑ ناصر
پھر اشک نہ تھم سکیں گے میرے​

 

پڑ گئیں پیراہن صبح چمن پر سلوٹیں
یاد آ کر رہ گئی ہے بیخودی کی ایک شام

 

رات بیتی تو گِنے آبلے اور پھر سوچا
کون تھا باعثِ آغازِ سفر شام کے بعد​

 

شفق میں خون شہیداں کا رنگ شامل ہے
فروغ شام پہ درویش مسکراتاہے

 

مہندی لگائے سورج جب شام کی دلہن کو
سرخی لیے سنہری، ہر پھول کی قبا ہو

(انتخاب از ایک آرزو - علامہ اقبال)​

 

اُداس شامیں اُجاڑ رستے کبھی بُلائیں تو لوٹ آنا
تمہاری آنکھوں میں‌رتجگوں کے عذاب آئیں تو لوٹ آنا​

 

تمھارے شہر کا موسم بڑا سہانا لگے
میں‌ایک شام چُرا لوں اگر برا نہ لگے

 

یونہی بے سبب نہ پِھرا کرو
کوئی شام گھر بھی رہا کرو​

 

شام ہوتے ہی چراغوں کو بجھا دیتا ہوں
دل ہی کافی ہے تیری یاد میں جلنے کے لیے

 

واصف بھائی! نادیہ جی اِسی ورق پر پہلے ہی یہ شعر دے چکی ہیں، کوشش کریں کہ بیت بازی کے اِس سلسلے میں اشعار دہرائے نہ جائیں تاکہ اس موضوع کے اشعار ختم ہونے پر موضوع تبدیل کیا جا سکے۔

جب تک یہ سلسلہ رہے شام و پگاہ کا
ڈوبے نہ آفتاب ترے عزّ و جاہ کا
آتا نہیں پسند اُسے خُلد کا سماں
خاکہ ہے جس نظر میں تری گردِ راہ کا
یارب نصیر کی ہے تہِ دل سے یہ دعا
اقبال اوج پر ہو مِرے کج کُلاہ کا​

 

السلام و علیکم!

موضوعی بیت بازی کا سلسلہ بہت اچھا چل رہا۔ یہاں یہ سلسلہ کافی کامیاب رہا۔ میرے خیال سے اس سلسلہ کو کُھل کر شروع کرنا چاہیے۔ ایک لڑی کی بجائے مختلف موضوعات کی لڑیاں شروع کی جانی چاہئیں۔ سو میں کچھ موضوعات کی نئی لڑیوں کا آغاز کر رہا ہوں۔ آپ کے ذہن میں بھی کوئی معروف لفظ ہو تو آپ بھی اُس موضوع کی نئی لڑی شروع کریں۔

والسلام

 

یہاں موضوع بدلنے کا حق میرے ساتھ ساتھ واصف بھائی کو بھی ہے، سو واصف بھائی مجھے آپ کا مشورہ درکار ہے، میرے خیال سے یہ سلسلہ بھی چلتا رہنا چاہیئے۔ لیکن یہاں موضوع کے لئے وہ الفاظ دئیے جائیں جن کی الگ سے لڑی موجود نہ ہو۔ آپ کا اِس بارے کیا خیال ہے؟

 

میرے خیال میں‌الگ لڑیاں بن جانے سے یہ لڑی اپنی اہمیت کھو چکی ہے۔۔۔۔۔

وہ افسانہ جسے تکمیل تک لانا نہ ہو ممکن
اسے اک خوبصورت موڑ دے کر چھوڑنا اچھا

 

میرے خیال سے ایسی بات نہیں ہے۔ اب لفظِ شام، لہر، جوانی بہت سے اشعار میں ہم لکھ چکے ہیں، اسی طرح ابھی پچھلے شعر میں ایسے الفاظ موجود ہیں جو بہت سے اشعار میں استعمال ہوتے ہیں۔ مثلاَ نظر، دعا، رب آپ میرے کہنے پر ان لفظوں میں سے کوئی ایک چُنیں اگر سلسلہ متواتر نہ چلا تو ادھورا چھوڑ دیں گے۔ لیکن ایک کوشش۔۔۔۔۔۔۔