لفظ “چراغ“ پر شعر کہیں

جواب: لفظ “چراغ“ پر شعر کہیں

آج پھر بُجھ گئے جَل جَل کے امیدوں کے چراغ
آج پھر تاروں بھری رات نے دَم توڑدیا

ساغر

 

جواب: لفظ “چراغ“ پر شعر کہیں

جسے بےکار سمجھ کے بھجا دیا تونے
وہی چراغ جلاؤ' تو روشنی ہوگی

نوٹ : مجھے بیکار لفظ میں تھوڑا کنفیوزن ہے ۔ شاید اسکی جگہ اسی کے ہم معنی کوئی دوسرا لفظ ہے ۔ کسی کو یاد ہو تو درست کریں ۔ شکریہ

 

جواب: لفظ “چراغ“ پر شعر کہیں

روشن چراغ ِ یاد بھی کرتا نہ تھا کوئی
قبضہ ہمارے شہر پہ ایسی ہوا کا تھا
(امین عاصم)​

 

جواب: لفظ “چراغ“ پر شعر کہیں

ہمیں خبر ہے کہ ہم ہیں چراغ آخر شب
ہمارے بعد اندھیرا نہیں ، اجالا ہے

 

جواب: لفظ “چراغ“ پر شعر کہیں

قیس کی طرح پاگل، وہ دیوانے کہاں گئے
چراغ پر جو تھے فدا، وہ پروانے کہاں گئے​

 

جواب: لفظ “چراغ“ پر شعر کہیں

بھئی کوئی مندرجہ بالا شعر کی تصحیح کر دے گا ۔ نوازش ہوگی ۔

 

جواب: لفظ “چراغ“ پر شعر کہیں

کوئی ہے جو اس کی تصحیح کر دے ؟‌؟‌؟

 

جواب: لفظ “چراغ“ پر شعر کہیں

اچھا نہیں ہے یوں دلِ سوزاں کو چھیڑنا
جلتے ہوئے چراغ سے کھیلا نہ کیجیے

 

جواب: لفظ “چراغ“ پر شعر کہیں

ستارے ٹوٹ کر پلکوں سے دامن میں اتر آئے
چراغاں میں سنی اک بے وفا نے داستاں میری

 

جواب: لفظ “چراغ“ پر شعر کہیں

تیار رکھو چراغ اپنے
سورج کو زوال ہوگیا ہے

 

جواب: لفظ “چراغ“ پر شعر کہیں

میں آج زد پہ ہوں تو خوش گماں نہ ہو
چراغ سب کے بجھیں گے ہوا کسی کی نہیں

 

جواب: لفظ “چراغ“ پر شعر کہیں

چراغ زندگی کو ایک جھونکے کی ضرورت ہے
تمیں میری قسم پھر سے ذرا دامن کو لہرانا​

 

شب انتظار کی کشمکش میں نہ پوچھ کیسے سحر ہوئی
کبھی ایک چراغ جلا دیا کبھی ایک چراغ بجھا دیا

 

دمِ صبح بزم خوش جہاں شب غم سے کم نہ تھے مہربان
کہ چراغ تھا سو تو دُود تھا‘ جو پتنگ تھا سو غُبار تھا

 

تیری یاد آ گئی غم خوشی میں ڈھل گئے
اک چراغ کیا بجھا ، سو چراغ جل گئے

 

انیس دم کا بھروسہ نہیں ٹھہر جاؤ
چراغ لے کے کہاں سامنے ہوا کے چلے

 

چراغ زندگی ہوگا فروزاں ہم نہیں ہونگے چمن میں آئیں گی فصل بہاراں ہم نہیں ہونگے

 

شہر کے اندھیرے کو ایک چراغ کافی ہے
سو چراغ جلتے ہیں ایک چراغ جلنے سے