لفظ غم پہ شعر لکھیں

وہیں درد و غم کا گلاب ہے ، جہاں کوئی خانہ خراب ہے
جسے جھک کے چاند نہ چوم لے، وہ محبتوں کی زمیں نہیں

 

گھر سے چلے تھے ہم تو خوشی کی تلاش میں
غم راہ میں کھڑے تھے وہی ساتھ ہولیے

 

ڈھونڈ اجڑے ہوئے لوگوں میں وفا کے موتی
یہ خزانے تجھے، ممکن ہے، خرابوں‌ میں ملیں
غمِ دنیا بھی غمِ یار میں‌ شامل کر لو
نشہ بڑھتا ہے شرابیں جو شرابوں میں ملیں

 

اس سے میں کچھ پا سکوں ایسی کہاں امید تھی
غم بھی وہ شاید برائے مہربانی دے گیا

 

پیٹ میں دانہ نہیں ھے تو نہیں‌غم اس کا
خوش لباسی مرا ہر عیب چھپا دیتی ھے

 

تمہارے غم نے سکھا دیا ھے مجھے ہر غم سے پیار کرنا
غم جہاں بھی یقین جانو مزاج دل پر گراں نہیں ھے

 

دونوں جہان تیری محبت میں ھار کے
وہ جا رھا ھے کوئی شب غم گزار کے

 

کرتا ھے ورد شام و سحر پیار کا اسد
اس پہ چلے بھی کیوں غم حالات کا طلسم

 

سوچتا ہوں کہ غمِ دل نہ سناؤں اُس کو
سامنے اُس کے کبھی راز کو عریاں نہ کروں
خلشِ دل سے اُسے دست و گریباں نہ کروں
اُس کے جذبات کو میں شعلہ بداماں نہ کروں

 

دکھ ہی ایسا تھا کہ رویا تیرا محسن ورنہ
غم چھپا کر اسے ہنستے ہوئے اکثر دیکھا

 

زمانے بھر کے غم ، یہ اک تیرا غم
یہ غم ہوگا تو کتنے غم نہ ہوں گے

 

مجھے اِس کا کوئی بھی غم نہیں کہ کسی نے مجھھ سے وفا نہ کی
میں کسی کے کام نہ آ سکا، مجھے صرف اِس کا ملال ہے

 

روکتا ہے غمِ اظہار سے پِندار مُجھے
مرے اشکوں سے چُھپا لے مرے رُخسار مُجھے
دیکھ اے دشتِ جُنوں بھید نہ کُھلنے پائے
ڈھونڈنے آئے ہیں گھر کے در و دیوار مُجھے

 

غم سہتے ہیں پر لب پہ شکایت نہیں‌ آتی
دکھ بھرتے ہیں‌ پر تیری محبت نہیں‌ جاتی

 

جو ہر مقام پر تجھے وحشت میں چھوڑ دے
اک دن تو اس کو غم کی مسافت میں چھوڑ دے

 

غم اگرچہ جاں گسل ہے ، پہ کہاں بچیں کہ دل ہے
غمِ عشق گر نہ ہوتا ، غمِ روزگار ہوتا

 

غم دنیا تو وہ قلزم ھےکہ دل کا مضمون
غرق ہوتا چلا جاتا ھے کنارے کی مثال

 

میں غزل کہوں میں غزل پڑھوں مجھے دے تو حسنِ خیال دے
ترا غم ہی ہے مری زندگی ، مجھے دے تو رنج و ملال دے

 

ہم بھی کیا سادہ تھےہم نے بھی سمجھ رکھا تھا
غمِ دوراں سے جدا ھے غم ِجاناں جاناں

 

اک عشق کا غم آفت اس پہ یہ دل آفت
یا غم نہ دیا ہوتا یا دل نہ دیا ہوتا


چراغ حسن حسرت

 

تمہارے غم نے سکھا دیا ھے مجھے ہراک غم سے پیار کرنا
غم جہاں بھی ، یقین جانو، مزاج دل پہ گراں نہیں ھے

 

تیرا غم اپنی جگہ دنیا کے غم اپنی جگہ
پھر بھی اپنے عہد پر قائم ہم اپنی جگہ

 

کوئی غم ہو کوئی دکھ ہو درد کوئی ہو عدیم
مسکرانا پڑ ہی جاتا ھے زمانے کے لئے

 

ہر جلوہ مقابل نظر آتا ہے مجھے
ذرہ بھی تو منزل نظر آتا ہے مجھے
فیضانِ غمِ یار کے قربان جاؤں
ہر پھول میں اک دل نظر آتا ہے مجھے

 

بڑا درد کا رشتہ ھے یہ دل غریب سہی
تمہارے نام پہ آئیں گے غم گسار چلے

 

ابتدا کی اس نے پہلے اپنے غم کے نامے سے
دھیرے دھیرے پھر میرے دل کی تہوں تک آگیا

 

" غم " بانٹنے کی چیز نہیں پھر بھی دوستو !
اِک دوسرے کے حالات سے واقف رہا کرو ۔

 

غم اُٹھا کر سارے زمانے کے
جب کچھ نہ بن سکا تو میرا دل بنا دیا