لفظِ “دل“ پر شعر کہیں

بہار تو فلموں سے چلی گئی ۔ آجکل صائمہ زوروں پر ہے ۔

دلِ ناداں تجھے ہوا کیا ہے
آخر اس درد کی دوا کیا ہے​

 

بھائی جبار آپ کو ہماری شاعری پسند نہیں آئی

ہم اپنی شاعری کا رخ بدل لیتے ہیں​

 

صدر صاحب فرماتے ہیں

صدر صاب۔ رخ بدلنا ہی ہے تو شاعری کا نہیں۔ خارجہ پالیسی کا بدلیں۔

 

بہت خوب عبد الجبار بھائی !

بات جو دل سے نکلتی ہے اثر رکھتی ہے
پر نہیں طاقتِ پرواز مگر رکھتی ہے​

 

دل کے بدلے دل تو ساری دنیا دیتی ہے
ہم تو دل کے ساتھ ہی اپنی جاں بھی دے دیں گے​

ویسے جبار جی ایک بات پوچھنا تھی آپ سے کہ کیا اس طرح ہم گانوں کے اشعار بھی دے سکتے ہیں اور اگر اس پر پابندی ہو تو ہم آئیندہ احتیاط کریں

 

ہر کرم اپنا کریں گے اے صنم تیرے لیے
دل دیا ہے جاں بھی دیں گے اے صنم تیرے لیے​

 

دل پہ ایک طرفہ قیامت کرنا
مسکراتے ہوئے رخصت کرنا
اچھی آنکھیں جو ملی ہیں اس کو
کچھ تو لازم ہوا وحشت کرنا​

 

صدر صاحب یہ آپ نے نیلا رنگ دینے کی کوشش کی تھی اپنے ٹیکسٹ کو جو لال نکل آیا؟؟؟
کیا بات ہے آپ کی۔۔ یعنی ہر بات میں الٹا نتیجہ۔۔۔۔۔۔۔ ؟

 

کیا خوب کہا عبد الجبار بھائی !

آنکھ سے دور نہ ہو دل سے اترجائے گا
وقت کا کیا ہے گذرتا ہے گذر جائے کا​

 

اچھا شعر ہے۔ لیکن غمزہ کا کیا معنٰی ہے ؟

 

لوگ ٹوٹ جاتے ہیں ایک گھر بنانے میں
تم ترس نہیں کھاتے بستیاں جلانے میں
ہر دھڑکتے پتھر کو لوگ دل سمجھتے ہیں
عمریں بیت جاتی ہیں دل کو دل بنانے میں

 

یوں تیری یاد کو دل میں بسا رکھا ہے
سلگتا دیا ہو گویا مزارِ ویراں پر​

 

ہنستے ہیں میری صورتِ مفتوں پہ شگوفے
میرے دلِ ناداں سے کوئی بھول ہوئی ہے

(ساغر صدیقی)​

 

مجھے گلشنوں کی تلاش تھی میں جو منتظر تھا بہار کا
یہ دلوں کے اجڑے دیار تھے، یہاں کام کیا تھا قرار کا ؟​

 

نہ پوچھو عشق میں کیسا لگے ہے
کہیں ان کے سوا دل نہ لگے ہے​

 

دلِ ناداں تجھے ہو کیا ہے
آخر اس درد کی دوا کیا ہے​

 

آنکھ میں بوند نہیں دل میں سمندر رکھنا
دولتِ درد کو دل ہی کے اندر رکھنا​