شعرلکھیں لفظ ہم بتاتے ھیں

خواہش کا نام عشق تھا‘ نمائش کا نام حُسن
اہلِ ہوس نے دونوں کی مٹی خراب کی

حُسن

 

اے مصور ہے یہی حاصل تیری تحریر کا
حسن خود ہی پیرہن ہے حسن کی تصویر کا
۔۔۔۔۔۔۔۔۔
تحریر

 

خلافِ مَصلحت میں بھی سمجھتا ہوں‘ مگر ناصح
وہ آتے ہیں تو چہرے پہ تغیّر آ ہی جاتا ہے

مَصلحت

 

مصلحت اور کہیں لائی ہے
دل کسی اور کا شیدائی ہے
۔۔۔۔۔۔۔۔۔۔۔۔
دل

 

لگا نہ دل کو کہیں کیا سنا نہیں تُو نے
جو کُچھ کہ میر کا اس عاشقی نے حال کیا

عاشقی

 

آداب عاشقی سے تو ہم بے خبر نہ تھے
دیوانے تھے ضرور مگر اس قدر نہ تھے
۔۔۔۔۔۔۔۔۔۔۔۔۔۔
قدر

 

بکھرا میں اس قدر کہ سمیٹا نہیں گیا
پھر داستان عشق بھی لکھا نہیں گیا

داستان

 

کوئی زمین ہے تو کوئی آسمان ہے
ہر شخص اپنی ذات میں ایک داستان ہے
۔۔۔۔۔۔۔۔۔۔۔
اپنا یا اپنی

 

ایک اپنا دیا جلانے کو
تم نے لاکھوں دیے بجھائے ہیں
۔۔۔۔۔۔۔۔۔۔۔۔۔۔۔۔
ایک

 

مٹی ہو کر عشق کیا ہے اک دریا کی روانی سے
دیوار و در مانگ رہا ہوں میں بھی بہتے پانی سے
(محسن اسرار)

دیوار

 

پھر یوں ہوا کہ مجھ پہ ہی دیوار آگری
لیکن نہ کُھل سکا پسِ دیوار کون ہے
-----
پسِ دیوار

 

اردو میں تو نہیں، فارسی میں گلستان سعدی میں یہ شعر ملا ہے :

پیش دیوار آنچه گویی هوش دار
تا نباشد در پس دیوار گوش

دار

عام فہم لفظ دیں تاکہ کھیل چلتا رہے۔

 

آج ہم دار پہ کھینچے گئے جن باتوں پر
کیا عجب کل وہ زمانے کو نصابوں میں ملیں
۔۔۔۔۔۔۔۔۔۔۔۔۔۔۔۔
زمانہ

 

ہزار بار زمانہ ادھر سے گزرا ہے
نئی نئی سی ہے کچھ تیری رہ گزر پھر بھی
فراق گورکھپوری

رہ گزر

 

گزری جو رہ گزر میں اسے درگزر کیا
اور پھر یہ تذکرہ کبھی جا کر نہ گھر کیا
چشم سلیقہ ساز تو خاموش ہی رہی
رخصت پہ تیری دل نے بہت شور و شر کیا
-----------
تذکرہ

 

تذکرہ غیر کا لایا نہ کرو
جلے کو اور جلایا نہ کرو
۔۔۔۔۔۔۔۔۔۔
غیر

 

وہ آگ ہورہا ہے خدا جانے غیر نے
میری طرف سے اُس کے تئیں کیا لگا دیا

خدا

 

عقل میں جو گھر گیا لا انتہا کیوں کر ہوا
جو سما میں آ گیا پھر وہ خدا کیوں کر ہوا
۔۔۔۔۔۔۔۔۔۔۔۔۔۔۔۔۔۔۔۔
عقل

 

بے خطر کود پڑا آتش نمرود میں عشق
عقل ہے محو تماشا لب بام ابھی


آتش

 

میں زمیں تا آسماں وہ قید آتش دار میں
دھوپ رشتہ بن گئی سورج میں اور انسان میں
------------

رشتہ

 

نیا اک رشتہ پیدا کیوں کریں ہم
بچھڑنا ہے تو جھگڑا کیوں کریں ہم
(جون ایلیا)

بچھڑنا

 

مسکرا کر ان کا ملنا اور بچھڑنا روٹھ کر
بس یہی دو لفظ ایک دن داستاں ہو جائیں گے
۔۔۔۔۔۔۔۔۔۔۔۔۔۔
ملنا

 

اُس سے ملنا ہی نہیں‘ دِل میں تہیّہ کر لیں
وُہ خود آئے تو بہت سَرد رویہ کر لیں
ایک ہی بار یہ گھر راکھ ہو ‘جاں تو چھُوٹے
آگ کم ہے تو ہَوا اور مہیا کر لیں
--------------
رویہ

 

میرے دشمن کا رویہ تھا عجب
جب ہوا مجھ سے جدا رونے لگا
۔۔۔۔۔۔۔۔۔۔۔۔۔۔۔
جدا

 

جدا تھے ہم تو میسر تھیں قربتیں کتنی
بہم ہوئے تو پڑی ہیں جدائیاں کیا کیا
(فیض احمد فیض)

قربت یا قربتیں

 

تری قربت میں جان جاں بہت فرحت بھی ھوتی ھے
مگر ملنے ملانے سے مجھے وحشت بھی ھوتی ھے

وحشت

 

سرزد ہم سے بے ادبی تو وحشت میں بھی کم ہی ہوئی
کوسوں اس کی اور گئے پر سجدہ ہر ہر گام کیا
(میر تقی میر)

سجدہ

 

سجدہ ہو بے خلوص تو سجدہ بھی ہے گناہ
لغزش میں ہو خلوص تو لغزش نماز ہے
۔۔۔۔۔۔۔۔۔۔۔۔۔۔۔۔
خلوص

 

کہاں اب دعاؤں کی برکتیں وہ نصیحتیں وہ ہدایتیں
یہ مطالبوں کا خلوص ہے یہ ضرورتوں کا سلام ہے
(بشیر بدر)

دعا

 

آج تک جو بھی ہوا اس کو بھلا دینا ہے
آج سے طے ہے کہ دشمن کو دعا دینا ہے
۔۔۔۔۔۔۔۔۔۔۔۔۔۔۔۔۔۔
دشمن