سوالیہ بیت بازی

غالب خستہ کے بغیر کون سے کام بند ہیں
روئیے زار زار کیا کیجیے ہائے ہائے کیوں؟

 

ہے ایک تیر جس میں دونوں چھِدے پڑے ہیں
وہ دن گئے کہ اپنا دل سے جگر جدا تھا
-----------------
فکر معاش، عشق بتاں، یاد رفتگاں
اس زندگی میں اب کوئی کیا کیا کیا کرے ؟

 

زمانہ آیا ہے بے حجابی کا عام دیدار ِیار ہو گا
سکوت تھا پردہ دار جس کا وہ راز اب آشکار ہو گا
-----------------
کرم پہ اپنے نظر کر مرے گناہ نہ دیکھ
کریم ہو کے حساب وکتاب کیا معنی ؟

 

الٹی ہی چال چلتے ہیں دیوانگان عشق
آنکھوں کو بند کرتے ہیں دیدار کے لیے
-------------------------
چھوڑا نہ رشک نے کہ تیرے گھر کا نام لوں
ہر اک سے پوچھتا ہوں کہ جاﺅں کدھر کو میں؟

 

نکل کے جلد نہ جا اس قدر توقف کر
دعائے خیر دلِ بیقرار لیتا جا
۔۔۔۔۔۔۔۔۔۔۔۔۔۔۔
اے انقلابِ دہر وہ جلسے کہاں گئے
وہ بزمِ عیش اور وہ دربار کیا ہوا۔۔؟

 

ہمیشہ رنگ زمانہ بدلتا رہتا ہے
سفید رنگ ہیں آخر سیاہ مو کرتے
-------------
قمری کفِ خاکستر، و بلبل قفسِ رنگ
اے نالہ! نشانِ جگرِ سوختہ کیا ہے؟

 

کیا بتاؤں چارہ گر میں ‌آہ کس کا نام لوں
یہ دلِ بیتاب جس کا ہے یہ اس کادردہے
---------------
اس پہ تو فصل خزاں مار چکی ہے شب خوں
موسم گل کے گزر جانے کاکھٹکا کیسا؟

 

جس کی آنکھیں مجھے اندر سے بھی پڑھ سکتی ہوں
کوئی چہرہ تو مرے شہر میں ایسا لا دے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کہاں گئے وہ سخنور جو میرِ محفل تھے
ہمارا کیا ہے بھلا ہم کہاں کے کامل تھے

 

بِک جائیں جو ہر شخص کے ہاتھوں سرِ بازار
ہم یوسفِ کنعاں ہیں نہ ہم لعل و گہر ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آئے تھے یہاں جن کے تصور کے سہارے
وہ چاند،وہ سورج،وہ شب و روز کدھر ہیں؟

 

جنہیں میں ڈھونڈتا تھا آسمانوں میں زمینوں میں
وہ نکلے میرے ظلمت خانئہ دل کے مکینوں میں
-----------------
ہم تیری بزم سے اُٹھے بھی تو خالی دامن
لوگ کہتے ہیں کہ ہر دُ کھ کا صلہ ہے سو کہاں؟

 

گھر کو کاندھے پہ لیے پھرتا ہوں
مجھ میں یہ تاب و تواں ہے اب بھی
-----------
اک طرف میں ہوں اک طرف تم ہو
جانے کس نے کسے خراب کیا ؟

 

صبح مسافت‘ شام مسافت
خواب کا پھل ہے یہ تو ہوگا
سکھ تھا آنکھ کا تپتا صحرا
دُکھ بادل ہے یہ تو ہوگا
----------
بدل دیتی ہے جو احمد مقدر کی لکیریں تک
مرے ہونٹوں پہ دل سے وہ دُعا کس روز آئے گی؟

 

سُنا ہے دشمنِ دانا کو بہتر لوگ کہتے ہیں
سبب یہ ہے کہ ساتھ اچھا نہیں ہوتا ہے ناداں کا
---------------------
خیر میں تو ہوں ان کا دیوانہ
ساری دنیا کو یہ ہوا کیا ہے؟

 

پرانے رنگ چھوڑو آنکھ کے اک رنگ ہی کافی ہے
محبت سے چشم بھر لو ہمیں تصویر کرنے تک
-----------
یہ تو معلوم ہے ڈھل جائے گی یہ رات رضی
کتنی قربانی مگر لے کے ڈھلے گی صاحب ؟

 

بہزاد حُسن چیز ہے کیا، ہے جمال کیاِ
اک کھیل ہے فقط یہ ہماری نگاہ کا
----------------
جب دل تھا اسیرِ شعلہء غم، تھی کوششِ آہ و نالہ بجا
اب کیا ہے غمِ پنہاں کے سوا، عرضِ غمِ پنہاں کون کرے؟

 

ہے شان آہ كی ترے دُودِ سیاہ میں
پوشیدہ كوئی دل ہے تری جلوہ گاہ میں
علامہ اقبال
----------------
زاہد شراب پینے سے کافر ہوا میں کیوں؟
کیا ڈیڑھ چلو پانی میں ایمان بہہ گیا