سوالیہ بیت بازی

عشق قاتل سے بھی مقتول سے ہمدردی بھی
یہ بتا کس سے محبت کی جزا مانگے گا؟
-----------------
سجدہ خالق کو بھی ابلیس سے یارانہ بھی
حشر میں کس سے عقیدت کا صلہ مانگے گا؟

 

جو یقیں کی راہ پر چل پڑے
انہیں منزلوں نے پناہ دی
جنہیں وسوسوں نے ڈرادیا
وہ قدم قدم پر بہک گئے
----------------
بدن سے روح جاتی ہے تو بچھتی ہے صفِ ماتم
مگر کردار مر جائے تو کیوں ماتم نہیں ہوتا؟

 

خاک میں تجھ کو مقدر نے ملایا ہے اگر
تو عصا افتاد سے پیدا مثال دانہ کر
----------
جب کہ تجھ بن نہیں کوئی موجود
پھر یہ ہنگامہ اے خدا کیا ہے؟

 

رند بخشے گئے قیامت میں
شیخ کہتا رہا حساب حساب
-----------
وقت آنے دے دکھا دیں گے تجھے اے آسماں
ہم ابھی سے کیوں بتائیں کیا ہمارے دل میں ہے؟

 

دل کی بستی عجیب بستی ہے
لوٹنے والے کو ترستی ہے

دل کی بستی عجیب بستی ہے
روز اجڑتی ہے روز بستی ہے
--------------

اجل خود زندگی سے کانپتی ہے
اجل کی زندگی پر دسترس کیا؟

 

نیند تو خواب ہے، اور ہجر کی شب خواب کہاں
اِس اماوَس کی گھنی رات میں مہتاب کہاں
-------------------
میں گرا خاک پہ لیکن کبھی تم نے پوچھا
مجھ پہ کیا بیت گئی لغزشِ پا سے پہلے؟
آنند نرائن ملا

 

وہ زمانہ اور تھا یہ زمانہ اور ہے
تب تقاضے اور تھے اب تقاضہ اور ہے
----------------
پچھلا پہر ہے، چاندنی چٹکی ہے، باغ میں
ایسے میں آپ آ نہیں سکتے ہیں، کیا کریں؟

 

نہیں گر ہمدمی آساں، نہ ہو، یہ رشک کیا کم ہے
نہ دی ہوتی خدا یا آرزوۓ دوست، دشمن کو
-------------------
میں کہاں ہوں تو کہاں ہے ، یہ مکاں کہ لامکاں ہے؟
یہ جہاں مرا جہاں ہے کہ تری کرشمہ سازی

 

قاصد کے آتے آتے خط اک اور لکھ رکھوں
میں جانتا ہوں جو وہ لکھیں گے جواب میں
غالب
----------------
یہ آدھی چلمن ہے یا مری آنکھ میں ہے جالا؟
دکھائی کیوں دے رہا ہے روئے نگار آدھا

 

فکرِ نالہ میں گویا، حلقہ ہوں زِ سر تا پا
عضو عضو جوں زنجیر، یک دلِ صدا پایا
غالب
--------------------
کھنچے خود بخود جانب طور موسی
کشش تيری اے شوق ديدار کيا تھی؟

 

بہت خوب جواب ہےشہزاد بھائی اچھا لگا کہ کسی نے تو ادھر کا رخ کیا لیکن اس لڑی میں اگلا سوالیہ شعر دینا ہے تاکہ اس کا شعر میں جواب دیا جا سکے بہت شکریہ

 

------------
دل اس کو، پہلے ہی ناز و ادا سے، دے بیٹھے
ہمیں دماغ کہاں حسن کے تقاضا کا
غالب
---------------
پوچھتے ہیں وہ کہ غالبؔ کون ہے
کوئی بتلاؤ کہ ہم بتلائیں کیا

 

سمجھتے کیا تھے مگر سنتے تھے فسانہ درد
سمجھ میں آنے لگا جب تو پھر سنا نہ گیا
-------------
شراب بیچنے والوں پہ قیس حیراں ہُوں
شراب بیچ کے ، آخر یہ کیا خریدیں گے؟

 

ظاہر میں میرے پھول حقیقت میں میرے نخل
اس گل کی یاد میں یہ صدا ابو البشر کی ہے
-------------------

چشمِ قاتل مری دشمن تھی ہمیشہ لیکن
جیسی اب ہو گئی قاتِل کبھی ایسی تو نہ تھی؟

 

اچھی آنکھیں جو ملی ہیں اُس کو
کچھ تو لازم ہوا وحشت کرنا
۔۔۔۔۔۔۔۔۔۔۔۔۔۔۔۔۔۔۔۔۔
یہی دنیا ہے تو پھر ایسی یہ دنیا کیوں ہے
یہی ہوتا ہے تو آخر یہی ہوتا کیوں ہے

 

ہمارا اور عالم ہم کو اس عالم سے کیا مطلب
کسی سے کیا غرض ہم کو کسی کو ہم سے کیا مطلب
بہادر شاہ ظفر
----------
دل کے ٹکڑوں کو بغل بیچ لیے پھرتا ہوں
کچھ علاج ان کا بھی اے چارہ گراں ہے کہ نہیں؟