سوالیہ بیت بازی

سفر ہے شرط مسافر نواز بہتیرے
ہزار ہا شجر سایہ دار راہ میں‌ہے

دل کی آزادی شہنشاہی شکم سامان موت
فیصلہ تیرا تیرے ہاتھوں‌میں‌ہے دل یا شکم؟

 

اقبال کے سوالوں‌کے جواب اقبال خود ہی دے سکتے ہیں۔ اسی لیے اقبال کو شکوہ لکھنے کے بعد خود ہی جواب شکوہ لکھنا پڑا۔ بہرحال اوپر اقبال کا جو سوالیہ شعر ہے اسکا جواب میں ہی لکھتا ہوں تاکہ سلسلہ آگے چل سکے۔
اپنے رازق کو نہ پہچانے تو محتاج ملوک
اور پہچانے تو ہیں تیرے گدا دارا و جم

رخ روشن کے آگے شمع رکھ کر وہ یہ کہتے ہیں
ادھر جاتا ہے دیکھیں یا ادھر آتا ہے پروانہ؟

 

جواب بھی اور سوال بھی

مقابلہ ہے تِرے حسُن کا ستاروں سے
ناجانے آج ستاروں کا حال کیا ہو گا؟​

 

راہ دکھلاتے تھے جو ستاروں کو
ترس گئے ہیں‌کسی مرد راہ دان کیلئے

التجا کا ملال کیا کیجئے؟
ان کے در پر کہیں‌پڑی ہو گی

 

ضعف نے آج بڑا کام کیا ہے طاھر
سَر درِ یار پہ رکھا تو اُٹھایا نہ گیا

میں ہو گیا تباہ تمہارے ہی سامنے
کیونکر کیا یہ تم نے گوارہ جواب دو؟​

 

دل کے لٹنے کا سبب پوچھو نہ سب کے سامنے
نام آئے گا تمھارا یہ کہانی پھر سہی

تو کہاں جائے گی؟ کچھ اپنا ٹھکانہ کر لے
ہم تو کل خواب عدم میں‌شب ہجراں ہوں گے

 

ابھی تو پاؤں کے نیچے زمیں معلوم ہوتی ہے
جہاں یہ ختم ہووے گی وہیں ہم گھر بنائیں گے

جب خدا روٹھ جائے تو سجدے کروں
گرصنم روٹھ جائے تو میں‌کیا کروں؟​

 

وہ ایک سجدہ جسے تو گراں سمجھتا ہے
ہزار سجدوں سے دیتا ہے آدمی کو نجات

میں‌نے مانگی تھی یہ مسجدوں میں دعا، میں جسے چاہتا ہوں وہ مجھ کو ملے
جو میرا فرض تھا میں نے پورا کیا، اب خدا ہی نہ چاہے تو میں کیا کروں؟

 

وہ جو چاہے تو کیا نہیں ممکن
وہ نہ چاہے تو کیا کرے کوئی؟​

 

وابستہ ہے ہمیں‌سے گر جبر ہے وگر قدر
مجبور ہیں‌تو ہم ہیں، مختار ہیں تو ہم ہیں

تمھارے خط میں‌نیا اک سلام کس کا تھا؟
نہ تھا رقیب تو آخر وہ نام کس کا تھا؟

 

میں اسے عہد شکن کیسے سمجھ لوں؟ جس نے
آخری خط میں یہ لکھا ہے “ فقط آپ کا دوست“​

 

تم تکلف کو بھی اخلاص سمجھتے ہو فراز
دوست ہوتا نہیں ہر ہاتھ ملانے والا

ہوئے تم دوست جس کے دشمن اسکا آسماں کیوں ہو؟

 

دشمن و دوست کی پہچان ضروری ہے نصیر
ایسوں ویسوں سے ذرا خود کو بچا کر چلیئے

خزاں جو آئی بہاروں کا حال کیا ہو گا؟
نظر نواز ، نظاروں کا حال کیا ہو گا؟
نِکل گئے ہیں تِرے شہر سے ضرور مگر
تِرے فریب کے ماروں کا حال کیا ہو گا؟​

 

جو فریب میں نے کھائے، تجھے رازداں سمجھ کے
انہیں کیسے بھول جائوں ایک داستاں سمجھ کے؟

 

یاد کر کے اور بھی تکلیف ہوتی تھی عدم
بھول جانے کے سِوا کوئی بھی تو چارہ نہ تھا

کیا میری طرح خانہءِ برباد تم بھی ہو؟
کیا بات ہے تم گھر کا پتہ کیوں ہیں دیتے؟​

 

مسجد کے زیر سایہ اک گھر بنا لیا ہے
یہ بندہء کمینہ، ہمسائیہء خدا ہے

اغیار کے افکار و تخیل کی گدائی
کیا تجھ کو نہیں اپنی خودی تک بھی رسائی؟

 

بڑا اعزاز ہے سعدی محبت کی گدائی میں
مگر میری اَنا مجھ کو گدا ہونے نہیں دیتی

نیا اِک رشتہ پیدا کیوں کریں ہم؟
بچھڑنا ہے تو جھگڑا کیوں کریں ہم؟​

 

قطع کیجیےنہ تعلق ہم سے
کچھ نہیں ہے تو عداوت ہی سہی

لوٹ کر لے گیا کون آج تیرا صبر و قرار؟
بیقراری تجھے اے دل کبھی ایسی تو نہ تھی

 

چین و قرار جانے ہمیں آتا کیوں نہیں
شائد کہ ہو گیا ہے ہمیں ‌پیار آپ سے

دیر سے مے کدے میں بیٹھے ہو
شیخ جی! جام بھی مِلا کوئی ؟​

 

نا تجربہ کاری سے واعظ کی یہ باتیں ہیں
اس رنگ کو کیا جانے، پوچھو تو کبھی پی ہے؟

 

مجبوریوں کی بات چلی ہے تو مے کہاں
ہم نے تو زہر بھی پِیا اکثر خوشی کے ساتھ

کیا اِسی بات کو کہتے ہیں محبت کا زوال؟
اب اُسے یاد نہیں سالگرہ بھی میری​

 

اپنی آواز کی لعرزش پہ تو قابو پالو
پیار کے بول تو ہونٹوں سے نکل جاتے ہیں
اپنے تیور تو سنبھالو کہ کوئی یہ نہ کہے
دل بدلتے ہیں تو چہرے بھی بدل جاتے ہیں

اگر کج رو ہیں انجم آسماں تیرا ہے یا میرا؟
مجھے فکر جہاں کیوں ہو ، جہاں تیرا ہے یا میرا؟

 

نہیں دنیا کو جب پروہ ہماری
تو پھر دنیا کی پروہ کیوں‌کریں ہم؟​

 

دنیا نے کس کا راہِ فنا میں‌دیا ہے ساتھ
تم بھی چلے چلو یونہی جب تک چلی چلے

مجھ کو اپنا بنا کے چھوڑ دیا
کیا اسیری ہے، کیا رہائی ہے؟

 

کہا تھا اُس نے کہ اپنا بنا کے چھوڑےگا
ہُوا بھی پھر یونہی اپنا بنا کے چھوڑ گیا

کوئی اپنا نہیں زمانے میں
ہر طرح آزما کے دیکھ لیا
خاک ہو کر لپٹ گیا کوئی
تم نے دامن چُھڑا کے دیکھ لیا؟​

 

میری داستانِ حسرت وہ سنا سنا کے روئے
مجھے آزمانے والے، مجھے آزما کے روئے

زندگی جبرِ مسلسل کی طرح کاٹی ہے
جانے کس جرم کی پائی ہے سزا؟ یاد نہیں

 

سزا کے طور پر ہم کو مِلا قفس فرحت
بہت تھا شوق ہمیں آشیاں بنانے کا


کیا میری طرح خانہءِ برباد تم بھی ہو؟
کیا بات ہے تم گھر کا پتا کیوں نہیں دیتے؟​

 

جی خوش ہوا ہے مسجدِ ویراں کو دیکھ کر
میری طرح خدا کا بھی خانہ خراب ہے

اندھیرا مانگنے آیا تھا روشنی کی بھیک
ہم اپنا گھر نہ جلاتے تو اور کیا کرتے؟

 

سپرد کر کے اُسے چاندنی کے ہاتھوں میں
میں اپنے گھر کے اندھیرے میں لوٹ آؤں گی
وہ کیا گیا کے رفاقت کے سارے لُطف گئے
میں کس سے روٹھ سکوں گی کِسے مناؤں‌گی؟​

 

وہ کہیں بھی گیا لوٹا تو میرے پاس آیا
بس یہی بات ہے اچھی میرے ہرجائی کی

کیسے کہہ دوں کہ مجھے چھوڑ دیا ہے اس نے؟
بات تو سچ ہے مگر بات ہے رسوائی کی