سوالیہ بیت بازی

مانا جو میں‌کہتا ہوں‌تجھے لگتا ہے برا سا
پھر بھی ہے مجھے تم سے بہرحال گلہ سا
چپ چاپ رہے دیکھتے تم عرش بریں پر
تپتے ہوئے کربل میں محمد کا نواسا
دشمن تو بہرطور تھے دشمن مگر افسوس
تو نے بھی فراہم نہ کیا پانی ذرا سا


ہوس کو ہے نشاط کار کیا کیا؟
نہ مرنا ہو تو جینے کا مزہ کیا؟

 

تم تکلف کو بھی اخلاص سمجھتے ہو فراز
دوست ہوتا نہیں ہر ہاتھ ملانے والا

ہر ایک بات پہ کہتے ہو تم کہ تو کیا ہے؟
تمہی کہو کہ یہ انداز گفتگو کیا ہے؟

 

اور بھی چہرے زمانے میں ہزاروں ہوں گے
اُس کے چہرے پہ نظر ہو یہ ضروری تو نہیں

--------------------------------------------------------------------------

تجھے دیکھے نہ کیوں سارا زمانہ؟
کہاں ملتا ہے تجھ سا دیکھنے کو؟​

 

تیری موجودگی میں‌ تیری دنیا کون دیکھے گا؟
تجھے میلے میں‌سب دیکھیں گے میلہ کون دیکھے گا؟

 

نمازیں جو قصا ہوں پھر ادا ہوں
نگاہوں کی نمازیں کب ادا ہوں؟​

 

تڑپ کر سوز دل کو جلوہ ساماں کر لیا میں نے
بہت بے نور تھی دنیا چراغاں کر لیا میں نے

--------------------------------------------------------------------------

اندھیری رات ہے سایہ تو ہو نہیں سکتا
یہ کون ہے جو میرے ساتھ ساتھ چلتا ہے؟

 

کوئی تو ہے جو دُعاؤں میں‌یاد رکھتا ہے
میں ڈوبتا ہوں سمندر اُچھال دیتا ہے

--------------------------------------------------------

اوروں کا ہاتھ تھامو اُنہیں راستہ دکھاؤ
میں بھول جاؤں اپنا ہی گھر تم کو اِس سے کیا؟​

 

قاصد کے آتے آتے خط اک اور لکھ رکھوں
میں‌جانتا ہوں جو وہ لکھیں گے جواب میں

پیامبر نہ میسر ہوا تو خوب ہوا
زبانِ غیر سے کیا شرع آرزو کرتے؟

 

تھے تو آباء وہ تمہارے ہی مگر تم کیا ہو
ہاتھ پر ہاتھ دھرے منتظرِ فردا ہو

یہ کن نظروں سے تو نے آج دیکھا؟
کہ تیرا دیکھنا دیکھا نہ جائے

 

مریضِ غم کا منکا ڈھل چُکا ہے
چلو اب رہ گیا کیا دیکھنے کو

نصیر اُن کی گلی میں‌کیوں‌گئے تھے؟
یہی اپنا تماشہ دیکھنے کو ؟​

 

ہے جستجو کہ خوب سے ہے خوب تر کہاں؟
اب دیکھیے ٹھہرتی ہے جا کر نظر کہاں؟

 

درودِ آل محمد کی یہ فضیلت ہے
کہ لاشریک بھی اس میں‌شریک ہوتا ہے
--------------------------------------------------------------------
تجھ سے مل کر اداس ہوں اتنا
تو چلا جائے گا تو کیا ہو گا ؟

 

آنکھ جو کچھ دیکھتی ہے لب پہ آ سکتا نہیں
محو حیرت ہوں یہ دنیا کیا سے کیا ہو جائے گی؟

 

وابستہ ہے ہمیں‌سے گر جبر ہے وگر قدر
مجبور ہیں‌تو ہم ہیں‌، مختار ہیں‌تو ہم ہیں

چھین کر لے گیا کون آج تیرا صبر و قرار؟
بیقراری تجھے اے دل کبھی ایسی تو نہ تھی

 

صبر و قرار جانے ہمیں آتا کیوں نہیں
شاید کہ ہو گیا ہے مجھے پیار آپ سے

----------------------------------------------------------

میرا منہ کفن سے کھولا بڑی سادگی سے بولے
یہ نیا لباس کیسا ؟ یہ کہاں کے ہیں ارادے ؟​

 

اس نے ہماری قبر پہ آ کے جو مسکرا دیا
بجلی چمک کے گر پڑی سارا کفن جلا دیا
---------------------------------------------------------------
قفس میں‌مجھ سے رودادِ چمن کہتے نہ ڈر ہمدم
گری ہے جس پہ کل بجلی وہ میرا آشیاں کیوں ہو؟

 

بہانہ مل نہ جائے بجلیوں ‌کو ٹوٹ پڑنے کا
کلیجہ کانپتا ہے ، آشیاں کو آشیاں کہتے

---------------------------------------------------------------

کیا میری طرح خانہءِ برباد تم بھی ہو؟
کیا بات ہے تم گھر کا پتا کیوں نہیں دیتے؟​

 

میکدے کے سوا، ہمارا پتہ
ان کی زلفوں کے آس پاس ملا

------------------------------------------------------

اپنی تنہایوں پہ ہنستے ہیں
کون ہے آشنا فقیروں کا؟