زنیرہ عقیل کی اصلاح طلب شاعری

بہت بہت شکریہ محترم

 

محترمہ زنیرہ عقیل عرف گل جی کے تخیلات میں پروین شاکر صاحبہ کی جھلک آنا چاہتی ہے
کچھ اور دقتِ نظر و مشقِ سخن در پیش ہے
بندہ مدتِ دراز کی غیر حاضری کے لیے شرمندہ ہے

 

شرمندہ ہونے کی ضرورت نہیں
بھائی صاحب یہ رومال چہرے سے ہٹا دیجیے اور ذرا سا مسکرا دیجیے

 

جی
بلفظ دیگر
تصویر اچھی نہیں لگ رہی، بدل دوں

 

ماشاء اللہ تصویر تو بہت پیاری ہے
مرزا غالب لگ رہے ہیں

 

جی خوش ہو گیا کہ غالب سے مشابہ ہوں

افکار و ادراک میں نہ سہی تصویر میں ہی سہی

 

اجی حضرت ، حضور،قبلہ ۔۔۔۔۔۔۔ہوائے بہارآفریں شملہ
ادائے دلبریں بالجملہ۔۔۔۔۔۔۔۔۔نظرپھولوں کا جیسے گملا
غالب کہاں، آتش کِدھر،ناسخ ہی کیوں۔۔۔۔۔اِن کی غزلیں ،آپ کی دُبلی سی ہُوں
آپ آئے بزم میں دِل شاد ہیں۔۔۔۔۔اب کہے کوئی کہ ہم ناشاد ہیں

ہم مرادیں آپ مرادآباد ہیں
آپ دہلی ہم اسلام آباد ہیں​

 

آپ جس انداز سے خندۂ زیر لب ہیں جو یقیناً نفس الامری ابتسام کا منہ بولتا ثبوت ہے
خدا کرے کہ یہ تبسم کسی بھی بناوٹ سے پاک اور ظاہر داری سے مبرا ہو
کیوں کہ ہم واقف ہیں اس حقیقت سے کہ
پردے میں ایک مسکراہٹ کے
کتنے آنسو چھپائے جاتے ہیں

 

عزیزم میاں شکیل، صاحب اوصافِ جلیل... آپ نے تو حفیظ کی رباعیوں میں خطوطِ غالب کا رنگ بھر دیا، قدیم روایتی انداز کو جدید الفاظِ معشوقہ سے سَر کر دیا....
آپ کا اندازِ تسلسل ہمارے ربط و سلاسل کو بڑھا گیا، گویا کہ کوئی، مصرع مرے طرح پہ چڑھا گیا....
کیا مرادآباد اور کیا اسلام آباد دونوں کو نام دیجیے اردو آباد

 

اف۔
گہرائیوں اور گیرائیوں میں نہ جھانکیں، وہاں ایک پھڑپھڑاتے پرندے کے سوا کچھ نہ ملے گا

غالبِ خستہ کے بغیر کون سے کام بند ہیں
روئیے زار زار کیا، کیجیے ہائے ہائے کیوں

 

تو ہم پر اپنے اس طائرکی حقیقت آشکار کیجیے جس کے پر کاٹ کر آپ نے اڑان کےقابل ہی نہ چھوڑا

اپنا دل ہے ایک پرندہ جس کے بازو ٹوٹے ہیں
حسرت سے بادل کو دیکھے بادل اڑجاتا ہے

 

ہم نے پوچھا
"دلِ ناداں تجھے ہوا کیا ہے"
مگر افسوس...
افسوس کہ پرندہ مجھے اجازت ہی نہیں دیتا
بس اتنا کہتا ہے
"تم اپنے لوح و قلم قتل گاہ میں رکھ دو"
اب اس کو کیسے سمجھایا جائے کہ
"عمر گزری ہے اسی دشت کی سیاحی میں"
کہتا ہے
"خامشی لا زوال نعمت ہے"

 

خاموشی ہی کچھ طرفہ لطیفہ ہے کہ قائم
کرنا پڑے جس میں نہ تصنع نہ تکلف

 

وااااہ وااااہ

بے شک، بے شک

 

گل جو رکھتے رہے کتابوں میں
ہوئے ناکام وہ نصابوں میں
اپنی آنکھوں سے آج دیکھا ہے
جن کو دیکھا کبھی سرابوں میں
ان سے ملنے کی آرزو تھی بہت
پہلے ملتے رہےتھے خوابوں میں
ان کے لفظوں کو چھوما ہے اکثر
وہ جو لکھتے رہے کتابوں میں
ہم نے محسوس کیا لفظوں کو
وہ جو جلتے رہے عذابوں میں
یہ بھی ان کا سحر ہے ہم دن بھر
یوں بٹھکتے رہے گلابوں میں
اب ملاقات بھی نصیب ہوئی
وہ بھی گل کو ہوئی نقابوں میں
زنیرہ گل

 

اُن کی آنکھوں میں خمارِعشق رہتا ہے سدا
جن کو میسر ہوئی ہو وصل کی شب ایک بار
زنیرہ گل​

 

میں نے پہنا ہے کفن کی طرح محبت کو
یہ وہ لباس نہیں ہے کہ جو بدلا جائے

زنیرہ گل​