تصویر اور شعر

اس کے لب تھے سکوت کے دريا
اس کی آنکھيں سخنوروں جيسی ​

 

جوانوں کو میری آہ سحر دے
پھر ان شاہین بچوں کو بال و پر دے

سبق پھر پڑھ صداقت کا عدالت کا شجاعت کا
لیا جائے گا تجھ سے کا م دنیا کی امامت کا​

 

اس ظلم کی دنیا میں فقط پیار میری ماں
ہے میرے لئے سایۂ دیوار میری ماں
نفرت کے جزیروں سے محبت کی حدوں تک
بس پیار ہے ، ہاں پیار ہے ، بس پیار میری ماں

 

اگلی تصویر!

​

 

تو خوش رہے خدا کرے
میرا دل یہی دعا کرے
تیرے ہونٹ مسکرائے سدا
تیری آنکھ سدا ہنسا کرے
تیری بزم سدا سجی رہے
سدا بہار تیری گلی رہے
تو غم سے کبھی آشْنا نا ہو
تو ذیست میں کبھی تنہا نا ہو
زندگی میں نا کچھ کھوئے تو
مزاق میں بھی نا روئے تو
تیرا ہر خواب پورا ہو
کوئی سپنا نا اَدُھورا ہو
تیری ہر تمنا پوری ہو
تو خوش رہے خدا کرے
میرا دل یہی دعا کرے

 

مرا نہیں تو کسی اور کا بنے تو سہی
کسی بھی طور سے وہ شخص خوش رہے تو سہی

 

سینے سے لپٹ جا میرے خوابوں سے نکل کر
اک بار ملیں ہم بھی حجابوں سے نکل کر
​

 

دیوانہ وار مجھ سے لپٹ جائے گی ہوا
میں سرخ سرخ پھولوں میں جب مسکراؤں گا

 

​

غمِ جہاں ہو، غمِ یار ہو کہ تیر ستم
جو آئے، آئے کہ ہم دل کشادہ رکھتے ہیں​

 

وہ کب کا جا چکا تھا زندگی سے
مگر ہم بانہیں پھیلائے کھڑے تھے

 

نئی تصویر حاضر ہے




انہیں راستوں نے جن پر کبھی تم تھے ساتھ میرے
مجھے روک روک پوچھا تیرا ہمسفر کہاں ہے

 

تُو شریکِ سفر ہُوا نہ مگر
تیری خوشبو ہے ہمسفر میری
​

 

نگری نگری پھرا مسافر گھر کا رستا بْھول گیا
کیا ہے تیرا کیا ہے میرا اپنا پرایا بْھول گیا

 

میرے جنوں کو زلف کے سائے سے دور رکھ
رستے میں چھاؤں پا کے مسافر ٹھہر نہ جائے

 

]
مر ہی جائیں گے صنم تیرے فراق میں جل کے
ڈھونڈیں گے سُکوں اب ہم خرابات میں چل کے
​

 

اگلی تصویر ۔۔۔۔۔۔۔۔۔۔۔۔۔


ہر منزلِ غربت میں گماں ہوتا ہے گھر کا
بہلایا ہے ہر گام بہت در بدری نے

 

عمدہ شعر ہے

 

گھر کا بوجھ اٹھانے والے بچے کی تقدیر نہ پوچھ
بچپن گھر سے باہر نکلا اور کھلونا ٹوٹ گیا
منور رانا

 

اگلی تصویر حاضر ہے

اے شریف انسانو
خون اپنا ہو یا پرایا ہو
نسلِ آدم کا خون ہے آخر
جنگ مشرق میں ہو کہ مغرب میں
امنِ عالم کا خون ہے آخر

بم گھروں پر گریں کہ سرحد پر
روحِ تعمیر زخم کھاتی ہے
کھیت اپنے جلیں کہ اوروں کے
زیست فاقوں سے تلملاتی ہے
ساحر لدھیانوی

 

گزشتہ جنگ میں پیکر جلے‘ مگر اس بار
عجب نہیں کہ یہ پرچھائیاں بھی جل جائیں

.........

کرتی ہیں ہر شام یہ بِنتی ،آنکھیں ریت بھری
روشن ہو اے امن کے تارے ، ظلم کے سورج، ڈھل
​

 

اگلی تصویر حاضر ہے

میرے دل کے کسی کونے میں ایک معصوم سا بچہ
بڑوں کی دیکھ کر دنیا بڑا ہونے سے ڈرتا ہے

 

اڑنے دو پرندوں کو ابھی شوخ ہوا میں
پھر لوٹ کے بچپن کے زمانے نہیں آتے

 

کچھ نہیں چاہئے تجھ سے میری اے عمر رواں
میرا بچپن، میرے جگنو، میری گڑیا لادے
نوشی گیلانی

 

اگلی تصویر پر طبع آزمائی کریں


اُفق اُفق پہ زمانوں کی دُھند سے اُبھرے
طیور، نغمے، ندی، تتلیاں، گلاب کے پھول
کس انہماک سے بیٹھی کشید کرتی ہے
عروسِ گُل بہ قبائے جہاں، گلاب کے پھول
مجید امجد

 

ھم بند کئے آنکھ , تصّور میں پڑے ھوں
ایسے میں‌ کوئی چھم سے , جو آجائے تو کیا ھو ؟؟
"ریاض خیر آبادی"

 

اگلی تصویر


کئی رتوں سے , میرے نیم وا دریچوں میں
ٹھہر گیا ھے ، تیرے انتظار کا موسم.

”پروین شاکر“

 

چاندنی، نیم وا دریچہ، سکوت
آنکھوں آنکھوں میں رات گزری ہے
ہائے وہ لوگ خوب صورت لوگ
جن کی دھن میں حیات گزری ہے
کسی بھٹکے ہوئے خیال کی موج
کتنی یادوں کے سات گزری ہے
(مجید امجد)

 

چاندنی تو نہیں لیکن انتخاب خوبصورت ہے​

 

اگلی تصویر

​

 

ہم نے کانٹوں کو بھی نرمی سے چھوا ہے اکژ
لوگ بے درد ہیں پھولوں کو مسل دیتے ہیں